2 Kɔrint 7:13 - Kaa n Kəzə̀ n fəghə mə

¹³ Sey, a wən loʼ fə key kə tsəmmənə ghey n fə̀ŋ. Ghəə zey zə â kuu soʼonə fə̀ŋ tə ghey tə â loʼ nə̀, Taytus â ngii duʼlənu n jìi zey ghaa â kpii neynə wi tii, sey ghaa n ghəŋə nə̀ fə̀ŋ ə wi tsu kay tsu.

2 Kɔrint 7:13 Mawu Ofanana

Roma 12:15

I duʼlə n na ghi ghə̂ ghey ghə duʼlənə, mow soʼo ghi ghə̂ ghey ghə mownə.

Roma 15:32

Ghaa gɔŋŋə sey, sey nə̀ Zə̀ kə ghəŋə nə̀ n bə n səə ghaa nə iduʼlə, n zayyə daŋŋə soʼo n fəŋŋə kə ghaa abə n bənə.

1 Kɔrint 12:26

Dii tsu nə̀, abə bad kə uwû kəmɔʼ kə fəʼlənə, zuŋ u wû u loʼ wey udzəm wə n fəʼlə soʼo, abə bad kə uwû kəmɔʼ kə loʼ dzɔbnə, zuŋ u wû u loʼ wey udzəm wə n loʼ dzɔb soʼo.

1 Kɔrint 16:13

Təmi kɔʼ na n fuu zə. Kə wù loʼ nə təʼlənə ghaa. Ghaa təmi taw tsu n bəghəm i fə̀ŋ i ghaa. Kə ghaa nə tsəŋənə ghə i loʼ zə. I taw dzɔbə n na.

1 Kɔrint 16:18

Ghə n kuu soʼo fə̀ŋ zuŋ ighələ tə̀ ghə kuunə fə̀ŋ tə ghaa tə. I ndzəm kpiinu ni fuu ndzoʼo ghə̂ ghən n kɔʼləmə.

2 Kɔrint 2:13

À kee loʼ nə̀ mə â nam khə kəfəmmə n fə̀ŋ, n təŋkey n ka koʼ dzə waazə saa Taytus fu tii. Sey mə n dza ndòw tə̀ dzûmə tə Klisto tey fu nə̀ ghə doʼo kədzuŋ, nuu daŋŋə ndòw n mbuʼu Masedonya.

2 Kɔrint 2:3

À wey loʼ ghə i tii zə mə â tɔ̀ɔ bənə màʼlə key mə̀ â bùʼ tûm bənə tə̀ ghaa sey nə̀, abə n bənə, kə̂ ghaa nə ghəŋŋənə nə̀ n fəələ n fə̀ŋ loʼ sey nə̀ à mə loʼ ghə ni ghəŋə mə nə̀ mə i duʼlə. N khənu nə̀ abə n duʼlənə, i sey dii nə̀ ghaa adzəm duʼlə soʼonu.

2 Kɔrint 7:14

Abə mə â tsɔbənə fə̀ŋ bòʼ ghaa tə̀ wi, n ka tow kə dədlə kə keeli dzə. Nghee tə̀ ghəə ghey adzəm ghey â dzanə tə̀ ghaa â loʼnə isəŋə, a loʼ soʼo sey fə̀ŋ zey ghey â tsɔbənə bòʼ ghaa tə̀ Taytus â loʼnə isəŋə.

2 Kɔrint 7:15

Nsə sey, abə tə moʼlə tsu n fə̀ŋ ə wi jìi zey ghaa â zownə tə̀ wi, nsə nghee ghaa â kpii neynə wi tii n ngɔɔmə i səŋi zə, ləghə zey tə khənə n kow ghaa n ngii loʼ.

2 Kɔrint 7:6

À kee loʼ nə̀ Zə̀ kən kə kuunə fə̀ŋ tə ghə̂ ghey ghə khənə chɔdmə, â kuu soʼo fə̀ŋ tə ghey nghee tə â ghəŋənə nə̀ Taytus bə.

Filipi 2:28

N ndzəmə ləghənu ni tûm nuu bə wi n səə ghaa, sey nə̀ abə ghaa koʼnə wi, ghaa i ngii keeli iduʼlə, mə̀ i khə soʼo way fəmmə kə n fə̀ŋ zuŋ.

2 Timoti 1:16

N gɔŋŋə nə̀ Zə̀ kə kwɔɔlə isî n kow Onesiforus nsə ghə̂ ghey adzəm ghə loʼnə n ndaw wi n təŋkey, tə â bə tsəmmə zeeli tsə mə n ndaw tsaʼ, tə n ka dədlə soʼo n tow kə ni bə koʼ mə.

Filemun 1:20

N waazə, n buʼu bə kəwɔɔ tə wɔ n zəd i Mûkəbii nə̀ wə fuu mə n gaamə zən. Wɔ, tə a loʼ wù wən tə loʼnə nə kəfə kəmɔʼ ghi Klisto, ghəŋə nə̀ fə̀ŋ zuŋ i zow dzɔbə.

Filemun 1:7

N waazə, n ngii duʼlənu, fə̀ŋ zuŋ u zow soʼo n ndzoʼo ləghə zey wə diinə tə ghə̂ a Kəzə̀ ghə. Ləghə zey wə diinə n kuu fə̀ŋ tə ghə̂ a Kəzə̀ ghə adzəm.

1 Pita 3:8

Ni guŋ kɔʼ, ghaa adzəm khə ni teeli khə mwam wə umɔʼ, khə soʼo fə̀ŋ imɔʼ. Ghaa khə ni ləghə wû i ghaa zə tə a loʼ awaazə, dii fə̀ŋ i dzuŋu zə tə̀ ghə̂ ghə, khə soʼo zuŋ kə umwam n wû i ghaa.