2 Kɔrint 8:3 - Kaa n Kəzə̀ n fəghə mə

³ N dza bə isəŋə tə̀ ghaa nə̀, kay wù â fuu kə tə̀ daʼa kə wi kə â diinə, ghə n bùʼ fuu tsəghəshi daŋŋə tə̀ ghə â khənə. Ghə n fuu sey nə̀ wù loʼ ka ghə təmmə dzə.

2 Kɔrint 8:3 Mawu Ofanana

Malakus 14:8

Tə sa ghəŋə ghəə ghey tə loʼnə ni ghəŋə, tə feeli tsu mbvə n ləmmə mə n wû wuŋ ni bayyə naŋa tən tsu mə nə̀ nəŋə i tii i ka kam bə, tə̀ tsuʼ fey ghə i tsəllənə mə tii ni bə.

Kəfwaʼ 11:29

Sey, dzûmə tey n saalə tsu ni fuu igaamə tə wɔɔ a ghə ghə â kɔʼ kuumnə tə dzûmə tey tə loʼ nə n Judeya.

Roma 10:2

N gɔŋŋə sey n təŋkey n loʼ ni təmi tiilə bòʼ ghə nə̀ ghə ndzəmə ləghənu ni ghəŋŋə ghəə ghey Zə̀ kə ləghənə, à kee loʼ nə̀ ghə khə way jìi zey i kpiinə tə ghə ni ghəŋə ghəə a tii ghə.

1 Kɔrint 16:2

N tsuʼu mə inaʼ mə nkala, kay wù khə ni ney naŋŋə kɔʼɔ bəghə fə fəghə fə n khəə wey tə keelinə nə iwən, tə n nyì naŋa ndow, sey nə̀, abə mə i bənə, ghaa i ka kəm fəmmə wû i ghaa ni zuŋŋə khəə u tii wə.

1 Kɔrint 9:17

Abə à mə loʼ nə̀ a tsə̀m kɔʼ mə ni naʼlənə tûm i dzuŋu zən, tə n mə moʼlə nə̀ ghaa khə ni tsə mə n fwaʼ kə tii kə. À fa kee loʼ nə̀ a ka tsəm dzə mə ni fwaʼ fwaʼ kən, à loʼ Kəzə̀ kə sàynə mə nə̀ n fwaʼ fwaʼ kən tə fuu naŋanə tə̀ mə.

Galeshia 4:15

À kəm shi kee ghi duʼlə zey ghaa â khənə n nəŋə zey ə? Abə â loʼ kə ni buʼ bɔʼi shi bə sə a ghaa, ghaa fuu bə tə mə n nəŋə i tii zə, tə ghaa â bɔʼi fu.

Filipi 2:13

Ghaa keeli tsu nə̀ a loʼ Kəzə̀ kə fwaʼanə n kow ghaa, ghəŋə ghaa nə̀ ghaa i khə zay ni fwaʼ tə wi, fuu soʼo ghaa n daʼa kə nə̀ ghaa ghəŋə ghəə ghey a kpiilənə tə wi.

Kolose 4:13

N loʼnu ni tɔʼ tiilə dza nə̀ tə ndzəmə kuu səŋ zə ni fwaʼ tə ghaa, tə fwaʼa soʼo tə ghə̂ ghey n naʼ i Lodishya nsə tə ghə̂ ghey n naʼ i Hirapolis.

1 Tesalonika 2:8

Ghey n ngii ləghə ghaa, à wey loʼ ghə i tii zə ghey â ka kad naʼa kə tûm i dzuŋu zən Zə̀ kə â fuu bənə tə̀ ghaa, ghey n fuu may ndow soʼo wû i ghey ni gaamə ghaa. Ghey ndzəm ngii khə ghaa n fəŋ tə ghey.

Filemun 1:14

À kee loʼnə n ləghə way ni kwu naŋa wi nə kədaʼa nə n ka bəb zow kɔʼ dzə tə wɔ. N ləghə nə̀ i doʼo tsu nə à tsə̀m wɔ nə tə doʼo fa ghi mə, à way dzə nə a loʼ mə n tənnə nə wɔ.

1 Pita 4:11

Wù wey tə naʼlənə ghɔɔmə i Kəzə̀ zə, tə khə ni bɔɔmə naʼlə kə ghəə ghey Zə̀ kə dzanə. Wù wey tə fwaʼanə tə̀ ghə̂ ghə, tə khə ni fwaʼa n daʼa key Zə̀ kə fuunə tə̀ wi, sey nə̀, nə aghəə adzəm, ghə̂ ghə i loʼ ni fuu kɔʼlə mə tə̀ Zə̀ kə n bam i Yeso Klisto. À loʼ tə̀ wi tə khənə kɔʼlə mə n dzəm, a loʼ soʼo wi tə khənə daʼa wə udzəm saʼa nəŋə tədzəm. Zə i loʼ sey.

1 Pita 5:2

ghaa i baʼa njì tey Zə̀ kə fuu naŋa tə̀ ghaa nə̀ ghaa i laalə. Ghaa i laalə tə ghii tə nə̀ a way dzə nə̀ ghə təmmənu ghaa, ghaa khə ni laalə tə ghii tə n fə̀ŋ tə ghaa tə tədzəm n təŋkey à wey loʼ ghəə zey Zə̀ kə ləghənə. Kə ghaa nə kad fwaʼa kə a dza ghaa ləghə nə̀ ghə i tsəə bə ghaa n khəə wə, i fwaʼa ndow n na n fə̀ŋ tə ghaa tə tədzəm.