2 Kɔrint 8:10 - Kaa n Kəzə̀ n fəghə mə

¹⁰ Sey, tsə zuŋ tə̀ ghaa n ghəə zən i loʼ nə̀, à wən loʼ bùʼ kə ghaa ni mayyə fwaʼ key ghaa â zey naŋanə nə kənum. Â loʼ ghaa ghə̂ a sə̂ i sə ghə ni keeli zày ni fuu, â loʼ soʼo ghaa ghə̂ sə isə ghə ni zey ni tsowwə.

2 Kɔrint 8:10 Mawu Ofanana

Matyo 10:42

N kuum dza bə tə̀ ghaa nə̀, wù wey tə tey fuu kənə wɔ̀ɔ mmuu i kay zə tə̀ nyaŋi fə wù fə n ghə̂ ghən n zəd i dzûmə tuŋ, î ndzəmə keelinu naamə kə.”

Tùm i dzuŋu zə kuum Yeso Klisto tə Jɔn â tɔɔnə 11:50

Ghaa ka koʼ nə̀ zə i gaamənu ghaa abə wù umɔʼ kpu n tow kə ghə̂ adzəm tsəghəshi tə̀ naʼ i Təjuu zə idzəm ni ləŋi ə?”

Tùm i dzuŋu zə kuum Yeso Klisto tə Jɔn â tɔɔnə 16:7

N kee nam dza bə kə isəŋə tə̀ ghaa nə̀, a loʼ n ndzuŋ ə ghaa n nuulə ndownə, n təŋkey, abə n ka nuu ndow, Wù wey tə tsə̀ənə ghə̂ ghə i bə way. Nə n kee nuu ndow dzənu, mə i ndow tûm bə wi tə̀ ghaa.

Tùm i dzuŋu zə kuum Yeso Klisto tə Jɔn â tɔɔnə 18:14

Kayfas â loʼ wù wey tə â tsə̀nə ngəd tə Təjuu tə nə̀, “Dzɔb loʼ nə̀ tə wù umɔʼ mə kpu n tow kə ghə̂ ghən adzəm.”

1 Kɔrint 10:23

Ghə̂ a loʼ a loʼnu n fəŋŋə kə ghaa ghə dzanə nə̀, “Laŋ kə loʼ kə way dzə kə tuunə nə̀ ghey ka ghəŋə ghəə zey ghey ləghənə ni ghəŋə.” N kee dza bə tə̀ ghaa nə̀ a way dzə aghəə adzəm a dzɔbənə tə̀ ghaa. À loʼ kənu isəŋə nə̀, “Laŋ kə loʼ kə way dzə kə tuunə nə̀ saa ka ghəŋə ghəə zey saa ləghənə ni ghəŋə.” À kee loʼ nə̀ à way dzə aghəə adzəm a gaamənə ghaa ni bəghə muu i ghaa.

1 Kɔrint 16:2

N tsuʼu mə inaʼ mə nkala, kay wù khə ni ney naŋŋə kɔʼɔ bəghə fə fəghə fə n khəə wey tə keelinə nə iwən, tə n nyì naŋa ndow, sey nə̀, abə mə i bənə, ghaa i ka kəm fəmmə wû i ghaa ni zuŋŋə khəə u tii wə.

1 Kɔrint 6:12

Ghə̂ a loʼ a loʼnu n fəŋŋə kə ghaa ghə dzanə nə̀, “Laŋ kə loʼ kə way dzə kə tuunə nə̀ ghey ka ghəŋə ghəə zey ghey ləghənə ni ghəŋə.” N kee dza bə tə̀ ghaa nə̀, à way dzə aghəə adzəm a dzɔbənə tə̀ ghaa. À loʼ kənu isəŋə nə̀, “Laŋ kə loʼ kə way dzə kə tuunə nə̀ n ka ghəŋə ghəə zey n ləghənə ni ghəŋə.” À kee loʼ nə̀ mə i bəghəm naŋa way nə̀ fə̂ kə loʼ kə ghəŋə mə nə̀ n doʼo kəkɔd tə̀ ghii kə.

1 Kɔrint 7:25

N ghəə ghən ghaa a tɔ̀ɔ bəb bənə kuum ghə̂ ghən ghə ka kam ney iwû, n khə way laŋ kə loʼ kə Mûkəbii fuu bənə. Nghee Mûkəbii kwɔɔlənə sî zə n kow mə, ghəŋə nə̀ ghə̂ a loʼ ni gaʼ fə̀ŋ n kow mə, n kee fuu bənu saalə kuŋ kə.

1 Kɔrint 7:40

N kee dza bə n moʼlə zuŋ nə̀ a loʼ ghə i dzuŋu zə tə̀ wi ni doʼo sey nə̀ tə ka num ney. N moʼlə nə̀ Zə̀ kə n fuu soʼo mə n Zay kə Zow kə ni mbɔŋ fuu bə tsə̀ zən.

2 Kɔrint 12:1

N khə ni tsəm ndow kə n sə kə ni tsɔbə fə̀ŋ. Abə i loʼ kə nə̀ i khə way gaamə i loʼ zə, n dza n dza bə ghaa n ghəə ghey Mûkəbii diinə tə̀ mə̀ nə ujim nsə ghəə a nyiə doʼo ghey tə chi diinə tə̀ mə.

2 Kɔrint 8:6

À wey loʼ ghə i tii zə ghey â buʼ tsu wɔɔ kə n wɔ Taytus nə̀ nghee tə â bùʼ kaʼ tsu dzənə fwaʼ kə dzuŋu kən ni tsowwə ukhəə ghi ghaa, tə mayyə kɔʼ kənu.

2 Kɔrint 8:8

N dza dzə way ghəə ghən tə̀ n tsəʼlə bə kəlaŋ. N kee dii bə səŋ zey ghə̂ a loʼ a kuunə n fwaʼ kə ghə ni koʼ nə̀ ləghə i ghaa i kuum loʼnu isəŋə.

2 Kɔrint 9:2

N dza sey n təŋkey, n khənu nə̀ ghaa khənu zày ni fuu igaamə, zə â ghəŋənə nə̀ mə i tsɔbə fə̀ŋ tə̀ ghə̂ a Masedonya ghə bòʼ ghaa. N dza tə̀ ghə nə̀, “À nya loʼ kənum tə̀ dzûmə tə Klisto tey nə Akaya â bayyə naŋanə ni fuu igaamə.” Ndzoʼo zày zey ghaa khənə ni fuu igaamə n kəm nùumə dzəŋŋə bə ndəm ə ghə.

Filipi 4:17

N ghəə ghən dza dzə way nə̀ ghaa i fuu bə mə n fə wə, n fədlə ləghə nə̀ ghaa i keeli kɔʼɔ ndow naamə kə n mwam u dzuŋu wey ghaa khənə.

Hibru 13:16

Kə ghaa i neyzəə ni ghəŋŋə ndzuŋ nsə ni dzawwə fuu ndow ghə̂ ghey ghə khə way boʼnə Zə̀ kə duʼlənu n ndzoʼo maʼlə wən.