2 Kɔrint 7:2 - Kaa n Kəzə̀ n fəghə mə

² Sey chi naŋa kɔʼ na fə̀ŋ tə ghaa tə tə̀ ghey. Ghey ka ghəŋə bəəbə dzə ghə i loʼ zə tə̀ wù, ghey ka ney dzə tɔb wən ghey khənə ni ney fə kə wù, ghey ka tsìi soʼo wù loʼ.

2 Kɔrint 7:2 Mawu Ofanana

Matyo 10:14

Nə ghə ka ghaa kpii ney, tuu soʼo ni zəllə ghɔɔmə i ghaa, ghaa n zə̀ghə tsu bii kə tii kə nkee naʼ i tii zə, buʼ maʼa tsu bvə kə naʼ i tii zə n fuu i ghaa.

Matyo 10:40

Yeso n nam dza ndow tə ghə nə̀, “Wù wey tə ney naŋanə ghaa, sey ney naŋa mə, abə wù ney naŋanə mə, tə sey ney naŋa soʼo wù wey tə tûm shinə mə.

Lukas 10:8

Abə ghaa nyinə n naʼ i loʼ zə ghə kpii neynə ghaa fu, nə̀ ghə fu kə kee tə̀ ghaa, ghaa n zə soʼo.

Kəfwaʼ 20:33

N ka kam shi koʼ tsə n sə̂ zə n khəə u wù nkee n ndzə̂ tə wù.

Roma 16:18

N dza sey n təŋkey ghə̂ ghey ghə ghəŋŋənə ndzoʼo ghəə a tii ghə, ghə fwaʼa way tə Mûkəbii saa Klisto, ghə fədlə fwaʼa tə̀ nəghə u ghə wə. Nyim kə ghə kə tsəghə dzɔbə nə idzuu, ghə a khə ghɔɔmə i tsìi zə ni nəb ghə̂ ghən ghə tɔʼ khə way ghəə ghə.

2 Kɔrint 1:12

Fə̀ŋ tə ghey tə zownu, ghey u loʼnə ni kɔʼlə iwû nə̀ muu i ghey fa mbi â loʼ tsətsəghə loʼ soʼo nə̀ isəŋə. A wey bɔɔmə loʼ nghee ghey muunə ghi ghaa. Ghey ghəŋŋə dzə way ghəə ghə n tɔb u mbi, ghey ghəŋŋə aghəə adzəm n ndzuŋ zey Zə̀ kə diinə tə ghey.

2 Kɔrint 11:16

N dza kpiʼi bə nə̀, kə̂ wù nə̀ moʼlənə nə̀ n laʼlənu. Abə ghaa kee moʼlənə nə̀ n laʼlənu, bəghəm kɔʼ na mə tə̀ a loʼ wù laʼlə, sey nə̀ n loʼ ni mbɔŋ ghaŋŋə uwû fənyaŋi.

2 Kɔrint 11:9

Nghee tə̀ mə̂ â loʼnə ghi ghaa, mə â fəmmə way ghaa abə n laʼanə fə kə. Waazə a saa ghey ghə â nuu bənə n Masedonya, ghə â bə mə̀ n fə wə udzəm. Sey nghee tə̀ mə â doʼonə nə̀ n fəmmə way ghaa, mə̀ î fəmmə koʼ way ghaa n ghə i loʼ zə.

2 Kɔrint 4:2

Ghey n tuu maʼa ghəə a dədlə a kətow ghey ghə̂ a ghəŋnənə nə kələm. Ghey ghəŋŋə way ghəə a tsìi ghə, ghey fwɔdlɔ soʼo way ghɔɔmə i Kəzə̀ zə. Ghey kee ghɔɔmə bə isəŋə n mgbaŋ nə̀ ghə̂ adzəm ghə i khə n fə̀ŋ tə ghə nə̀ ghəə ghey ghey ghəŋŋə, a kpiinu n sə K-a-zə̀.

Filipi 2:29

Abə tə i bənə, kpii ney na wi nə iduʼlə tə̀ a loʼ waa Kəzə̀. Ghaa khə ni ngɔɔmə ndzoʼo ghə̂ ghey.

Kolose 4:10

Aristakus wən tə loʼnə fa n ndaw tsaʼ ghi mə, tɔŋɔ zow bə ghaa. Mak, waazə ə Banabas tɔŋɔ zow bə soʼo ghaa. Ghə mâ buʼ dza tə ghaa nə̀ abə Mak kpaʼi bənə fey, ghaa kpii ney wi.

1 Tesalonika 2:10

Ghaa loʼ ghə təmi tiilə n tow u ghey, tə̀ Zə̀ kə loʼ soʼonə ni tiilə dza jìi zey ghey muu n fəŋŋə kə ghaa ghən ghaa bəghəm tə Zə̀ kə. Ghey ka ghəŋə koʼ tsə wù n ghə i bəbə i loʼ zə. Muu i ghey zə â zownu, loʼ soʼo tsətsəghə.

Filemun 1:12

N tûm dzəŋŋə bə wi ibam tə wɔ, keeli tsu nə̀ tə loʼ tə a loʼ fə̀ŋ zuŋ.

Filemun 1:17

Abə wə khə nə̀ ghi wɔ dzəŋi fwaʼa kəfwaʼ kəmɔʼ, kpiney wi tə wə loʼ ni kpiney mə.

2 Jɔn 1:10

Sey, abə wù loʼ bənə n səə ghaa nə tə ka bə nsə dii zən, kə ghaa nə kpiineynə wi n ndaw tə ghaa, kə ghaa nə buʼu tɔŋɔ zow wù tii tə̀ a loʼ wù Kəzə̀.