2 Kɔrint 6:10 - Kaa n Kəzə̀ n fəghə mə

¹⁰ Ghə̂ a loʼ a koʼo ghey tə̀ a loʼ ghə̂ ghey ghə mownə, loʼ sey nə̀ ghey duʼlə nəŋə tədzəm. Ghə̂ a loʼ a koʼo ghey tə̀ a loʼ ghə̂ a laa ghə loʼ sey nə̀ ghey ghəŋŋə nə̀ ndəmə aghə̂ ghə i kùm. Ghə̂ a loʼ a koʼo ghey tə̀ a loʼ ghə̂ ghey ghə khə way fə kə, loʼ sey nə̀ ghey khə ufə udzəm.

2 Kɔrint 6:10 Mawu Ofanana

Matyo 5:12

Ghaa khə ni duʼlə, saŋŋə, boʼnə naamə kə ghaa kə downu idəŋ. À wey loʼ nghee ghə â chɔdlɔ soʼonə tûm tə Kəzə̀ tə sə isə tə.”

Matyo 5:4

Buulə i loʼ tə̀ ghə̂ ghey ghə mownə, N təŋkey, Zə̀ kə î tsəmmənu ghə.

Lukas 6:21

Buulə i loʼ tə̀ ghaa ghey dzəŋ zabənə ghaa nya, n təŋkey, ghaa i zəə kownu. Buulə i loʼ tə̀ ghaa ghey ghaa deynə nya, n təŋkey ghaa i tsoʼonu.

Tùm i dzuŋu zə kuum Yeso Klisto tə Jɔn â tɔɔnə 16:22

A wey bɔɔmə loʼ ghəə zey i shiənə nya ghi ghaa, ghaa mownu nya, a kee loʼ nə̀ mə i kəm koʼo kpiʼinu ghaa, fə̀ŋ tə ghaa tə i duʼlə n jìi zey wù loʼ nə kəm way ni ney nuu duʼlə i tii zə n wɔ ghaa.

Kəfwaʼ 16:25

Ambə n fə̀ŋ ə tsuʼu tə, Pɔl ghi Silas n gɔŋŋə, zhim aghəə tə̀ Zə̀ kə. Ghə̂ a ndaw tsaʼ a loʼ ghey n maŋa zəllə.

Kəfwaʼ 3:6

Pita n fəd dza ndow tə wi nə̀, “N ngəmsə khə way khəə wə ni fuu tə wɔ, n kee fuunu wɔ n fə key n khənə ghii kə. N zəd i Yeso Klisto wù Nazaled, nuu təmi kɔʼ, wə bwey ndow.”

Kəfwaʼ 5:41

Nghee ngəd tə Yeso tey zəghə tsunə ndaw tsə, ghə n nuu ndow, fəd duʼlə nə̀ Zə̀ kə n koʼ nə̀ ghə kɔʼ kpiinu ni fəghə, ghə keeli tow kə dədlə kə bòʼ Yeso.

Roma 11:12

Ghəə a bəbə ghən ghə̂ a Təjuu ghə â ghəŋənə ni tuu maʼa Klisto, â ngii ney bə ibuulə tə̀ mbi. Ghəə bəbə a tii ghə n ghəŋə soʼo nə̀ Zə̀ kə ngii fuu buulə i wi tə̀ ghə̂ ghən ghə way ghə̂ a Təjuu ghə. Buulə i tii zə i boʼo doʼlə ngee abə ghə̂ a Təjuu adzəm a loʼ ni təmdzəŋi bə ni bəghəm tə̀ Klisto ə?

Roma 12:15

I duʼlə n na ghi ghə̂ ghey ghə duʼlənə, mow soʼo ghi ghə̂ ghey ghə mownə.

Roma 15:13

N gɔŋŋə nə̀ Zə̀ kən kə ghəŋŋənə nə̀ ghaa i ləmmə fə key tə â təb naŋanə tə ghaa, kə fuu ghaa n duʼlə zə nsə buulə zə nghee ghaa gaʼnə fə̀ŋ n kow wi, sey nə̀, n daʼa kə Zay kə Zow kə, ghaa i laalə kɔʼɔ ndow tə wi n fə̀ŋ tə ghaa tə tədzəm.

Roma 8:32

Abə Zə̀ kə â loʼ ni ney fuu ndow waa wi nə̀ tə kpuu n tow u saa adzəm, ghaa moʼlə nə̀ tə i fuu way saa n fə u loʼ wən udzəm naʼ idzəm ə?

Roma 9:2

Isəŋə tii loʼ nə̀ n ngii mownu, fɔɔbə zey n khənə n fə̀ŋ zuŋ bòʼ ghə̂ ghuŋ, i may way.

1 Kɔrint 1:5

Nghee tə̀ ghaa loʼnə nə kəfə kəmɔʼ ghi Klisto, tə n fuu ghaa n kuum zə nə ufə̂ udzəm, ghəŋə nə̀ ghaa i khə ghɔɔmə tə dzuŋu tə nə idzuu ni naʼa tûm wi, ghəŋə soʼo nə̀ ghaa i khə tɔb wə n ghəə a Kəzə̀ adzəm.

2 Kɔrint 2:4

Mə â tɔ̀ɔ bə màʼlə key tə̀ ghaa n fə̀ŋ i baŋa zə, mə â ndzəmə fəələnu n fə̀ŋ, mə n tɔ̀ɔ tənə n sə̂ mə idey mə. Mə â tɔ̀ɔ dzə way ni ghəŋə nə̀ ghaa keeli kəfəmmə. Mə â ləghə ni dii tə̀ ghaa nə̀ n ngii ləghənu ghaa.

2 Kɔrint 4:15

Ghəə ghən adzəm a loʼ ni gaamə ghaa sey nə̀, nghee tə̀ ndzuŋ ə Kəzə̀ zaamə ndownə, ndəmə aghə̂ ghə i loʼ ni ndəŋə fuu ndow zɔŋŋə kə tə̀ Zə̀ kə ni ghəŋə nə̀ ndəmə aghə̂ ghə i fuu kɔʼləmə tə̀ wi.

2 Kɔrint 4:7

Ghey khə ndzoʼo fə u səŋi wən n tɔ̀ɔ tə itsaʼ, ni dii tsu nə̀ faalə faalə kə kədaʼa kən ghey khənə nuu bə n wɔ Kəzə̀, a way dzə kə ghey kə.

2 Kɔrint 8:9

Ghaa khənu ndzoʼo ndzuŋ zey Mûkəbii ə saa Yeso Klisto â khənə. Tə â kûmnu, tə n fəd doʼo bə wù laa wə bòʼ ghaa, sey nə̀ n bam i laa i wi, ghaa i loʼ ni kûm.

Efesus 3:16

N gɔŋŋə tə̀ Zə̀ kə nə̀ n ghaʼ i wi i nii zə, tə kuu bə daʼa kə wi n kow ghaa n bam i Zay kə Zow kə, nə̀ ghaa i taw n fə̀ŋ tə ghaa.

Efesus 3:8

Abə a tɔʼ laalə tsunə n ghə̂ a kəfwaʼ a Kəzə̀ adzəm, n ka kɔʼ kpii dzə ni doʼo wù kəfwaʼ a wi n fwaʼ kən. N ndzuŋ ə wi, tə u nam fuu mə n kɔb k-a-fwaʼ kən ni naʼa tûm i dzuŋu zə, dii ndow ndzuŋ zən i loʼnə n bam i Klisto tə̀ ghə̂ ghən ghə way ghə̂ a Təjuu ghə.

Filipi 2:17

Sey, abə n tsəm ney fə̀ələ tsu kə nə kaŋ tuŋ tə tə̀ a loʼ umaʼlə n fwaʼ kən ghaa fwaʼanə bòʼ bəghəm i fə̀ŋ i ghaa tə Zə̀ kə, mə i nam duʼlənu, mə î saŋŋə ghi ghaa adzəm.

Filipi 4:4

Ghaa khə ni duʼlə n doʼo i ghaa ghi Mûkəbii nə tənəŋə tədzəm. N nam dza kpiʼi bə kə tə ghaa nə̀ ghaa khə ni loʼ nə iduʼlə!

Kolose 1:24

N duʼlənu n fəghə zən n fəʼlənə nya bòʼ ghaa, fəghə zən n fəʼlənə loʼ tə a loʼ tuʼ zuŋ n fəghə zən Klisto â fəghənə tə dzəŋi kə dzûmə tə Klisto, tɔŋɔ wû u wi.

Kolose 3:16

Ghaa ghəŋə nə̀ ghɔɔmə i Klisto i bəghə doʼo n fə̀ŋ tə ghaa naʼ idzəm. Ghaa i dii nduŋŋə ndow ghəə a tii ghə n wû i ghaa, dəŋŋə kɔʼɔ bə wû i ghaa nə utɔb. Zhim dzaŋa tən tə fuu kɔʼləmə tə Zə̀ kə, zhim dzaŋa tə Zay kə Zow kə nsə dzaŋa tən ghaa bəghə kɔʼɔ bənə n fə̀ŋ tə ghaa, zhim ndow ndzaŋa tə Kəzə̀ n fə̀ŋ idzəm.

1 Tesalonika 1:6

Nghee ghaa â buʼu fəʼlə kənu, Zay kə Zow kə n ghəŋə nə̀ ghaa bəghəm tûm i dzuŋu zə nə iduʼlə. Sey, ghaa n bɔɔmə ney ndow ghow kə ibwey kə ghey dii tsu nə̀ ghaa mâ ney soʼo ghow kə ibwey kə Mûkəbii kə.

1 Tesalonika 5:16

Ghaa i duʼlə nəŋə tədzəm.

1 Timoti 4:8

I dzɔbənu ni dəŋ naŋa wû wə ni naalə wû wə, a kee loʼ nə̀, a dzɔb tsəghəshi ni dəŋ naŋa wû wə n ghəə a Kəzə̀, n təŋkey, ghəə a Kəzə̀ a khə təb key kə khənə muu zən nya nsə i zey zə i nam khə ni bə.

1 Timoti 6:18

Dza tə ghə nə̀ ghə i ghəŋŋə ghəə a dzuŋu ghə, ghə i dii kùm i ghə zə n ghəə a dzuŋu ghən ghə ghəŋŋənə. Ghə i buu n wɔɔ kə ni gaamə ghə̂ ghey ghə laʼanə fə wə, ghə i khə soʼo zày ni fuu dzaw fə wey ghə khənə tə ghə̂ ghə.

Hibru 10:34

Ghaa â kwɔɔlə isî n kow ghə̂ a ndaw tsaʼ ghə, ghaa n bəghəm ndow nə iduʼlə nə̀ ghə bəkeeli nuu fə u ghaa n təŋkey, ghaa khənu nə̀ ghaa i keelinu fə wə, u dzɔb tsəghəshinə u wən, nə̀ wə i doʼlə tsali soʼonu.

Jems 2:5

Zow na a waazə ghuŋ a dzuŋu ghə! N dza Zə̀ kə n mgbaŋ sày ghə̂ ghən ghə̂ a mbi a koʼnə nə̀ a loʼ ghə̂ a laa ghə nə̀ ghə doʼo tə a loʼ ghə̂ a kûm ghə bòʼ bəghəm i fə̀ŋ, ghə doʼo soʼo ghə̂ ghey ghə i zə̂ənə fə wən u loʼnə n fɔɔ wən tə â təb naŋanə tə̀ ghə̂ ghey ghə ləghənə wi ə?

1 Pita 4:13

Ghaa khə ni fədlə duʼlə nə̀ ghaa fəʼlə soʼo ndzoʼo fəghə zey Klisto â fəghənə, sey nə̀, ghaa i loʼ ni ngii duʼlə abə tə i kəm bənə n daʼa kə wi kə səŋi kə.

Chi dii 2:9

n khənu chɔd wə wə̀ nsə nghee wə laanə tii loʼ sey nə̀ wə kee kuumnu n ghəə a Kəzə̀. N khənu ghəə a bəbə ghey ghə̂ ghən ghə tɔŋŋə wû i ghə zə nə̀ à loʼ ghə̂ a Təjuu loʼ sey nə̀ ghə way dzə dza kaabə tsənə n tow kə. À ndaw kədzəŋi ghə khə Satan.

Chi dii 21:7

Ghə̂ ghən ghə i təmə zəənə ghəə a bəbə ghə, ghə i zəə fə̂ wən udzəm. Mə i doʼo Zə̀ kə ghə, ghə i loʼ waa ghuŋ ghə.