2 Kɔrint 8:21 - Kaa n Kəzə̀ n fəghə mə

²¹ Ghey ləghə ni ghəŋŋə ghəə ghey a kpiinə n sə̂ kə Mûkəbii nsə n sə̂ kə aghə̂.

2 Kɔrint 8:21 Mawu Ofanana

Matyo 23:5

Ghə ghəŋŋə ghəə a ghə adzəm nə̀ ghə̂ ghə i tɔʼɔ koʼo bə. Koʼo nghee ghə ghəŋŋə mbəghə n ghə mey ghə kow naŋa n tow u ghə nə̀ n khə kəm u ghɔɔmə i Kəzə̀ nə̀ mə i ngii dow! Koʼo soʼo nghee ghə ghəŋŋənə baʼ u təndzə wey u zənnə tii nə̀ wə i ngii daabə!

Matyo 5:16

À loʼ soʼo ighələ ghi ghaa, daa kə ghaa kə khə ni baŋa, tə̀ ghə̂ ghə i loʼ ni koʼ ghəə a ghaa a dzuŋu ghə, ghə i fuu kɔʼlə mə tə̀ Bày ghaa idəŋ.”

Matyo 6:1

Yeso n kəm dza tə ghə nə̀, “Ney na ghə̂mə zə, kə̂ ghaa nə̂ ghəŋŋənə ghəə a Kəzə̀ a ghaa ghə n sə̂ kə aghə̂ ni dii iwû nə̀ ghə̂ ghə i tɔʼɔ koʼo bə ghaa. Abə ghaa ghəŋŋənə sey, ghaa i keeli dzə way naamə kə loʼ kə n wɔ Bày ghaa idəŋ.”

Matyo 6:4

Sey nə̀ kə wù loʼ nə keelinə nə̀ wə mə fuu wù tii n gaamə zə. À loʼ Bày wə wey tə koʼonə ghəə ghey adzəm a tsəghənə nə kələm, tə i naamənə wɔ.”

Roma 12:17

Kə ghaa nə kuumənə bəb zə nə ibəb. Ndəmi tsu n na wû zə ni ghəŋŋə ndow ghəə ghey aghə̂ adzəm loʼ ni koʼ bə nə̀ a loʼ ghəə a dzuŋu ghə.

Roma 14:18

Abə wə fwaʼanə tə Klisto n jii zən, Zə̀ kə n duʼlə, ghə̂ ghə n kali soʼo nə̀ wə loʼ wù dzuŋu.

2 Kɔrint 2:17

Ghey way dzə tə̀ a loʼ ndəmə ghə̂ a loʼ ghə, ghə ney kɔʼnə ghɔɔmə i Kəzə̀ zə ni kəŋ ukhəə tii. Ghey naʼlə ghɔɔmə i Kəzə̀ n fə̀ŋ tə zow tə tə̀ a loʼ ghə̂ a kəfwaʼ a Klisto, Zə̀ kə tûm bənə.

2 Kɔrint 8:20

Ghey ney ighə̂mə nə̀ kə wù i sɔ̀ʼ kəwɔɔ n kow ghey nə̀ ghey ka tɔʼ kwu keeli gaamə zən ghaa tsowwə kɔʼnə n fə̀ŋ tə ghaa tə tədzəm.

2 Kɔrint 8:22

Ghey tûm bə soʼo waazə saa u loʼ wə ghi ghə. Ghey n wi mɔm koʼ n ndəmə tənəŋə, koʼ tsu nə̀, tə khənu zày ni gaamə n ndəmə tə aghəə. Tə baa khə zày ni gaamə nya tsəghəshi nghee tə â bùʼ khə tsənə n təŋkey, tə ngii gaʼ fə̀ŋ n kow ghaa.

Filipi 4:8

Ni guŋ kɔʼ ghɔɔmə zən a waazə ghə, ghaa khə ni naŋa tsu moʼlə tə ghaa n ghəə ghey a loʼnə isəŋə, ghəə ghey a khənə ngɔɔmə zə, ghəə ghey a loʼnə tsətsəghə, ghəə ghey a zownə, ghəə ghey a dzɔbənə, ghəə ghey a khənə kɔʼləmə, ghəə ghey ghə̂ ghə î ləghənə ni zow nsə ghəə ghey ghə î duʼlənə ni koʼ.

1 Tesalonika 5:22

Ghaa tuu maʼa ghəə a bəbə ghə adzəm.

1 Timoti 3:7

Tə khə ni teeli loʼ wù wən tə khənə ngɔɔmə zə n fəŋŋə kə ghə̂ ghən ghə ka bəghəm Zə̀ kə. Sey ghə i way ni ghɔɔmə bəəbə bòʼ wi, vəətsəə ghə i way soʼo ni bìi kwu wi.

1 Timoti 5:14

Sey, n tsəə bə waa a fəghaŋ ghən num a ghə a kpu dzənə, nə̀ ghə ney anum, ghə ji awaa, ghə laalə tə ndaw tə ghə tə, sey nə̀, kə ghə i fuu kəbuʼ tə ghə̂ a təngəmə a saa ghə ni kpaalə saa.

1 Pita 2:12

Ghaa ndow kə n sə kə ni ghəŋŋə ghəə a dzuŋu ghə n fəŋŋə kə ghə̂ ghey ghə kam khə way Zə̀ kə, sey nə̀, abə ghə tsəm dza i kwu kə ghaa nə̀ ghaa ghəŋŋə ghəə a bəbə ghə, ghə i loʼ ni dza nə̀ ghaa ghəŋŋə ghəə ghey a dzɔbənə. Sey ghə i loʼ ni fuu nkɔʼlə tə Zə̀ kə n tsuʼ fey tə i kəm bəghənə tii ni bə saʼ aghə̂.