2 Kɔrint 8:7 - Kaa n Kəzə̀ n fəghə mə

⁷ Nyisa, nghee tə̀ ghaa fwaʼa dzɔbənə nə aghəə adzəm, tɔŋŋə, n bəghəm i fə̀ŋ i ghaa, n ghɔɔmə i ghaa, n tɔb u ghaa, n zày zey ghaa khənə ni gaamə ghə̂ ghə, nsə n ləghə zey ghaa khənə n kow ghey. Ghey ləghə nə̀ ghaa i fwaʼa dzɔbə soʼo n fwaʼ kə dzuŋu kən ni fuu tə̀ ghə̂ ghə.

2 Kɔrint 8:7 Mawu Ofanana

Matyo 25:22

Wù kəfwaʼ wey tə â khənə mbəghə wə ukhəə wə ubəghə n ndòw bə, dza nə̀, ‘Mûkəbii, wə â fuu naŋa mə n mbəghə wə ukhəə wə ubəghə, mə n fwaʼ, keeli kpiʼi mbənə tə tii nə umbəghə ubəghə. Koʼo, u wən ə!’

Roma 15:14

Waazə ghə, n ndzəm khənu nə̀ ghaa khənu fə̀ŋ i dzuŋu zə ni ghəŋŋə ghəə ghey Zə̀ kə ləghənə, ghaa u loʼ soʼo nə̀ Zə̀ kə n fuu ghaa n tɔb wə naʼ idzəm. Ghaa n ndzəm kɔʼ kpii ni dii tiilə wû i ghaa zə.

1 Kɔrint 1:5

Nghee tə̀ ghaa loʼnə nə kəfə kəmɔʼ ghi Klisto, tə n fuu ghaa n kuum zə nə ufə̂ udzəm, ghəŋə nə̀ ghaa i khə ghɔɔmə tə dzuŋu tə nə idzuu ni naʼa tûm wi, ghəŋə soʼo nə̀ ghaa i khə tɔb wə n ghəə a Kəzə̀ adzəm.

1 Kɔrint 12:13

N jìi i mɔʼɔ zə, saa adzəm, abə wə loʼ kə wù Juu nkee wù wən tə way wù Juu, wə loʼ kəkɔd nkee wù ngəŋ, a loʼ kə Zay kə Zow kə mɔʼɔ kə, kə fuunə ghaa n mmuu n Kəzə̀ mə ni ghəŋə nə̀ saa doʼo nə kəfə kəmɔʼ. Ghəə zey i loʼnə, loʼ nə̀ saa dzəŋi khə kə Zay kə Zow kə kəmɔʼ.

1 Kɔrint 12:8

Zay kə Zow kə ghəŋŋə wù wən tə n ghɔɔmə ghəə ghey a khənə tɔb wə, Zay kə Zow kə mɔʼɔ kə n ghəŋə wù loʼ wey n kee khə utɔb ni khəə aghəə n jìi zey ghə̂ ghə i zowkeelinə.

1 Kɔrint 13:2

Abə n tsəm khə kənə naamə kən kə ghəŋŋənə nə̀ mə i loʼ ni naʼlə tûm Kəzə̀, n zowkeeli ghəə ghən adzəm a nyi doʼonə bòʼ Kəzə̀, n keeli may aghəə adzəm fa n mbi, n keeli soʼo bəghəm i fə̀ŋ zən i loʼ ni zəb nuu kɔʼ ukaʼ, nə̀ n kee dii way ləghə zə tə̀ ghə̂ ghə, n sey maŋ loʼ kənunu.

1 Kɔrint 13:8

Tûm Kəzə̀ zən ghə̂ naʼlənə nə maynu, lii tə təghɔɔmə tən ghə̂ a ghɔɔmənə nə bə maynu, tɔb wən fa mbi nə may tsəghə soʼonu, à kee loʼ nə̀ ləghə i nə may koʼ way.

1 Kɔrint 14:12

Nghee ghaa ngii ləghənə ni keeli naamə wən Zay kə Zow kə fuunə, ngii kuu tsu na səŋ zə ni keeli naamə wən ubəghə kɔʼɔ bənə dzəŋi kə dzûmə tə Klisto tə.

1 Kɔrint 4:7

À loʼ ndee tə ghəŋənə nə̀ ghaa a loʼ ghə i loʼ n nəŋ n fəŋŋə kə ghə̂ a loʼ ghey ə? À loʼ fə̂ kə ghaa kə ghaa keeli koʼ tsənə nə̀ à way Kəzə̀ kə fuunə tə̀ ghaa ə? Abə à loʼ nə̀ a loʼ Kəzə̀ kə fuunə fə̂ u tii wə udzəm tə̀ ghaa, a loʼ kee ghaa ghaŋŋənə wû zə tə a ka fuu wi fə u tii wə tə̀ ghaa ə?

2 Kɔrint 7:7

 kad way kə n bə i Taytus zə â tsəmmənə ghey, â loʼ soʼo n jìi zey ghaa â tsəmmənə wi tii. Tə mâ tiilə dza tə̀ ghey jìi zey ghaa mbuŋŋənə tii ni koʼ mə, jìi zey ghaa â mownə tii n ghəə ghey a shinə, jìi zey wû i nyûmənə ghaa tii ni ghəŋə ghəə ghey mə â diinə ghaa tii. Ghəə ghən adzəm n ghəŋə nə̀ n kəm duʼlə nay ndòw.

2 Kɔrint 8:6

À wey loʼ ghə i tii zə ghey â buʼ tsu wɔɔ kə n wɔ Taytus nə̀ nghee tə â bùʼ kaʼ tsu dzənə fwaʼ kə dzuŋu kən ni tsowwə ukhəə ghi ghaa, tə mayyə kɔʼ kənu.

2 Kɔrint 9:14

Sey, ghə i mbuŋŋə ni koʼ ghaa, gɔŋŋə soʼo n tow u ghaa bòʼ ndzuŋ i nii zən Zə̀ kə fuunə tə̀ ghaa.

2 Kɔrint 9:8

Zə̀ kə loʼnu ni fuu ghaa n buulə zə naʼ idzəm sey nə̀, ghaa i ngii khə fə̂ wey ghaa ləghənə naʼ idzəm nə tənəŋə tədzəm. Sey, ghaa i loʼ ni ghəŋŋə ghəə a dzuŋu ghə n ndəm ni gaamə nduŋŋə ndow ghə̂ a loʼ ghə.

Efesus 4:29

I kə ghɔɔmə i dzəə i nə̂ shiənə n dzuu i ghaa, a may kə ghɔɔmə zey i bəghənə ghə̂ ghə n muu i ghə, sey nə̀, ghəə ghey ghaa ghɔɔmənə, ghə i fuu gaamə zə tə̀ ghə̂ ghən ghə zəllənə ghəə ghey ghaa dzanə.

Filipi 1:11

Ghaa i khə muu i dzuŋu zey wù keelinə n bam i Yeso Klisto. Seynə nkɔʼlə nsə kali wə i loʼ tə̀ Zə̀ kə.

Filipi 1:9

N gɔŋŋə nə̀ ləghə zey ghaa khənə n wû i ghaa zə i nyîmmə kɔʼɔ ndòw naʼ idzəm. N gɔŋŋə soʼo nə ghaa i loʼ ni keeli isəŋə zey i loʼ nə bòʼ Kəzə̀ sey nə̀ ghaa loʼ ni keeli ghəə zey i kpiilənə nsə i zey i kpiilə way,

2 Tesalonika 1:3

Waazə ghə, ghey fuu kəzɔŋŋə nəŋə tədzəm tə Zə̀ kə bòʼ ghaa. I ndzəmə dzɔbənu ni ghəŋə sey təŋkey, bəghəm i fə̀ŋ i ghaa i ndəŋə nyîmmənu, ləghə zey ghaa khənə n wû i ghaa, zə a nyîmmə soʼo naʼ idzəm.

2 Timoti 2:1

Abə wɔ a Timoti, wə loʼ waa wuŋ u dzuŋu wə, n gɔŋŋə nə̀ wə i taw bòʼ ndzuŋ zən Zə̀ kə fuunə tə wɔ nghee saa loʼnə nə kəfə kəmɔʼ ghi Yeso Klisto.

Hibru 12:28

Sey, saa fuu kəzɔŋŋə tə̀ Zə̀ kə nghee saa təmə dzəŋi ndownə ghə̂ ghey ghə loʼnə n fɔɔ u Kəzə̀ wən ghə i way ni noʼlə. Saa fuu kəzɔŋŋə tə̀ Zə̀ kə, saa ngii ngɔɔmə soʼo wi n jìi zey zə i ghəŋŋə nə̀ tə duʼlə,

1 Pita 1:22

Nya wən ghaa sow maʼa dzənə wû i ghaa zə nghee ghaa naŋŋənə isəŋə, sey nə̀, ghaa i ndzəmə ləghə wû i ghaa zə tə a loʼ a awaazə, i ndzəmə ləghə na wû i ghaa zə n fə̀ŋ tə ghaa tə tədzəm.

2 Pita 3:18

Nyisa i loʼ kə nə̀ ghaa ndow kə n sə kə ni muu n jìi zey Mûkəbii saa nsə bəghəshi ə saa Yeso Klisto i ndəŋə dii bənə ghaa n fə̀ŋ ə wi i dzuŋu zə nsə n jìi zey ghaa i tɔʼɔ ndəŋə keelinə wi. N gɔŋŋə nə̀ ghaa i ngɔɔmə Yeso Klisto nya nsə nə tənəŋə tədzəm! Zə i loʼ sey.

Chi dii 3:17

Wə dza nə̀, ‘N kûmnu, khə ufə̂ udzəm, n kəm kəŋə way fə kə loʼ kə.’ Wə kam khə way nə̀ wə maŋ loʼ fə kə ngoʼ, fə kə laa kə, wə loʼ n wû i zum zə, fə̀b doʼo soʼo.