2 Kɔrint 6:5 - Kaa n Kəzə̀ n fəghə mə

⁵ Ghə n ghey bwɔd, fìi naŋa n ndaw tsaʼ, ghə̂ ghə n teyyə naŋa naʼa tə nə ifuu bòʼ ghey. Ghey n fwaʼ tə̀ a loʼ ukɔd, doʼo tsuʼu n loʼ mə nə̀ ghey bweeli way, ghey n muu soʼo n dzəŋ.

2 Kɔrint 6:5 Mawu Ofanana

Matyo 14:10

Tə n tûm tsu aghə̂, ghə n ndòw gbòo tsu tow kə Jɔn n ndaw tsaʼ.

Matyo 14:3

Tə â dza sey bòʼ nə̀, â loʼ Helɔd n wû u wi wə̀ tə â tsəʼlənə laŋ kə nə̀ ghə kwu kùm naŋa ndòw Jɔn n ndaw tsaʼ. Tə â sey ghəŋə bòʼ nə̀ Helodias, wèy waa bày Filip, tə â tsìi neynə.

Matyo 9:15

Yeso n dza tə̀ ghə nə̀, ghaa moʼlə nə̀ fə̂ a num weyzən a loʼnu ni mow n zə̂ kə ney zə iwû loʼ sey nə̀ num weyzən ə tii loʼ fu ghi ghə ə? Ghaa khənu nə̀ i way ni doʼo koʼ sey! Nəŋə i nə kee bəghənu ghə nə ney nuu kɔʼɔ num weyzən n wɔ ghə, ghə nə bam ndow dzuu zə n nəŋə i tii zə.

Kəfwaʼ 13:3

Ambə ghə bam may tsunə dzuu zə, gɔŋŋə may tsu soʼo, ghə n gaʼ ndow awɔɔ n tow u ghə, tûm nuu shi ndow ghə.

Kəfwaʼ 14:19

Ghə̂ a Təjuu a loʼ ghə, ghə a nuu bənə n naʼa tə Antyɔk nsə nə Ikonum n ndow bə fu n Listra. Ghə nəəbə tsu nɔɔ kə aghə̂ key nə ghə dzəŋi bə i ghə. Sey ghə n təmmə Pɔl nə atay, sii nuu shi ndow ghi wi n naʼ i tii zə ndow maʼa naŋa ndow wi, khə kə nə̀ tə n kpuu.

Kəfwaʼ 14:23

Ghə n sày naŋa tsəghə ndow təngəd n dzəŋi dzûmə tə Klisto tən tədzəm ghə â bweyyə koʼnə. Ghə n gɔŋŋə tə ghə, bam idzuu, fu naŋa ndow ghə n wɔɔ kə Mûkəbii wən ghə â bəghəmnə tə̀ wi.

Kəfwaʼ 17:5

Ghə̂ a Təjuu a loʼ ghey n kee ghoʼo ghə i tii zə. Ghə n tɔŋɔ zuŋŋə bə ngaamə tə aghə̂ tə loʼ tə n jii, teyyə naŋa kɔʼ inaʼ nə ifuu. Ghə n kwɔɔ ndow n ndaw Jason, ghə kəŋə ndownə Pɔl ghi Silas ni ney fu shi bə ghə tə nɔɔ kə aghə̂ key.

Kəfwaʼ 20:31

Ney na ghə̂mə zə, ghaa i moʼlə tsu nghee tə n fəghə kɔʼ bənə tii nə tənum tətəghə n tsə tə nsə n tsuʼu tə nə̀ n tsəə kə ghaa.

Kəfwaʼ 23:10

Ambə ndəm kə tii kə taw kɔʼ dzəŋi tsunə, tow kə təsawgoʼ wey n tsəŋə nə̀ ghə loʼ ni ney saalə tsu Pɔl nə usat. Tə n tsəʼlə tsu kəlaŋ tə̀ sawgoʼ tə nə̀ ghə tsu ney nuu kɔʼ wi nə kədaʼa n fəŋŋə kə ghə, ghə kɔʼ bə nə kəbali.

Kəfwaʼ 23:35

Tə n dza tə Pɔl nə̀, “Mə i zəllə kə saʼ zə abə ghə̂ ghey ghə kwunə wɔ i bənə.” Tə n daŋŋə tsəʼlə tsu kəlaŋ nə̀ sawgoʼ tə i keyyə tsu wi n tɔʼ zey Helɔd â bəghənə.

Kəfwaʼ 24:27

Ambə num tə tsəghə tsu təbəghə, Pɔshius Festus n kɔʼ kɔʼ ndaŋ ə Feliks tə a loʼ gɔvənɔ. Feliks n naŋa taʼa tsu Pɔl n ndaw tsaʼ n təŋkey, tə â ləghə ni keeli tûm usə u dzuŋu wə ghi ghə̂ a Təjuu ghə.

Kəfwaʼ 26:10

A wey bɔɔmə loʼ ghəə ghey mə â ghəŋŋənə n Yerosalem. Mə â ney kədaʼa n wɔ ghə fɔɔngili a nii ghə, kwu fii naŋa ndəmə ghə̂ a Kəzə̀ n ndaw tsaʼ. Ambə ghə tsəʼlə tsu saʼ nə̀ ghə wey ghə, mə n tsəm bəghəm soʼo nə ghə wey ghə.

Kəfwaʼ 26:29

Pɔl n dza nə̀, “Abə a loʼ kə n kəmə fə inəŋə, nkee n ndaŋ kə inəŋə, gɔŋŋə zuŋ tə Zə̀ kə loʼ nə̀ wɔ ghi ghə̂ ghən adzəm ghə zəllə ghɔɔmə zuŋ zə na mə doʼo tsu dzûmə tə Klisto tə a loʼ mə. N kee gɔŋŋə dzə way nə̀ ghaa doʼo ghə̂ ndaw tsaʼ tə a loʼ mə.”

Kəfwaʼ 28:30

Pɔl n muu fu nə tənum təbəghə nə tə tsəə ndaw wi n nəŋə wi. Tə n laalə dzɔbə tə ghə̂ ghey adzəm ghə â bə bweyyə koʼnə wi.

Kəfwaʼ 5:18

Ghə n kwu kɔʼ ngəd tə Yeso, fii naŋa ndow ghə n ndaw tsaʼ.

1 Kɔrint 15:10

N loʼ wù wey n loʼnə ghii wə nya bòʼ ndzuŋ ə Kəzə̀. Ndzuŋ zən Zə̀ kə â diinə tə̀ mə, â ka maŋ nay dzə kənunu. Zə n ghəŋə nə̀ n fəd fwaʼ tsəghəshi tsətəndəghə tə Klisto tə loʼ tey tədzəm. N khənu nə̀ â way dzə n daʼa kuŋ, â loʼ daʼa K-a-zə̀ kə â ghəŋənə mə nə̀ n fwaʼ tsəghəshi ghə adzəm.

1 Kɔrint 4:11

Ni bə kuum nya, ghey sa loʼ kə n dzəŋ, fə̀ŋ ə mmuu i zuʼlənə ghey. Ghey tsəghə kaabə n saʼ u fə̂ wə nə uwû, ghə a bwɔdlɔnə ghey nəŋə tədzəm. Kasə luʼu kə muulə kə, ghey khə way.

1 Kɔrint 7:5

Kə̂ ghaa nə̂ tuu ni nyəŋi n wû i ghaa tə a loʼ num ghi wey, a may kə nə̀ ghaa saalə tsunu ni doʼo n tɔŋɔ fə inəŋə nə̀ ghaa nyəŋi way, sey nə̀, ghaa loʼ ni fuu nyi may ndòw wû i ghaa nə igɔŋŋə. Abə ghaa gɔŋŋə may tsunə, ghaa n kəm kaʼ dzəŋŋə i ndow ni ghəŋə nə̀ kə Satan nə keelinə buʼ kə ni mɔm koʼ ghaa nghee i loʼ nə̀ ghaa way ni doʼo nə̀ ghaa nyəŋi dzəŋi way.

2 Kɔrint 11:27

Mə n fwaʼ, ndzəm fəghə soʼo. Mə n doʼo tsuʼu n loʼ mə nə̀ n bweeli way. N khənu fə key dzəŋ nsə fə̀ŋ ə mmuu loʼnə ghii kə. Mə n doʼo tsuʼu n loʼ mə n ndəmə tənəŋə nə̀ n koʼo way fə kə zə̂ə kə. Mə n dzam n ndəmə tənəŋə nə̀ n khə way ndzə̂ tə ni dzəŋə.

Efesus 3:1

A loʼ boʼ ghəə ghey Zə̀ kə loʼ nə̀ kə n ghəŋŋə ni təmdzəŋi bə ghə̂ a Təjuu nsə ghə̂ ghən ghə way ghə̂ a Təjuu ghə nə kəfə kəmɔʼ, mə Pɔl, n loʼnə wù ndaw tsaʼ a Yeso Klisto n tow u ghaa ghən ghaa way ghə̂ a Təjuu ghə.

Filipi 1:13

Sey, təsawgoʼ tə tədzəm n tɔʼ n naʼ i Roma nsə ghə̂ ghən adzəm fa, ghə khənu nə n loʼ n ndaw tsaʼ boʼnə n loʼ wù kəfwaʼ a Klisto.

1 Tesalonika 2:9

Waazə ghə, ghaa moʼlənu nghee tə̀ ghey â zuʼlə fwaʼa nə tii? Ghey â fwaʼa n tsə̀ tə nsə n tsuʼu tə sey nə̀, kə̂ ghey nə doʼlənə tə̀ a loʼ kəfəmmə tə̀ wù ghaa u loʼ wə, nghee tə̀ ghey naʼlənə tə̀ ghaa tûm i dzuŋu zən i nuu bənə n wɔ Zə̀ kə.

1 Timoti 4:10

À wən loʼ zuŋ key saa fwaʼanə, dəmə soʼo ni keeli ghəə ghən, n təŋkey, saa gaʼ fə̀ŋ tə saa n kow Zə̀ kən kə loʼnə utaw, tə loʼnə bəghəshi tə ghə̂ ghə adzəm, a ka tsəm dza ghə̂ ghən ghə bəghəm fuunə tə wi.

2 Timoti 1:8

Sey, kə wə i dədlə n tow kə ni təmi tiillə bòʼ Mûkəbii saa, kə wə nə dədlə soʼo n tow kə ni dza ndow nə̀ wə khənu mə wən n loʼ fa n ndaw tsaʼ bòʼ Klisto. Fət təmdzəŋi bə mə ni fəghə bòʼ tûm i dzuŋu zən. Wə khə ni fəghə n təŋkey Zə̀ kə n fuu wɔ n daʼa kə tii kə.

2 Timoti 2:9

N fa fəʼlənu, ghə u kùm naŋa daŋŋə mə nə tətsaʼ tə a loʼ wù tsɔŋɔ n təŋkey n naʼlə tûm i dzuŋu zən. Ghə i dzuŋu i loʼ kə nə̀ ghə way ni kùm naŋa dzə ghɔɔmə i Kəzə̀ nə tətsaʼ.

2 Timoti 4:5

A kee bə wɔ a Timoti, abə à shiə kə ghə i ghaa zə, kə wə tə tsəŋŋə n wû wə. Kow tsu fə̀ŋ ni fəghə bòʼ Mûkəbii, i dəmə ndow kə ni naʼa tûm i dzuŋu zə tə ghə̂ ghə, fwaʼa fwaʼ kə kədzəm tə a loʼ wù kəfwaʼ a Kəzə̀.

Hibru 11:36

Ghə n tsayyə a loʼ ghə, wədlə soʼo ghə nə təkwɔ̀ɔ. Ghə n kuum naŋa a loʼ ghə nə tətsaʼ, ney ndow ghə n ndaw tsaʼ.

Hibru 13:17

Ghaa i zow tə̀ ghə̂ ghey ghə diinə ghaa n jìi, ghəŋŋə ndow ghəə ghey ghə dzanə. À loʼ ghə, ghə laalənə tow u ghaa wə, à i tiilə dza soʼo ghə tə̀ Zə̀ kə ghəə ghey adzəm ghə â fwaʼnə tə̀ ghaa. Abə ghaa zownə tə̀ ghə, ghə i fwaʼa fwaʼ kə ghə kə tə̀ ghaa nə iduʼlə. Abə ghaa zow way tə̀ ghə, ghə i fwaʼa fwaʼ kə ghə kə nə imow. Abə ghə fwaʼanə nə imow, zə i gaamə way ghaa n ghə i loʼ zə.

Hibru 13:23

N ləghə nə̀ ghaa keeli tsu nə̀ waazə ə saa Timoti n shi n ndaw tsaʼ, abə i loʼ nə̀ tə kuʼlə bənu, mə i dzəŋi bə ghi wi ni bə koʼ ghaa.

Chi dii 2:10

Kə wə i tsəŋ chɔd wən wə i bə keelinə. Wə ney ighə̂mə boʼnə Satan i kuu ghaa a loʼ ghə n ndaw tsaʼ ni mɔm koʼ ghaa, ghaa i fəghə nə ntsuʼu ighəm. Ghaa keeli tsu kə bəghəm i fə̀ŋ, abə a loʼ kə ivə, mə i fuu ghaa n muu i fəghə zə tə a loʼ kə naamə abə ghaa təm zə kɔʼ.