2 Kɔrint 6:14 - Kaa n Kəzə̀ n fəghə mə

¹⁴ Kə̂ ghaa nə̂ təmə dzəŋinə ghi ghə̂ ghən ghə ka bəghəm tə̀ Zə̀ kə. N dza sey n təŋkey muu zən i kpiinə tə̀ Zə̀ kə bwey dzəŋi way ghi muu i bəbə zə. Ləm kə way soʼo ni doʼo n luʼu key daa kə loʼnə tii.

2 Kɔrint 6:14 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 7:7

Ghə̂ a mbi a khə way zùŋ kə ni baa ghaa, ghə kee baa mə, n təŋkey, n tiilə dza nə̀ ghəə a ghə a ghəŋŋə a loʼ ghəə a bəbə ghə.

Kəfwaʼ 4:23

Ambə Pita nsə Jɔn zəghə maʼa tsunə ghə̂ a ndaw tsə ghey, ghə n dzəŋŋə ndow koʼ ndow ghə̂ a ghə, tiilə dza ndow ghəə ghey ghə fɔɔngili a nii ghə nsə ngəd tə inaʼ tə dzanə.

1 Kɔrint 10:21

Wə way dzə ni mə̂ dzəŋi ghi Mûkəbii wə mə̂ dzəŋi soʼo ghi vəətsəə ghə. Wə way dzə ni zə̂ə dzəŋi ghi Mûkəbii, wə i zə̂ə dzəŋi soʼo ghi vəətsəə ghə.

1 Kɔrint 15:33

Sey, kə ghaa i nyəŋ laʼ n baa ghə̂ ghən ghə dzanə ndzoʼo ghəə ghən, n təŋkey, “Fə a bəbə a bəəbə maʼa wù wey tə khənə mwam u dzuŋu wə.”

1 Kɔrint 5:9

N màʼlə kən mə â tɔ̀ɔ bənə tə̀ ghaa, mə â dza tə̀ ghaa nə̀ kə̂ ghaa nə̂ təmə dzəŋinə ghi ghə̂ a laŋŋə ghə.

1 Kɔrint 6:6

Ghaa dzûmə tə Klisto, ghaa fədlə ney ndow a waazu n tay i saʼ. I zey i buʼ bəb tsəghəshinə loʼ nə̀, ghaa ney ndow chɔd n ghaa tə̀ ghə̂ ghən ghə ka bəghəm tə̀ Zə̀ kə nə̀ ghə bayyə.

1 Kɔrint 7:39

Weyzən khə ni bɔɔmə doʼo kə ghi num wi abə num nam loʼnə utaw. Nə̀ num kpuunu, tə loʼnu ni ney num u nuu wə abə tə ləghənə, abə i loʼnə nə̀ weynum ə tii bəghəm dzənu tə Mûkəbii.

Filipi 2:15

Sey nə̀ ghaa i zow, khə way bwu i loʼ zə. Ghaa i loʼ waa a Kəzə̀ ghey ghə khə way dzə̂wə n fəŋŋə kə mbi i bəbə zən doʼo i ghə i gaŋa doʼonə, way tsətsəghə. Ghaa khə ni teeli baŋa tə a loʼ nsəghəbələ n fəŋŋə kə ghə̂ a bəbə ghən fa n mbi.

Jems 4:4

Ghə nəb ityim tə a loʼ ghaa! Ghaa khə way nə̀ abə ghaa ngii gaʼnə fə̀ŋ n fə u mbi, i sey dii nə̀ ghaa loʼ ghə̂ a təngəmə tə Zə̀ kə ə? Keeli tsu na nə̀, ghə̂ ghey ghə ləghənə fə u mbi wə, ghəŋŋə wû i ghə nə̀ ghə doʼo ghə̂ a təngəmə ghi Zə̀ kə.