2 Kɔrint 7:1 - Kaa n Kəzə̀ n fəghə mə

¹ Waazə ghuŋ a dzuŋu ghə, nghee tə̀ Zə̀ kə təb naŋanə ghəə ghən tə̀ saa, saa khə ni sow zowwə tsu wû i saa n wɔ ghəə ghən adzəm a loʼnə ni dzəələ wû i saa n fə̀ŋ nsə nə kəzay, a i muu muu zey i zownə, tsəŋə ndow soʼo Kəzə̀.

2 Kɔrint 7:1 Mawu Ofanana

Matyo 12:33

Yeso n dza kpiʼi ndow tə ghə nə̀, “Abə kaʼ fə nyim dzɔbənə, fə məə bə tam u dzuŋu wə, abə fə nyim dzɔbə way, fə məə bə tam u bəbə wə, bòʼ nə̀, a koʼo keeli kə fəkaʼ n ndzoʼo tam wey fə məənə.

Matyo 5:48

I sey dii nə̀, ghaa khə ni loʼ tsətsəghə ighələ tə̀ Bày ghaa idəŋ loʼnə tsətsəghə.”

Matyo 5:8

Buulə i loʼ tə̀ ghə̂ ghey fə̀ŋ tə ghə tə zownə, N təŋkey, ghə nə̂ koʼonu Zə̀ kə.

Kəfwaʼ 9:31

À wən loʼ nəŋə zən kɔŋŋə kə â nyi bənə tii n kow ghə̂ ghə n dzəŋi u dzûmə tə Klisto wən n Judeya, Galili nsə n Samaria. Zay kə Zow kə n kuu fə̀ŋ tə ghə nə̀ ghə i muu n jìi zey Mûkəbii ləghənə. Taŋ a ghə n nyîmmə kɔʼɔ ndow naʼ idzəm.

Roma 5:20

Zə̀ kə fuu bə laŋ kə wi nə̀ ghə̂ adzəm i loʼ ni koʼo ndow ghəə a bəbə ghən ghə ghəŋŋənə. A n kee bə ghə̂ a ghəŋŋə nduŋŋə ndow kə ghəə bəbə ghə, Zə̀ kə n baa kəm dii bə ndzuŋ ə wi tə̀ ghə̂ ghə naʼ idzəm nə̀ maŋ kwɔɔlə tsu isî.

1 Kɔrint 6:20

Zə̀ kə mâ kùmshi tow u ghaa wə n wən i taw zə. Sey, ghaa khə ni ney naŋa tsu vən fə uwû fə ghaa ni kɔʼlə Zə̀ kə a tii.

2 Kɔrint 1:20

I loʼ sey n təŋkey, à loʼ Klisto tə luulənə ghəə ghey Zə̀ kə â təb naŋanə adzəm. À loʼ n bam i wi ghey loʼnə ni bəghəm dzəŋi nə̀, “Zə̀ i loʼ sey.” Fuu ndow nkɔʼlə n dzəm tə̀ Zə̀ kə.

Efesus 2:3

Saa adzəm saa â muu tsə tə̀ a loʼ ghə nghee saa â ləghənə fə u mbi wə, ghəŋŋə ndow kə ghəə ghən wû i saa nsə fə̀ŋ tə saa tə ləghənə. Saa â maŋ loʼ tə̀ a loʼ fə u wə ivə, ləmə kə nə̀ nghee tə̀ Zə̀ kə loʼ nə̀ kə n fəələ nəghə wə ghi saa, kə chɔd saa ighələ tə kə i chɔdlɔnə ghə̂ a mbi a loʼ ghən ghə nam ghəŋŋənə ghəə a bəbə ghə.

1 Tesalonika 3:13

Ghey gɔŋŋə nə̀ abə ghaa i ghəŋənə ghəə ghən Zə̀ kə təm tawwə fə̀ŋ tə ghaa, tə ghəŋə nə̀ ghaa i loʼ tsətsəghə. Tə i ghəŋə soʼo nə̀ ghaa i loʼ tsətsəghə sə kə wi tə loʼnə Bày saa n nəŋə zey Mûkəbii saa Yeso i bə dzəŋŋənə ghi ghə̂ a wi ghən ghə khə way bəb i loʼ zə.

1 Tesalonika 4:7

I loʼ sey n təŋkey, Zə̀ kə ka tɔŋŋə dzə saa tə̀ a loʼ ghə̂ a wi nə̀ saa i ghəŋə ghəə a dzəə ghə. Tə tɔŋŋə saa nə̀ saa i muu muu zey i zownə.

1 Tesalonika 5:23

Ghey gɔŋŋə nə̀ Zə̀ kən kə ghəŋŋənə nə̀ fə̀ŋ tə ghaa tə i loʼ nə ibuulə, n wû u wi kə bə ghəŋə nə̀ ghaa i zow n muu i ghaa. Ghey gɔŋŋə nə̀ ghəə adzəm ghaa ghəŋŋənə, ghəə ghey ghaa ləghənə nsə ghəə ghey ghaa moʼlənə i khə way bwu i loʼ zə abə Mûkəbii saa Yeso Klisto i bə dzəŋŋənə.

Hibru 12:23

Ghaa n bə n dzəŋi kə ghə̂ ghey ghə loʼ tə a loʼ waa a Kəzə̀ a sə isə ghən zəd a ghə a tɔ̀ɔ doʼonə idəŋ. Ghaa n bə n səə Zə̀ key kə saʼanə ghə̂ ghə adzəm. Ghaa n bə n luʼu key zay u ghə̂ a Kəzə̀ ghən muu i ghə zə â loʼnə tsətsəghə, Zə̀ kə n ghəŋə nə̀ ghə kpii tsu ghə̂ ghey tə ləghənə nə̀ ghə i loʼ ghii kə.

Hibru 12:28

Sey, saa fuu kəzɔŋŋə tə̀ Zə̀ kə nghee saa təmə dzəŋi ndownə ghə̂ ghey ghə loʼnə n fɔɔ u Kəzə̀ wən ghə i way ni noʼlə. Saa fuu kəzɔŋŋə tə̀ Zə̀ kə, saa ngii ngɔɔmə soʼo wi n jìi zey zə i ghəŋŋə nə̀ tə duʼlə,

Hibru 4:1

Nghee Zə̀ kə â təb naŋa dzənə tə saa nə̀ saa i nyiənu n luʼu kə wi kə zayyə kə, i nam loʼ kə sey. Saa khə ni ney ighə̂mə nə̀ kə wù loʼ i bwu khə̂mə nə̀ tə ka ndow nyi fu n luʼu kə zayyə kə tii kə.

Hibru 6:9

Nghee tə̀ ghey buʼu ghɔɔmə kə n jii zən sa tə̀ ghaa ma waazə ghuŋ a dzuŋu ghə, ghey khə tənnu nə̀ buulə i dzuŋu i bəghənu tə̀ ghaa, ghəə ghən ghə i ney bənə bəghəshi zə tə̀ ghaa.

Jems 4:8

Səŋ kəŋə bə na n səə Kəzə̀, Zə̀ kə i səŋ kəŋə bə soʼo n səə ghaa. Shiələ nuu na wɔɔ a ghaa ghə n ghəə a bəbə ghə, ghaa ghən ghaa ghəŋŋənə ghəə a bəbə ghə. Ghaa sow maʼa soʼo fə̀ŋ tə ghaa ghə nəb ityim.

1 Pita 1:15

Nghee i kee loʼ nə̀ wù wey tə tɔŋɔnə ghaa zownu, ghaa khə ni zow soʼo tə a loʼ wi n ghəə a ghaa a ghəŋŋə ghə adzəm

1 Pita 1:17

Ghaa tɔŋŋə Kəzə̀ nə̀ a loʼ Bày ghey abə ghaa gɔŋŋə tə̀ wi wən tə saʼanə ghə̂ ghə nə̀ tə laalə way tûm usə u wù wə. Tə saʼa kə kay wù n ghəə ghey tə ghəŋənə. Sey, ghaa khə ni muu tən kə ni ngɔɔmə Zə̀ kə n nəŋə zən ghaa nam khənə nghee ghaa tyi nyi doʼonə fa.

1 Pita 1:22

Nya wən ghaa sow maʼa dzənə wû i ghaa zə nghee ghaa naŋŋənə isəŋə, sey nə̀, ghaa i ndzəmə ləghə wû i ghaa zə tə a loʼ a awaazə, i ndzəmə ləghə na wû i ghaa zə n fə̀ŋ tə ghaa tə tədzəm.

1 Pita 2:11

Fə ghuŋ a dzuŋu ghə, n buʼu bə kəwɔɔ tə̀ ghaa nə̀, tə a loʼ ghə̂ ghey ghə bwey nyi bənə fa n mbi nsə ghə̂ ghən ghə tyi nyì doʼonə, kə ghaa nə ghəŋŋənə ghəə ghey gow uwû ghaa ləghənə, n təŋkey, u zuulə baalə fə̀ŋ tə ghaa.

1 Pita 5:10

À kee loʼ nə̀ abə ghaa fəghə tsu n tɔŋɔ fə inəŋə, Zə̀ key kə diinə fə̀ŋ ə wi i dzuŋu zə tə saa nəŋə tədzəm, à loʼ wi tə â tɔŋɔnə ghaa nə̀ ghaa keeli soʼo kɔʼlə n wi mən n may way n təŋkey saa loʼ nə kəfə kəmɔʼ ghi Klisto. Wi n wû u wi wə i ghəŋə nə̀ ghəə a ghaa adzəm a kəm doʼo bə kədzuŋ, tə ghəŋə nə̀ bəghəm i fə̀ŋ i ghaa zə i taw, tə fuu soʼo ghaa n daʼa kə nə̀ ghaa i tɔʼ tey.

1 Jɔn 1:7

Abə saa bweynə nə kədaa nghee tə Zə̀ kə loʼ nə daa kə, saa sey zəə dzəŋi nə kəfə kəmɔʼ. Sey, maʼlə wən Yeso, waa Kəzə̀ a fəələnə n kaŋ tə wi, tə i sow zowwə naŋŋə kɔʼɔnu saa n ghəə a saa a bəbə ghə adzəm.

1 Jɔn 1:9

Abə saa dey dza ndownə bəb i saa zə tə Zə̀ kə, tə i ghəŋə ghəə ghey tə dzanə, tə i ghəŋə soʼo ghəə zey i kpiinə. Tə i neyzəə ghəə a saa a bəbə ghə, tə sow maʼa soʼo ghəə a saa a bəbə ghə adzəm.

1 Jɔn 3:3

Wù wən tə khə ndzoʼo moʼlə zən n kow Klisto, sey sow zowwə naŋa wû u wi nə̀ tə i zow ighələ tə Klisto zownə.