2 Kɔrint 8:6 - Kaa n Kəzə̀ n fəghə mə

⁶ À wey loʼ ghə i tii zə ghey â buʼ tsu wɔɔ kə n wɔ Taytus nə̀ nghee tə â bùʼ kaʼ tsu dzənə fwaʼ kə dzuŋu kən ni tsowwə ukhəə ghi ghaa, tə mayyə kɔʼ kənu.

2 Kɔrint 8:6 Mawu Ofanana

Kəfwaʼ 24:17

Nya, nghee n muu tsəghə tsu a bii n ndəmə tənum, mə n ndow bənə n Yerosalem, nə n bə fu igaamə tə naʼ zuŋ zə nsə ni fu umaʼlə tə Zə̀ kə.

Roma 15:25

Nyisa wən, n loʼ n jii n ndownə n Yerosalem ni ndow fuu igaamə tə̀ ghə̂ a Kəzə̀ ghey fu.

2 Kɔrint 12:18

Mə â buʼ kəwɔɔ tə̀ Taytus nə̀ tə bə n sə̀ə ghaa, mə n tûm bə soʼo waazə ə saa u loʼ wə ghi wi. Ghaa dza i dza nə̀ Taytus â nəəbə zə̂nu ghaa ə? N dza tə â bɔɔmə khə kə ndzoʼo fə̀ŋ zey n khənə ə? N dza tə â bɔɔmə khə soʼo ndzoʼo mwam wən n khənə ə?

2 Kɔrint 2:13

À kee loʼ nə̀ mə â nam khə kəfəmmə n fə̀ŋ, n təŋkey n ka koʼ dzə waazə saa Taytus fu tii. Sey mə n dza ndòw tə̀ dzûmə tə Klisto tey fu nə̀ ghə doʼo kədzuŋ, nuu daŋŋə ndòw n mbuʼu Masedonya.

2 Kɔrint 8:10

Sey, tsə zuŋ tə̀ ghaa n ghəə zən i loʼ nə̀, à wən loʼ bùʼ kə ghaa ni mayyə fwaʼ key ghaa â zey naŋanə nə kənum. Â loʼ ghaa ghə̂ a sə̂ i sə ghə ni keeli zày ni fuu, â loʼ soʼo ghaa ghə̂ sə isə ghə ni zey ni tsowwə.

2 Kɔrint 8:19

À way kə sey, a loʼ soʼo nə̀ dzəŋi u dzûmə tə Klisto tə sày wi nə̀ tə bwey dzəŋi ghi ghey nghee tə̀ ghey bwey fwaʼanə fwaʼ kə dzuŋu kən ni fuu nkɔʼlə tə̀ Mûkəbii, nsə ni dii nə̀ ghey ləghənu ni fuu igaamə.

2 Kɔrint 8:23

Abə Taytus, tə fwaʼa fwaʼ kən n fwaʼanə, fwaʼa dzəŋi soʼo ghi mə ni gaamə ghaa. Waazə a loʼ ghey ghə bwey dzəŋi bənə ghi wi, loʼ ghə̂ ghey dzəŋi u dzûmə tə Klisto tey sày tûm bənə, ghə ghəŋŋə soʼo nə̀ Klisto i keeli kɔʼləmə.

2 Kɔrint 8:4

Ghə n buʼu bə kəwɔɔ tə̀ ghey n fə̀ŋ tə ghə tə tədzəm nə̀ ghey mə fuu ghə n buʼ kə nə̀ ghə təmdzəŋi ni gaamə dzûmə tə Klisto tey n mbuʼu Judeya.

2 Kɔrint 9:5

À wən loʼ ghə i tii zə mə â koʼ tsunə nə̀ i dzɔbənu ni tûm bə waazə a saa ghey tə ghaa isə̂, nə̀ ghə bə bayyə naŋa may tsu gaamə zən ghaa â bəghəm naŋa ni fuu. Sey nə̀ i doʼo tsu nə̀ a tsəm ghaa ni fuu gaamə i tii zə, à way dzə nə̀ ghə tə̀mmə ghaa.

Filipi 4:18

N loʼ ni dza nə̀ mə n naamə kuŋ kə keeli kpi, buʼ tsəghəshi. Mə n zə̂ kow fə̂ wən ghaa â tûm bənə tə̀ mə n wɔ̂ Epafroditus. Fə̂ u tii u loʼ tə̀ a loʼ naamə kə lə̀mmə dzɔbə kə tə̀ Zə̀ kə, fə̂ u tii u loʼ soʼo tə̀ a loʼ maʼlə u dzuŋu wə n sə̂ K-a-zə̀.

1 Pita 4:10

Nghee i loʼ nə̀ Zə̀ kə n fuu kay wù ghaa n naamə kə, ghaa khə ni ney naamə kən Zə̀ kə diinə fə̀ŋ ə wi i dzuŋu zə ni fuu tə ghaa, ghaa i laalə ndow ghə̂ a loʼ ghə tii.