2 Kɔrint 8:23 - Kaa n Kəzə̀ n fəghə mə

²³ Abə Taytus, tə fwaʼa fwaʼ kən n fwaʼanə, fwaʼa dzəŋi soʼo ghi mə ni gaamə ghaa. Waazə a loʼ ghey ghə bwey dzəŋi bənə ghi wi, loʼ ghə̂ ghey dzəŋi u dzûmə tə Klisto tey sày tûm bənə, ghə ghəŋŋə soʼo nə̀ Klisto i keeli kɔʼləmə.

2 Kɔrint 8:23 Mawu Ofanana

Lukas 5:10

Ghə i tii zə̀ n tsəghəshi soʼo ghə̂ a loʼ ghey tɔŋŋə Jems ghi Jɔn, waa à Zebedii ghə â fwaʼa dzəŋinə ghi Shimun. Yeso n dza ndòw tə̀ Shimun nə̀, “Ka tsəŋ dzə, ni nuu tsu nya ndòw isə, wə i kwɔɔ aghə̂.”

Lukas 5:7

sey ghə n tɔŋɔ bə ghə̂ a loʼ ghey ghə â loʼ dzəŋinə ghi ghə nə̀ ghə bə tɔm ghə. Ambə ghə bənə, tsəghə tə n luu kɔʼ n fə̀n u tii wə ubəghə, wə n lòʼ tə̀ wə i məllə nyi tsu n dzùu.

Tùm i dzuŋu zə kuum Yeso Klisto tə Jɔn â tɔɔnə 13:16

N sa kùm dza bənu tə̀ ghaa, wù kəfwaʼ u lo u way ni tsəghəshi mûkəbii wi, wù tûm way soʼo ni tsəghəshi wù wey tə tûmnə wi.

1 Kɔrint 11:7

I ka kpii dzə tə̀ weynum ni tsəd kətow, n təŋkey tə dii bə fə key Zə̀ kə loʼnə ghii kə n koʼ i wi, tə u dii soʼonə kɔʼlə mey Zə̀ kə khənə, weyzən u kee diinə kɔʼlə mey weynum khənə.

2 Kɔrint 12:18

Mə â buʼ kəwɔɔ tə̀ Taytus nə̀ tə bə n sə̀ə ghaa, mə n tûm bə soʼo waazə ə saa u loʼ wə ghi wi. Ghaa dza i dza nə̀ Taytus â nəəbə zə̂nu ghaa ə? N dza tə â bɔɔmə khə kə ndzoʼo fə̀ŋ zey n khənə ə? N dza tə â bɔɔmə khə soʼo ndzoʼo mwam wən n khənə ə?

2 Kɔrint 7:6

À kee loʼ nə̀ Zə̀ kən kə kuunə fə̀ŋ tə ghə̂ ghey ghə khənə chɔdmə, â kuu soʼo fə̀ŋ tə ghey nghee tə â ghəŋənə nə̀ Taytus bə.

2 Kɔrint 8:16

N fuu kəzɔŋŋə tə̀ Zə̀ kə tə ghəŋənə nə̀ Taytus keeli soʼo ndzoʼo fə̀ŋ i dzuŋu zən n khənə ni bə gaamə ghaa.

2 Kɔrint 8:18

Ghey tûm bə wi tə̀ ghaa ghi waazə saa wey dzəŋi u dzûmə tə Klisto tə kalinə wi n fwaʼ key tə fwaʼanə ni naʼa tûm i dzuŋu zə.

2 Kɔrint 8:19

À way kə sey, a loʼ soʼo nə̀ dzəŋi u dzûmə tə Klisto tə sày wi nə̀ tə bwey dzəŋi ghi ghey nghee tə̀ ghey bwey fwaʼanə fwaʼ kə dzuŋu kən ni fuu nkɔʼlə tə̀ Mûkəbii, nsə ni dii nə̀ ghey ləghənu ni fuu igaamə.

2 Kɔrint 8:22

Ghey tûm bə soʼo waazə saa u loʼ wə ghi ghə. Ghey n wi mɔm koʼ n ndəmə tənəŋə, koʼ tsu nə̀, tə khənu zày ni gaamə n ndəmə tə aghəə. Tə baa khə zày ni gaamə nya tsəghəshi nghee tə â bùʼ khə tsənə n təŋkey, tə ngii gaʼ fə̀ŋ n kow ghaa.

2 Kɔrint 8:6

À wey loʼ ghə i tii zə ghey â buʼ tsu wɔɔ kə n wɔ Taytus nə̀ nghee tə â bùʼ kaʼ tsu dzənə fwaʼ kə dzuŋu kən ni tsowwə ukhəə ghi ghaa, tə mayyə kɔʼ kənu.

Filipi 2:25

N kee moʼlə nə̀ i dzɔbənu nə̀ n tûm bə dzə Epafroditus n səə ghaa, tə loʼ waazə wuŋ n dzəŋi kə dzûmə tə Klisto, tə loʼ wù wey tə fwaʼa dzəŋinə ghi mə, kəm loʼ dzəŋi soʼo sawgoʼ ghi mə ni naʼa tûm i dzuŋu zə. À loʼ wi ghaa â tûm bənə n səə mə̀ nə̀ tə bə fu mə n gaamə zə.

Filipi 4:3

N dza bə soʼo tə wɔ fə wuŋ wən ghi wɔ dzəŋi fwaʼa dzɔbə kɔʼɔ bə nə̀ wə gaamə gheyzən ghən, n təŋkey, ghə mâ ndzəm fwaʼ ghi mə ni naʼa tûm i dzuŋu zə. Ghə â loʼ ghi Klemen nsə ghə̂ a loʼ ghey ghə â fwaʼa dzəŋinə ghi mə. Zəd a ghə a tɔ̀ɔ doʼo n màʼlə K-a-zə̀ key tə tɔ̀ɔ naŋŋənə zəd a ghə̂ ghey ghə î zəənə muu zə itsali zə.

Kolose 1:7

 loʼ Epafras tə â tiillə dza bənə ndzuŋ ə Kəzə̀ zən tə ghaa. Tə loʼ wù kəfwaʼ wən ghi wi dzəŋi fwaʼanə. Epafras wən ghey ngii ləghənə, fwaʼa tə Klisto n fə̀ŋ ə wi idzəm bòʼ saa.

1 Tesalonika 2:2

Ghaa khə soʼonu nghee ghey fəghənə tii n naʼ i Filipi nsə nghee ghə â lənnənə ghey tii. Zə̀ kə n kee nam ghəŋə tsu nə̀ ghey keeli tsu fə̀ŋ i tii zə ni bə naʼa tûm i dzuŋu zə tə̀ ghaa nghee ghə̂ â tsəmə tuu kə ni zow ghɔɔmə i ghey.

2 Timoti 4:10

n təŋkey, Demas n keeli ləghə zə n fə u mbi, tə u zəghə maʼa tsu mə, nuu ndow n Tesalonika. Kresens mâ nuu ndow n Galeshya, Taytus n nuu ndow soʼo n Damashia.

Taytus 1:4

N tɔ̀ɔ bə màʼlə kən tə̀ wɔ a Taytus, wə ndzəm loʼnə tə̀ a loʼ waa wuŋ u səŋi wə n təŋkey saa dzəŋi bəghəm tə̀ Klisto. N gɔŋŋə nə̀ Zə̀ kə, tə loʼ Bày nsə Yeso Klisto, tə loʼ Bəghəshi saa, dii wɔ n fə̀ŋ i dzuŋu zə, ghə fuu soʼo wɔ n buulə zə.

Filemun 1:17

Abə wə khə nə̀ ghi wɔ dzəŋi fwaʼa kəfwaʼ kəmɔʼ, kpiney wi tə wə loʼ ni kpiney mə.

Filemun 1:24

Ghə̂ ghən ghə fwaʼa dzəŋinə ghi mə tɔŋŋə Mak, Aristakus, Demas nsə Lukas, tɔŋŋə zow bə soʼo ghaa.

3 Jɔn 1:8

Saa ghən saa bəghəmnə tə Klisto, khə ni gaamə ndzoʼo ghə̂ ghən tə saa doʼo ghi ghə nə kəfə kəmɔʼ nə isəŋə zən ghə diinə.