2 Kɔrint 7:8 - Kaa n Kəzə̀ n fəghə mə

⁸ N təŋkey abə i loʼ kənə nə̀ maʼlə kuŋ kə â ghəŋə ghaa nə̀ ghaa i mow, n way dzə ni sɔm. Mə â nyaʼi sɔm kənu nghee tə̀ màʼlə kə tii kə â ghəŋənə ghaa nə̀ ghaa i mow, abə zə â loʼ kə n tɔŋɔ fə inəŋə.

2 Kɔrint 7:8 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 16:6

A dza ghaa zow bə dzə ghəə ghən n dzanə fa, ghaa u zey ndow ni mow n fə̀ŋ tə ghaa.

Tùm i dzuŋu zə kuum Yeso Klisto tə Jɔn â tɔɔnə 21:17

Yeso n kəm bəb kpiʼi ndow tə̀ wi ni ghəŋə ndow tənəŋə tətəghə nə̀, “Shimun, waa Jɔn, wə ləghənu mə ə?” Ghə i tii zə n ngii fəmmə Pita n fə̀ŋ nghee tə bəbə kuulə kə ghə zə imɔʼ. Tə n beeli ndow wi nə̀, “Mûkəbii, wə khə aghəə adzəm, wə a khə soʼo nə n ləghənu wɔ.” Yeso n dza ndow tə wi nə̀, “I laalə njì tuŋ tə.

2 Kɔrint 7:11

Koʼo na ghəə ghey mow zən i kpiilə n sə̂ K-a-zə̀ ney bənə tə ghaa. I ghəŋŋə nə̀ ghaa təmi kɔʼ n fuu zə, nyûmə n wû zə ni dii nə̀ wɔɔ a ghaa a zownu, bəghəm naŋŋə way ghəə zey i kpii way. Ghaa loʼ tən nə ighə̂mə, mbuŋŋə ni koʼ mə, kuu isəŋ ni ghəŋŋə ghəə a dzuŋu ghə, khə fə̀ŋ ni chɔd wù wey tə ghəŋə bəəbənə. N ghəə ghən adzəm ghaa n dii nə̀ ghaa khə way wɔɔ kə n ghə i tii zə.

2 Kɔrint 7:12

Nghee mə â tɔɔnə màʼlə key tə̀ ghaa, mə â ka tɔ̀ɔ dzə bòʼ wù wey tə â ghəŋə bəəbənə, nkee bòʼ wù wey ghə ghəŋə bəəbənə tə̀ wi. Mə â tɔ̀ɔ bə tə̀ ghaa, ni ghəŋə nə̀ ghaa saʼ n wû i ghaa ndzoʼo ngɔɔmə zey ghaa fuunə tə̀ ghey n sə̂ K-a-zə̀.

2 Kɔrint 7:6

À kee loʼ nə̀ Zə̀ kən kə kuunə fə̀ŋ tə ghə̂ ghey ghə khənə chɔdmə, â kuu soʼo fə̀ŋ tə ghey nghee tə â ghəŋənə nə̀ Taytus bə.

2 Kɔrint 7:7

 kad way kə n bə i Taytus zə â tsəmmənə ghey, â loʼ soʼo n jìi zey ghaa â tsəmmənə wi tii. Tə mâ tiilə dza tə̀ ghey jìi zey ghaa mbuŋŋənə tii ni koʼ mə, jìi zey ghaa â mownə tii n ghəə ghey a shinə, jìi zey wû i nyûmənə ghaa tii ni ghəŋə ghəə ghey mə â diinə ghaa tii. Ghəə ghən adzəm n ghəŋə nə̀ n kəm duʼlə nay ndòw.

2 Kɔrint 7:9

Sey n duʼlənu. N duʼlə dzə way nə̀ ghaa â keeli imôw, n duʼlə n təŋkey mow i ghaa i mâ ghəŋə ghaa nə̀ ghaa kweyyə fə̀ŋ tə ghaa. Mow i tii zə â kpiinu n sə̂ K-a-zə̀, dii tsuu nə̀ ghey â ka ghəŋə bəəbə dzə tə̀ ghaa.

Chi dii 3:19

Ghə̂ ghən adzəm n ləghənə, mə n kpaa tsu ghə, mə n chɔd tsu ghə. Sey, ghaa khə ni ndzəm khə nə̀ ghaa numnu nkee ghaa kaynu, ghaa kweyyə nuu bə soʼo fə̀ŋ tə ghaa n ghəə a bəbə ghə.