2 Kɔrint 7:10 - Kaa n Kəzə̀ n fəghə mə

¹⁰ Mow zey i kpiinə n sə̂ K-a-zə̀ ghəŋŋə wù nə̀ tə kweyyə fə̀ŋ ə wi, tə̀ ghə loʼ ni keeli ibəghəshi. Mow i tii i ghəŋŋə way nə̀ wù sɔm. À fəd loʼ mow n ghə̂ a mbi i ney bənə və zə.

2 Kɔrint 7:10 Mawu Ofanana

Matyo 26:75

Pita n daŋŋə taa moʼlə tsu ghəə zey Yeso â dzanə tə̀ wi nə̀, “Tə mwaʼ kə ni tɔŋ, a i loʼ nə̀ wə̀ n mə tuu maʼa tənəŋə tətəghə.” Tə n nuu tsu fu, shi ndow a bii, ndòw dey dzɔb i tsu.

Lukas 15:10

N dza bə tə ghaa nə̀ à loʼ soʼo ighələ tsətəndəghə tə Kəzə̀ tə i duʼlənə, abə wù bəbə umɔʼ kweyyə kɔʼnə fə̀ŋ ə wi, tə bə dzəŋŋə n səə Kəzə̀.”

Lukas 18:13

Wù kwɔɔ u kəmàʼlə wey, n fəd tey n ghab kə, buʼu tsəŋə daŋŋə ni laalə kɔʼ idəŋ nə tə n kwu keeli fə̀ŋ ə wi dza, ‘Zə̀ kə, kwɔɔlə sî zə n kow mə, n loʼ wù bəbə wə.’”

Kəfwaʼ 11:18

Ambə ghə zow tsunə sey, ghə kəm khə way ghəə zə ni khə̂mə wi tii, ghə n zey ndow ni fuu ukali tə Zə̀ kə dza nə̀, “I sey dii nə̀ Zə̀ kə n mbɔŋ fuu soʼo ghə̂ ghən ghə way ghə̂ a Təjuu ghə n bùʼ kə nə̀ ghə kweyyə nuu bə fə̀ŋ tə ghə n ghəə a bəbə ghə, ghə keeli soʼo imuu.”

Kəfwaʼ 3:19

Kwey nuu bə na fə̀ŋ tə ghaa tə n ghəə a bəbə ghə, ghaa bə n səə Zə̀ kə tə̀ tə neyzəə ghəə a ghaa a bəbə ghə.

2 Kɔrint 12:21

N tsəŋə nə̀ abə mə i kəm bənə, tow kə i ngii dəd mə n sə kə Zə̀ kuŋ bòʼ ghaa. Mə i kaʼ ni mow bòʼ ndəmə ghə̂ ghey ghə â ghəŋənə bəb zə, ghə a nam loʼ nə̀ ghə ka kam kweyyə nuu bə fə̀ŋ tə ghə tə n ghəə a ghə a dzəə ghə, ghəə a laŋŋə ghə nsə moʼlə tə dzəə tey ghə â khənə.

2 Kɔrint 7:9

Sey n duʼlənu. N duʼlə dzə way nə̀ ghaa â keeli imôw, n duʼlə n təŋkey mow i ghaa i mâ ghəŋə ghaa nə̀ ghaa kweyyə fə̀ŋ tə ghaa. Mow i tii zə â kpiinu n sə̂ K-a-zə̀, dii tsuu nə̀ ghey â ka ghəŋə bəəbə dzə tə̀ ghaa.

Hibru 12:17

Ghaa khənu nə̀ nghee tə â ləghə ni kəm ney buulə zey bày wi â ləghənə ni fuu tə̀ wi, bày wi n tuu ni fuu wi n buulə i tii zə n təŋkey, tə a kəm khə way jìi i loʼ zə ni kweyyə kɔʼ ghəə zey tə â ghəŋənə nghee tə â buʼu ləghə kə buulə i tii zə n sə̂ mə idey mə.