2 Kɔrint 7:7 - Kaa n Kəzə̀ n fəghə mə

⁷ Â kad way kə n bə i Taytus zə â tsəmmənə ghey, â loʼ soʼo n jìi zey ghaa â tsəmmənə wi tii. Tə mâ tiilə dza tə̀ ghey jìi zey ghaa mbuŋŋənə tii ni koʼ mə, jìi zey ghaa â mownə tii n ghəə ghey a shinə, jìi zey wû i nyûmənə ghaa tii ni ghəŋə ghəə ghey mə â diinə ghaa tii. Ghəə ghən adzəm n ghəŋə nə̀ n kəm duʼlə nay ndòw.

2 Kɔrint 7:7 Mawu Ofanana

Matyo 26:75

Pita n daŋŋə taa moʼlə tsu ghəə zey Yeso â dzanə tə̀ wi nə̀, “Tə mwaʼ kə ni tɔŋ, a i loʼ nə̀ wə̀ n mə tuu maʼa tənəŋə tətəghə.” Tə n nuu tsu fu, shi ndow a bii, ndòw dey dzɔb i tsu.

Matyo 5:4

Buulə i loʼ tə̀ ghə̂ ghey ghə mownə, N təŋkey, Zə̀ kə î tsəmmənu ghə.

Lukas 22:44

Tə n baa ndeemi nyi ndow uwû ni gɔŋŋə, ghəə a tii ghə n ngii dədlə wi n fə̀ŋ sa, zuʼlə n wi mə n chim tsu aghəd tə̀ a loʼ təkaŋ

Kəfwaʼ 11:23

Ambə tə ndow nyi ndow nə̀, koʼ tsu ghəə a dzuŋu ghən Zə̀ kə ghəŋənə tə ghə, tə n duʼlə naʼ idzəm, kuu ndow fə̀ŋ tə ghə nə ghə təmi taw tsu kə ghi Mûkəbii n fə̀ŋ tə ghə tə tədzəm.

Roma 1:12

N ləghə ni bə n səə ghaa sey nə̀, mə i loʼ ni təm tawwə ghaa n bəghəm i fə̀ŋ i ghaa, ghaa i mbɔŋ təm tawwə bə soʼo mə n bəghəm i fə̀ŋ zuŋ.

1 Kɔrint 5:2

Ghaa loʼ ngee ni ghaŋŋə wû zə n ndzoʼo ghəə ghən ə? À wən loʼ ighəə ghaa mə khə ni mow tii, ghaa bùʼ dzùm nuu shi daŋŋə wù wey tə ghəŋŋə ndzoʼo ghəə ghən n fəŋŋə kə ghaa.

2 Kɔrint 1:14

n təŋkey, ghaa ka ghey kam tɔʼ zowkeeli. N sey gɔŋŋə nə̀ abə n tsuʼ fey Mûkəbii saa Yeso î bəghənə, ghaa i loʼ ni kɔʼlə wû zə bòʼ ghey ighələ tə̀ ghey kɔʼlənə wû zə bòʼ ghaa.

2 Kɔrint 1:4

Tə tsəmmə saa n chɔd n saa ndzəm, sey nə̀ saa i loʼ soʼo ni tsəmmə ghə̂ ghey ghə loʼnə nə uchɔd n jìi zey Zə̀ kə tsəmmənə ghey tii.

2 Kɔrint 2:9

Ghəə zey mə â tɔ̀ɔ bə soʼonə màʼlə key tə̀ ghaa, â loʼ ni mɔm koʼ ghaa, ni koʼ nə̀ ghaa i naŋŋə kənu ghəə ghey mə â dzanə tə̀ ghaa adzəm.

2 Kɔrint 5:2

Saa ndzəm mùu n vən fə uwû fən nə̀ saa dzɔɔlə tənənu n təŋkey, saa mbuŋŋə nə̀ Zə̀ kə mə dzəŋə tən tsu saa n wû u fəghə wən saa i keelinə idəŋ.

2 Kɔrint 7:6

À kee loʼ nə̀ Zə̀ kən kə kuunə fə̀ŋ tə ghə̂ ghey ghə khənə chɔdmə, â kuu soʼo fə̀ŋ tə ghey nghee tə â ghəŋənə nə̀ Taytus bə.

2 Kɔrint 7:8

N təŋkey abə i loʼ kənə nə̀ maʼlə kuŋ kə â ghəŋə ghaa nə̀ ghaa i mow, n way dzə ni sɔm. Mə â nyaʼi sɔm kənu nghee tə̀ màʼlə kə tii kə â ghəŋənə ghaa nə̀ ghaa i mow, abə zə â loʼ kə n tɔŋɔ fə inəŋə.

2 Kɔrint 8:16

N fuu kəzɔŋŋə tə̀ Zə̀ kə tə ghəŋənə nə̀ Taytus keeli soʼo ndzoʼo fə̀ŋ i dzuŋu zən n khənə ni bə gaamə ghaa.

Filipi 1:20

Moʼlə zuŋ nsə ləghə zuŋ i loʼ nə, kə n nə bwu koʼonə n fwaʼ kuŋ, nə̀ mə î fəd khə fə̀ŋ ni naʼlə tûm i dzuŋu zə, sey nə̀ wû wuŋ udzəm u loʼ ni fuu kɔʼləmə tə̀ Klisto nya nsə nə tənəŋə tədzəm, abə n loʼnə utaw nkee nə̀ mə n kpu.

Kolose 2:5

Nghee n buʼ lɔʼlə loʼ kə fa, moʼlə tuŋ tədzəm tə loʼ fey ghi ghaa, fə̀ŋ zuŋ u duʼlənə ni koʼ nə̀ ghaa muunu muu i dzuŋu zə, taw soʼo n bəghəm i fə̀ŋ i ghaa ghi Klisto.

1 Tesalonika 3:6

Nyisa Timoti n dzəŋŋə bə n səə ghey n ghəə a dzuŋu ghə, ghey ngii duʼlə nghee tə tiilə dza bənə jìi zey ghaa bəghəmnə tii tə̀ Klisto nsə ləghə zey ghaa khənə n wû i ghaa. Tə n dza bə soʼo tə̀ ghey nə̀ ghaa moʼlənu ghey nəŋə tədzəm, ndzəmə mbuŋŋə ni koʼ ghey ighələ tə ghey mbuŋŋə soʼonə ni koʼ ghaa.

1 Tesalonika 3:8

N dza sey n təŋkey, ghey loʼ ni ndzəm muu nya n fə̀ŋ tə kay tə nghee bəghəm i fə̀ŋ i ghaa i tɔʼ loʼ dzənə nə kəfə kəmɔʼ ghi Mûkəbii.

Hibru 2:1

À wey loʼ ghə i tii zə saa khə ni tɔʼ ney ighə̂mə n ghəə ghən saa zownə. Sey nə̀, kə ghə i loʼ i nə sìi dzəŋŋənə saa.

Jems 5:17

Elayja â ngəŋŋə loʼ soʼo wù sɔŋtsuʼ tə a loʼ saa, ambə tə gɔŋŋə tsunə n fə̀ŋ ə wi idzəm nə kə ghow i nə tsuunə, zə n bɔɔmə doʼo sey. Ghow zə n ka tsu n ghəlitsə kə tii kə nə tənum tətəghə n bad kə.

2 Jɔn 1:4

Mə â duʼlənu ni koʼ nə̀ waa a ghaa a loʼ a muu nə isəŋə, ighələ tə Bày tsəʼlə naŋa nə kəlaŋ tə̀ saa.

Màʼlə kə Jud tə̀ ghə̂ a Kəzə̀ ghə 1:3

Fə ghuŋ a dzuŋu ghə, nghee mə â tsəm ngii khə kənə zày ni tɔ̀ɔ bə tə ghaa nghee Zə̀ kə i dzəŋi bəghəshiənə saa adzəm tii, mə n koʼ tsu nə̀, i dzɔbənu tə mə ni tɔ̀ɔ bə tə ghaa, n dza bə tə̀ ghaa nə̀ ghaa təmi taw tsu n bəghəm i fə̀ŋ zən Zə̀ kə â fuu naŋanə tə ghə̂ a wi a zow ghə adzəm, ney nuu kəwɔɔ.