2 Kɔrint 5:7 - Kaa n Kəzə̀ n fəghə mə

⁷ Ghey muu n ghəə ghən ghey bəghəmnə, à way dzə n ghəə ghey ghey koʼonə.

2 Kɔrint 5:7 Mawu Ofanana

1 Kɔrint 13:12

N sey dza n təŋkey, ghəə ghən saa koʼonə nya, saa maŋa koʼo kəzəŋŋə tə wù nə fwɔdlɔnə wû u wi wə nə kəlungali. Abə nəŋə i tii zə i baa kpi tsunə, saa i baa koʼ ndow ghəə a tii ghə n mgbaŋ. Abə Yeso i bə dzəŋŋənə, saa i fwɔdlɔ tûmmə ndow tûm usə wə ghi wi. Ghəə ghən n khənə nya, a maŋ loʼ kəm ukəm, abə Yeso i bə dzəŋŋənə, mə i keeli may ghəə a tii ghə. Isəŋə loʼ nə̀ Zə̀ kə khə aghəə adzəm kuum mə.

2 Kɔrint 1:24

Ghey ləghə dzə way ni tə̀mmə ghaa nə̀ ghaa bəghəm ghəə zey ghey dzanə, n təŋkey ghey khənu nə̀ ghaa tey tawnu n bəghəm i fə̀ŋ i ghaa. Ghey maŋ loʼ ghə̂ a kəfwaʼ, ghey fwaʼa dzəŋinə ghi ghaa nə̀ ghaa i loʼ nə iduʼlə.

2 Kɔrint 4:18

I loʼ sey n təŋkey, ghey naŋŋə dzə way sə̂ zə n fə̂ wən a koʼonə, ghey fədlə naŋŋə ndòw isə̂ n fə̂ wey a koʼo way, bòʼ nə̀, fə̂ wən a koʼonə, u doʼlə tsuŋŋə way, fə̂ wey a koʼo way kee doʼlə tənənu.

Galeshia 2:20

N nya loʼ tə ghə â baa dzəŋi mə n zat kə fəkaʼ ghi Klisto. N kəm khə way daʼa kə n muu zuŋ, a loʼ Klisto tə khənə daʼa kə n muu zuŋ. Mùu zən n muu nə nya, n muu bòʼ bəghəm i fə̀ŋ zən n khənə n kow waa Kəzə̀ wən tə â ləghənə mə, bəghəm ni kpu n tow kuŋ.

Hibru 10:38

Ghə̂ ghuŋ ghən ghə loʼnə tsətsəghə i muulənu nghee ghə gaʼnə fə̀ŋ tə ghə tə n kow mə, Abə wù ghə kee bwu khə̂mmə tsunə n bəghəm i fə̀ŋ i wi Mə i duʼlə way ghi wi.”

1 Pita 1:8

Nghee ghaa loʼ kə nə̀ ghaa ka kam buʼ koʼ wi, ghaa a nam ləghə wi. Nghee ghaa koʼo kə way wi ghaa a nam bəghəm fuu kə tə wi, ghaa a khə soʼo duʼlə i nii zə n jìi zey wù way ni buʼ tiilə dza.

1 Pita 5:9

Ghaa təmi taw tsu n bəghəm i fə̀ŋ i ghaa, kə ghaa nə bəghəm nə̀ tə taw tsəghə ghaa, n təŋkey ghaa khənu nə̀ a wey bɔɔmə loʼ jìi zey waazə a ghaa a fəʼlənə tii n badla tə mbi tədzəm.