2 Kɔrint 6:6 - Kaa n Kəzə̀ n fəghə mə

⁶ Ghey n dii nə̀ ghey loʼ ghə̂ a kəfwaʼ a Kəzə̀ n muu i ghey i zow zə, n tɔb u ghey, n jìi zey ghey kownə fə̀ŋ tii, n mwam u ghey u dzuŋu wə. Zay kə Zow kə a loʼ n kow ghey, ghey u ləghənə ghə̂ ghə n fə̀ŋ tə ghey tə tədzəm.

2 Kɔrint 6:6 Mawu Ofanana

Roma 12:9

Ghaa khə ni ndzəmə dii ndow ləghə zə tə ghə̂ ghə. Ghaa khə ni taw ndow kə ni ghəŋŋə ghəə a dzuŋu ghə, kee baa ghəə a bəbə ghə.

Roma 15:19

Tə â ghəŋə ghəə ghən n daʼa kə tsəə tən nsə faalə mən mə â diinə n fəŋŋə kə ghə nsə n daʼa kə Zay kə Zow kə. Sey, mə n naʼa ngəə tsəghə bə tûm i dzuŋu zə bòʼ Klisto ni ney nuu bə n Yerosalem bə taa bə nə Ilirikum.

1 Kɔrint 12:8

Zay kə Zow kə ghəŋŋə wù wən tə n ghɔɔmə ghəə ghey a khənə tɔb wə, Zay kə Zow kə mɔʼɔ kə n ghəŋə wù loʼ wey n kee khə utɔb ni khəə aghəə n jìi zey ghə̂ ghə i zowkeelinə.

1 Kɔrint 13:4

Ləghə i ghəŋŋə wù nə̀ tə i kow fə̀ŋ, tə i khə soʼo fə̀ŋ i dzuŋu zə. Ləghə i ghəŋŋə dzə way wù nə̀ tə i khə ghoʼ kə. Ləghə i ghəŋŋə dzə way wù nə̀ ghaŋŋə wû wə nkee kɔʼlə kaabə tsə uwû.

1 Kɔrint 2:16

I tɔ̀ɔ doʼo n màʼlə K-a-zə̀ nə̀, “À loʼ ndee tə khənə moʼlə tə Mûkəbii tə ə? À loʼ ndee tə loʼnə ni tsə̀ Mûkəbii ə?” A kee bə ghey, ghey khə moʼlə tey Klisto khənə ghii tə.

1 Kɔrint 2:4

Tûm zən mə â naʼlənə, â maŋ way dzə ighɔɔmə i nuu bənə n wɔ wù sɔŋtsuʼ ni nəəbə ghaa tii, â fəd loʼ Zay kə Zow kə, kə â fuunə mə n daʼa kə, ni naʼa ghəə tii ghə adzəm tə̀ ghaa.

2 Kɔrint 1:23

Zə̀ kə loʼ ni təmi tiilə bòʼ mə nə̀ n dza isəŋə nə̀ ghəə zey mə â doʼonə nə̀ n ka kəm bə n Kɔrint, â loʼ n təŋkey mə̀ â ləghə way ni tɔɔbə n kow ghaa.

2 Kɔrint 11:11

À loʼ kee n ghɔɔmənə sa ə? À loʼ nə̀ n ləghə way ghaa ə? Ngaŋ! Zə̀ kə khənu nə̀ n ləghənu ghaa.

2 Kɔrint 11:4

N dza sey n təŋkey ghə̂ a loʼ ghə n bə n fəŋŋə kə ghaa, ghə a diinə ghaa n ghəə ghə bòʼ Yeso u nuu wə nə̀ à way Yeso wey ghey â diinə ghaa tii. Ghə ləghə ni fuu ghaa n zày kə nuu kə nə̀ à way kə key Zə̀ kə â fuunə tə̀ ghaa n nəŋə zey ghaa â bəghəmnə tii tə̀ Klisto. Ghə naʼlə bə tûm i nuu zə tə̀ ghaa, ghaa n bəghəm tûm i tii zə loʼ sey nə̀ à way tûm i dzuŋu zən mə â naʼanə tə̀ ghaa bòʼ Klisto. Abə ghə ghəŋŋənə ghəə ghən, ghaa n mbad bəghəm naŋa ghəə a tii ghə adzəm.

2 Kɔrint 11:6

Abə i loʼ kə nə̀ n khə way ni ghɔɔmə, n kee laʼlə dzə way. Ghey n dii may tə̀ ghaa nə təjìi tədzəm nsə nə̀ aghəə adzəm nə̀ ghey khənu tɔb wə.

2 Kɔrint 12:15

Sey, mə i fuu maynu fə̂ wey n khənə tə̀ ghaa, n buʼ fuu daŋŋə soʼo wû wuŋ ni ghəŋə nə̀ ghaa nyim n bəghəm i fə̀ŋ i ghaa. Nghee tə̀ n ngii ləghənə ghaa, à kee loʼ kee ghaa ləghə way mə ə?

2 Kɔrint 13:10

À wən loʼ ghə i tii zə, n tɔ̀ɔ bənə ghəə ghən tə̀ ghaa nə̀ n way ghi ghaa, sey nə̀, abə n bənə, mə i ka tɔɔbə dzə ghi ghaa n daʼa kən Mûkəbii fuunə tə̀ mə. Mûkəbii fuu mə n daʼa kə tii kə ni bəghə bəghəm i fə̀ŋ i ghaa, à way dzə ni wey maʼa bəghəm i fə̀ŋ i ghaa.

2 Kɔrint 2:10

Abə ghaa neyzəənə bəb i wù zə̀, mə n wi neyzəə soʼo. Abə n neyzəənə bəb i wù zə, abə a loʼ nə̀ n khə ni neyzəə wù n ghə i loʼ zə, n neyzəə n sə kə Klisto n ndzuŋ ə ghaa.

2 Kɔrint 2:4

Mə â tɔ̀ɔ bə màʼlə key tə̀ ghaa n fə̀ŋ i baŋa zə, mə â ndzəmə fəələnu n fə̀ŋ, mə n tɔ̀ɔ tənə n sə̂ mə idey mə. Mə â tɔ̀ɔ dzə way ni ghəŋə nə̀ ghaa keeli kəfəmmə. Mə â ləghə ni dii tə̀ ghaa nə̀ n ngii ləghənu ghaa.

2 Kɔrint 3:3

Ghaa dii bənu nə̀ ghaa loʼ kəmàʼlə Klisto tɔ̀ɔ bənə, tûm bə n wɔ ghey. Klisto â ka tɔ̀ɔ dzə màʼlə kə tii kə n dzaŋ k-a-màʼlə, tə â tɔ̀ɔ n Zay kə Zə̀ kən kə loʼnə utaw. Tə â ka tɔ̀ɔ soʼo màʼlə kə tii kə nə atay, tə â fəd tɔ̀ɔ n fə̀ŋ tə aghə̂.

2 Kɔrint 4:6

À loʼ Kəzə̀ tə â dza tsu nə̀, “Tsə u bàŋ shi bə nə kələm”, à loʼ wi tə ghəŋənə nə̀ tsə u bàŋ n fə̀ŋ tə ghey sey nə̀ ghey koʼ kɔʼlə n Kəzə̀ mən n baŋanə n tûm usə u Klisto.

2 Kɔrint 7:2

Sey chi naŋa kɔʼ na fə̀ŋ tə ghaa tə tə̀ ghey. Ghey ka ghəŋə bəəbə dzə ghə i loʼ zə tə̀ wù, ghey ka ney dzə tɔb wən ghey khənə ni ney fə kə wù, ghey ka tsìi soʼo wù loʼ.

Galeshia 3:2

N dza n bəb bə tə ghaa nə̀, ghaa â keeli Zay kə Zow kə n wɔ Zə̀ kə nə ghaa naŋŋə kəlaŋ nkee â loʼ bòʼ bəghəm i fə̀ŋ i ghaa n tûm i dzuŋu zən ghaa â zownə ə?

Galeshia 3:5

N dza n bəb kpiʼi bə tə ghaa nə̀, Zay kə Zow kə kən Zə̀ kə â fuunə tə ghaa nsə faalə n mən tə fwaʼnə n fəŋŋə kə ghaa, â loʼ n təŋkey, ghaa naŋŋə ulaŋ nkee â loʼ n təŋkey ghaa â bəghəm tûm i dzuŋu zən ghaa â zownə ə?

Galeshia 5:22

Ndzoʼo mwam wey Zay kə Zow kə ləghə nə̀ saa keeli loʼ, iləghə, iduʼlə, ibuulə, ni kow fə̀ŋ, fə̀ŋ i dzuŋu zə, ghəə a dzuŋu ghə, zə̀ələ kə fə̀ŋ,

Efesus 3:4

Abə ghaa i tɔŋɔ kɔʼnə ghəə a tii ghə, ghaa i zoʼlə aghəə boʼ ghəə ghey n zowkeelinə n ghəə ghey Klisto â nyì naŋanə.

Efesus 4:2

Ghaa i muu tən kə nə ingɔɔmə, maʼlə tsu uwû, kwɔ keeli fə̀ŋ tə ghaa, tɔɔmə kɔʼɔ ndow wû i ghaa nə iləghə.

Efesus 4:32

Ghaa fəd khə ni ghəŋŋə ndzuŋ n wû i ghaa, buulə ghəŋŋə aghəə, neyzəə tûmmə iwû, ighələ tə̀ Zə̀ kə neyzəənə bəb i ghaa zə n bam i Klisto.

Kolose 1:27

Zə̀ kə â ləghə ni dii bə ghaʼ i wi nsə ghəə a wi a dzuŋu ghə tə ghə̂ ghən ghə way ghə̂ a Təjuu ghə soʼo. Ghəə zey Zə̀ kə â nyi naŋanə loʼ nə̀, Klisto muu n kow ghaa, dii tsu nə̀ ghaa ləmmə soʼo ni keeli kɔʼlə mən n loʼnə tə̀ ghə̂ a Kəzə̀ ghə.

Kolose 2:3

Ghəə ghən adzəm saa loʼ ni keeli kùm Kəzə̀, nyì doʼo n kow Klisto. À may kə wi tə loʼ ni chi dii ghəə a tii ghə.

Kolose 3:12

Zə̀ kə n sày ghaa nə ghaa doʼo ghə̂ a wi a zow ghən tə ngii ləghənə, sey, ghaa khə teeli khə sî i kwɔɔlə zə, fə̀ŋ i dzuŋu zə, zuŋ kə umwam, ni buulə nsə ni kow fə̀ŋ.

1 Tesalonika 2:10

Ghaa loʼ ghə təmi tiilə n tow u ghey, tə̀ Zə̀ kə loʼ soʼonə ni tiilə dza jìi zey ghey muu n fəŋŋə kə ghaa ghən ghaa bəghəm tə Zə̀ kə. Ghey ka ghəŋə koʼ tsə wù n ghə i bəbə i loʼ zə. Muu i ghey zə â zownu, loʼ soʼo tsətsəghə.

1 Timoti 4:12

I kə wə nə bəghəmnə nə̀ wù loʼ koʼ kìi wɔ a dza wə loʼ winətəghə. Wə khə ni fəd loʼ wù wey wə moʼo diinə ghəə ghə tə ghə̂ ghən ghə bəghəm tə Zə̀ kə, n ghɔɔmə zə, n mwam wə, n jìi zey wə ləghənə ghə̂ ghə tii, n bəghəm i fə̀ŋ zey wə khənə, nsə n jìi zey muu zə i zownə tii.

1 Timoti 5:2

I ney nyim u gheyzən wə ighələ tə wə neynə ghə zuu, wə ney soʼo waa a fəghaŋ a zən ighələ tə wə neynə waazu ghə. Wə khə ni ghəŋŋə ndow ghəə ghən tə waa a fəghaŋ a zən ghən n fə̀ŋ i zow zə.

2 Timoti 3:10

A kee bə wɔ a Timoti, wə khənu ghəə ghey mə â diinə ghə̂ ghə tii nsə muu zuŋ zə idzəm. Wə khənu jìi zey n bəghəmnə tii tə̀ Klisto nsə fə key n kəŋənə fa n mbi, ləghə zey n khənə n kow ghə̂ ghə, nsə nə̀ n khənu ni kow fə̀ŋ n fwaʼ K-a-zə̀ abə ghəə a taw kə ngee.

2 Timoti 4:2

wə naʼa tûm i dzuŋu zən. Wə i dəmə kə ni naʼa tûm i tii zə nəŋə tədzəm, abə ghə̂ a ləghə mɔ ghə ləghə way. I bɔɔ teyyə bə ghə̂ ghə n jii zən i loʼnə tsətsəghə, kpaa ndow ghə, kuu ndow fə̀ŋ tə ghə, kow tsuu soʼo fə̀ŋ abə wə diinə ghə.

Taytus 2:7

Wɔ n wû wə wə̀ a Taytus, wə khə ni ghəŋŋə ghəə ghey a dzɔbənə nəŋə tədzəm sey nə̀ ghə loʼ ni koʼ ney kɔʼ mwam u dzuŋu wey wə khənə. Ghəə ghey wə diinə khə ni loʼ isəŋə, kə wə nə səə soʼonə.

Jems 3:17

A kee loʼ nə̀, ghə̂ ghey ghə khənə ndzoʼo tɔb wən Zə̀ kə idəŋ kə fuu bənə, khə fə̀ŋ tə zow tə. Ghə ləghə nə̀ ghə̂ ghə i loʼ nə ibuulə, zə̀ələ ghəŋŋə aghəə, ləghə aghə̂. Ghə khə sî i kwɔɔlə zə, ghəŋŋə soʼo ghəə a dzuŋu ghə. Ghə badla way ghəə ghə, loʼ soʼo tsətsəghə.

1 Pita 1:12

Zə̀ kə mâ dii naŋa zey bə tə̀ tûm tə wi tə nə̀ fwaʼ kə ghə kə â way dzə ni gaamə wû i ghə, â fəd loʼ ni gaamə ghaa. I loʼ soʼo tə̀ nghee tûm tə Kəzə̀ tən â dza naŋa zey bənə ghəə ghey ghaa zownə nya n wɔ ghə̂ ghey ghə naʼlə bə tûm i dzuŋu zən tə̀ ghaa n daʼa kə Zay kə Zow key Zə̀ kə tûm tsu bənə tə̀ ghaa idəŋ. À wən loʼ aghəə nə̀ tsətəndəghə tə Kəzə̀ tə buʼu dəmə soʼo ni zowkeeli.

1 Pita 1:22

Nya wən ghaa sow maʼa dzənə wû i ghaa zə nghee ghaa naŋŋənə isəŋə, sey nə̀, ghaa i ndzəmə ləghə wû i ghaa zə tə a loʼ a awaazə, i ndzəmə ləghə na wû i ghaa zə n fə̀ŋ tə ghaa tə tədzəm.

1 Jɔn 3:18

Waa ghuŋ ghə, kə saa nə diinə ləghə zə nə idzuu kələ. Saa khə ni fədlə dii ndow ndzəm ndzəm kə iləghə kə n ghəə ghey saa ghəŋŋənə.