2 Kɔrint 7:11 - Kaa n Kəzə̀ n fəghə mə

¹¹ Koʼo na ghəə ghey mow zən i kpiilə n sə̂ K-a-zə̀ ney bənə tə ghaa. I ghəŋŋə nə̀ ghaa təmi kɔʼ n fuu zə, nyûmə n wû zə ni dii nə̀ wɔɔ a ghaa a zownu, bəghəm naŋŋə way ghəə zey i kpii way. Ghaa loʼ tən nə ighə̂mə, mbuŋŋə ni koʼ mə, kuu isəŋ ni ghəŋŋə ghəə a dzuŋu ghə, khə fə̀ŋ ni chɔd wù wey tə ghəŋə bəəbənə. N ghəə ghən adzəm ghaa n dii nə̀ ghaa khə way wɔɔ kə n ghə i tii zə.

2 Kɔrint 7:11 Mawu Ofanana

Malakus 3:5

Tə n laalə tsəghə ndòw ghə n nəghə u fəə wə, fəd khə imôw n fə̀ŋ boʼ ghə, n təŋkey, ghə â ngii taw n tow kə. Tə n dza ndòw tə̀ wù wey nə̀, “naalə shi ndòw wɔɔ kə kə̀.” Wù tii n naalə shi i ndòw, wɔɔ kə wi kə n daŋŋə taw doʼo dzəŋŋə i bə.

Tùm i dzuŋu zə kuum Yeso Klisto tə Jɔn â tɔɔnə 2:17

Ngəd tə wi tə n daŋŋə moʼlə bə nə̀ màʼlə K-a-zə̀ kə dza nə̀, “Ləghə i dzəŋi kə ndaw Kəzə̀, zə î ney nuulənu mə.”

Kəfwaʼ 17:16

Ambə Pɔl sə loʼ n Atens tə ləmmənə Silas ghi Timoti, zə n ngii fəmmə wi n fə̀ŋ nghee tə koʼ tsunə nə̀ muʼu n ngii loʼ n naʼ i tii zə.

Roma 11:20

À loʼ kənu isəŋə nə̀ ghə â khə̂mə nuu shi bə kpìi tə loʼ tey n təŋkey ghə â ka bəghəm dzə tə̀ Zə̀ kə, ghaa a kee tey n təŋkey, ghaa bəghəm tə Zə̀ kə. À kee loʼ nə̀ ghaa khə dzə way ni ghaŋŋə wû zə n ghə i loʼ zə, ghaa fəd khə ni ney ighə̂mə.

Roma 14:18

Abə wə fwaʼanə tə Klisto n jii zən, Zə̀ kə n duʼlə, ghə̂ ghə n kali soʼo nə̀ wə loʼ wù dzuŋu.

Roma 3:5

Ghə̂ a loʼ a loʼnu ni kee dza nə̀, “Ghəə a bəbə ghən ghey ghəŋŋənə, a dzɔbənu n təŋkey, a ghəŋŋə nə̀ ghə̂ ghə i loʼ ni tɔʼ koʼ bə nə̀ Zə̀ kə loʼ tsətsəghə. Abə i loʼnə sey, saa loʼnu ni dza nə̀ Zə̀ kə ka ghəŋə dzɔb abə tə chɔdnə saa bòʼ ghə i tii zə ə?”

1 Kɔrint 12:25

Zə̀ kə sey ghəŋə naŋa nə̀ kə ghə nə dzawwə doʼonə n wû i ghə, ghə i fədlə gaamə tiilə wû i ghə zə.

1 Kɔrint 5:13

À loʼ Kəzə̀ tə khənə ni saʼ ghə̂ ghey ghə loʼnə nə̀ a way dzûmə tə Klisto. I kee tɔ̀ɔ doʼo n màlə K-a-zə̀ nə̀, “Ghaa khə ni teeli dzum nuu shi wù bəbə wey tə loʼnə n fəŋŋə kə ghaa.”

1 Kɔrint 5:2

Ghaa loʼ ngee ni ghaŋŋə wû zə n ndzoʼo ghəə ghən ə? À wən loʼ ighəə ghaa mə khə ni mow tii, ghaa bùʼ dzùm nuu shi daŋŋə wù wey tə ghəŋŋə ndzoʼo ghəə ghən n fəŋŋə kə ghaa.

2 Kɔrint 13:7

Ghey gɔŋŋə tə̀ Zə̀ kə nə̀ i kə ghaa nə ghəŋŋə bəəbənə ghə i loʼ zə. À way dzə ni dii nə̀ ghey n təm zə̂, à fəd loʼ ni ghəŋə nə̀ ghaa ghəŋə ghəə zey i kpiilənə, abə i loʼ kənə tə̀ ghey n bwu.

2 Kɔrint 2:6

Chɔd mən ndəmə ghaa fuunə tə̀ wù tii, mə n kpii.

2 Kɔrint 6:4

Ghey fədlə dii bə wû i ghey tə̀ a loʼ ghə̂ a kəfwaʼ a Kəzə̀ a dzuŋu ghə nə̀ təjìi tədzəm, nghee ghey kownə fə̀ŋ n chɔd mən ghey keelinə, kow fə̀ŋ n ghəə ghən a tsəmə tawnə, kow soʼo fə̀ŋ nghee tə̀ ghey tsəmə zow kənə ngoʼ.

2 Kɔrint 7:1

Waazə ghuŋ a dzuŋu ghə, nghee tə̀ Zə̀ kə təb naŋanə ghəə ghən tə̀ saa, saa khə ni sow zowwə tsu wû i saa n wɔ ghəə ghən adzəm a loʼnə ni dzəələ wû i saa n fə̀ŋ nsə nə kəzay, a i muu muu zey i zownə, tsəŋə ndow soʼo Kəzə̀.

2 Kɔrint 7:7

 kad way kə n bə i Taytus zə â tsəmmənə ghey, â loʼ soʼo n jìi zey ghaa â tsəmmənə wi tii. Tə mâ tiilə dza tə̀ ghey jìi zey ghaa mbuŋŋənə tii ni koʼ mə, jìi zey ghaa â mownə tii n ghəə ghey a shinə, jìi zey wû i nyûmənə ghaa tii ni ghəŋə ghəə ghey mə â diinə ghaa tii. Ghəə ghən adzəm n ghəŋə nə̀ n kəm duʼlə nay ndòw.

2 Kɔrint 7:9

Sey n duʼlənu. N duʼlə dzə way nə̀ ghaa â keeli imôw, n duʼlə n təŋkey mow i ghaa i mâ ghəŋə ghaa nə̀ ghaa kweyyə fə̀ŋ tə ghaa. Mow i tii zə â kpiinu n sə̂ K-a-zə̀, dii tsuu nə̀ ghey â ka ghəŋə bəəbə dzə tə̀ ghaa.

2 Kɔrint 9:2

N dza sey n təŋkey, n khənu nə̀ ghaa khənu zày ni fuu igaamə, zə â ghəŋənə nə̀ mə i tsɔbə fə̀ŋ tə̀ ghə̂ a Masedonya ghə bòʼ ghaa. N dza tə̀ ghə nə̀, “À nya loʼ kənum tə̀ dzûmə tə Klisto tey nə Akaya â bayyə naŋanə ni fuu igaamə.” Ndzoʼo zày zey ghaa khənə ni fuu igaamə n kəm nùumə dzəŋŋə bə ndəm ə ghə.

Efesus 4:26

Abə wə fəələnə nəghə wə, ka bəghəm nə nəghə u fəə u tii u ghəŋə wɔ nə̀ wə ghəŋə ghə i bəbə zə. Ka bəghəm soʼo nə̀ ghab kə ngii shi, tsuʼ u bə dzə nə̀ wə nam fəələ kə unəghə.

Efesus 5:11

Kə ghaa nə̂ dzəələnə wɔɔ a ghaa ghə n ghəə a bəbə ghey a tsəghənə nə kələm, n təŋkey, ghəə a tii a khə way gaamə i loʼ zə. Ghaa fəd khə ni chi dii ghəə a tii ghə n mgbaŋ.

Filipi 2:12

Waazə ghuŋ a dzuŋu ghə, nghee tə̀ ghaa naŋŋə tsənə laŋ u Kəzə̀ wən mə â diinə ghaa tii n nəŋə zey saa â nam dzəŋi loʼ tsənə. Sey nya, abə n loʼ ghi ghaa nkee n way, dzɔb loʼ nə̀, ghaa ndow kə n sə kə ni naŋŋə laŋ u tii wə. Ghaa khə ni fwaʼa kɔʼɔ ndow n tsəŋ i Kəzə̀ n jìi zey ghaa loʼ ni keeli ibəghəshi tii.

1 Tesalonika 4:6

Sey î kə̂ wù loʼ nə ghəŋə ghə i bəbə zə tə waazə n ghəə i zən nkee ni tsi ney wey wi. Ghey n ghəə ghən tə̀ ghaa dza, tɔ̀ʼ tiilə tsu tuŋŋə u ghaa nə̀ Zə̀ kə i saʼa bəəbənu ghə̂ ghən ghə ghəŋə ndzoʼo ghəə ghən.

1 Timoti 5:20

A kee bə ngəd tey tə mgbaʼi ghəŋŋə kuulə kə ghəə a bəbə ghə, wə khə ni kpaa ndow ghə n sə kə aghə̂ adzəm, sey nə̀, ghə̂ a loʼ ghey loʼ ni tyi tsəŋ.

2 Timoti 2:15

Ndəmi tsu wû wə ni doʼo tə a loʼ wù kəfwaʼ wən Zə̀ kə bəghəm naŋanə, ndzoʼo wù kəfwaʼ wey tə dədlə way n tow kə, wù kəfwaʼ wey tə loʼ soʼonə ni tɔʼ tiilə dza tûm zən i loʼnə isəŋə.

Taytus 3:8

Ghəə ghən n dza bənə fa tə̀ wɔ ndzəm loʼ isəŋə. N ləghə nə̀ wə i tɔʼɔ dza kuulə ndow ghəə ghən tə̀ ghə, sey nə̀ ghə̂ ghən ghə bəghəmnə tə̀ Zə̀ kə, loʼ ni khə zày ni ghəŋŋə ghəə ghey a dzɔbənə. Ghəə a tii a dzɔbənu, loʼ soʼo ni gaamə aghə̂ adzəm.

Hibru 4:1

Nghee Zə̀ kə â təb naŋa dzənə tə saa nə̀ saa i nyiənu n luʼu kə wi kə zayyə kə, i nam loʼ kə sey. Saa khə ni ney ighə̂mə nə̀ kə wù loʼ i bwu khə̂mə nə̀ tə ka ndow nyi fu n luʼu kə zayyə kə tii kə.

Jems 3:17

A kee loʼ nə̀, ghə̂ ghey ghə khənə ndzoʼo tɔb wən Zə̀ kə idəŋ kə fuu bənə, khə fə̀ŋ tə zow tə. Ghə ləghə nə̀ ghə̂ ghə i loʼ nə ibuulə, zə̀ələ ghəŋŋə aghəə, ləghə aghə̂. Ghə khə sî i kwɔɔlə zə, ghəŋŋə soʼo ghəə a dzuŋu ghə. Ghə badla way ghəə ghə, loʼ soʼo tsətsəghə.

1 Pita 1:17

Ghaa tɔŋŋə Kəzə̀ nə̀ a loʼ Bày ghey abə ghaa gɔŋŋə tə̀ wi wən tə saʼanə ghə̂ ghə nə̀ tə laalə way tûm usə u wù wə. Tə saʼa kə kay wù n ghəə ghey tə ghəŋənə. Sey, ghaa khə ni muu tən kə ni ngɔɔmə Zə̀ kə n nəŋə zən ghaa nam khənə nghee ghaa tyi nyi doʼonə fa.

1 Pita 2:2

Ghaa i mbuŋŋə ni nyɔŋ ghii n Zay kə Zow kə n loʼnə ghɔɔmə i Kəzə̀ zə tə̀ waa nə mbuŋŋənə ni nyɔŋ ghii n nay wi, sey nə̀, abə ghaa məənə ghii n tii mə, ghaa i loʼ ni tɔʼ beyyə taw tsu n bəghəm i fə̀ŋ i ghaa, Zə̀ kə i bəghəshi soʼo ghaa.

Màʼlə kə Jud tə̀ ghə̂ a Kəzə̀ ghə 1:23

Ghaa bəghəshi ghə̂ a loʼ ghə ni ney nuu bə ghə nə uvələ. Ghaa dii sî i kwɔɔlə zə tə ghə nə ighə̂mə nə̀ kə ghəə a ghə a bəbə a nə daŋanə saa. Ghaa i nyaŋa daŋŋə ndzə̂ tə ghə tey tə loʼ nə̀ wû i ghə zə n dzəələ maʼa.

Chi dii 3:19

Ghə̂ ghən adzəm n ləghənə, mə n kpaa tsu ghə, mə n chɔd tsu ghə. Sey, ghaa khə ni ndzəm khə nə̀ ghaa numnu nkee ghaa kaynu, ghaa kweyyə nuu bə soʼo fə̀ŋ tə ghaa n ghəə a bəbə ghə.