2 Kɔrint 5:20 - Kaa n Kəzə̀ n fəghə mə

²⁰ Ghey fa loʼ tow kə Klisto, ghey a buʼu bənə wɔɔ kə n wɔ ghaa tə̀ a i dza à loʼ Kəzə̀ n wû u wi wə tə buʼu bənə wɔɔ kə n bam i ghey. Ghey buʼu bə kəwɔɔ tə̀ ghaa n zəd i Klisto, nə̀ ghaa doʼo bə nə kəfə kəmɔʼ ghi Zə̀ kə.

2 Kɔrint 5:20 Mawu Ofanana

Lukas 10:16

Wù wey tə zownə tə ghaa, sey zow soʼo tə mə, tə wey tə tuu maʼanə ghaa, sey tuu maʼa soʼo mə. Wù wey tə tuu maʼanə mə, sey tuu maʼa soʼo wù wey tə tûmnə mə.”

Lukas 14:23

Mûkəbii wey n dza tə̀ wù kəfwaʼ a wi wey nə̀, ‘Ndòw tɔŋɔ kaabə bə ghə̂ ghə n jii nsə n jii tə mbvən, nə ghə bə, tə̀ ndaw zuŋ luu kɔʼ.

Tùm i dzuŋu zə kuum Yeso Klisto tə Jɔn â tɔɔnə 20:21

Yeso n dza kpiʼi ndow tə̀ ghə nə̀, “Buulə zə i loʼ ghi ghaa. Nghee Bày â tûm bənə mə, à loʼ soʼo ighələ n tûm shiənə ndow ghaa.”

Roma 5:10

N sey dza n təŋkey, abə və i waa wi zə â loʼ ni ghəŋə nə̀ saa ghə̂ a təngəmə a Kəzə̀ a doʼo bə nə kəfə kəmɔʼ ghi Zə̀ kə. Nya wən saa loʼnə nə kəfə kəmɔʼ ghi Zə̀ kə, i sey dii nə̀ Klisto i bəghəshiənu saa n təŋkey tə loʼ utaw.

2 Kɔrint 12:10

À wey loʼ ghə i tii zə n khə way fəmmə kə n fə̀ŋ abə n laynə, ghə̂ a kpaalənə mə, koʼo uchɔd, ghə̂ a tsayyənə mə, chɔdlɔ soʼo mə, n təŋkey nəŋə zey n laynə, à wey loʼ nəŋə zey Klisto fwaʼa dzɔbənə n kow mə.

2 Kɔrint 3:6

À loʼ wi tə ghəŋənə nə̀ ghey kɔʼ kpii tə̀ a loʼ ghə̂ a kəfwaʼ n kâa n fəghə mən. Kaa n fəghə mən ka tɔ̀ɔ doʼo dzə n màʼlə K-a-zə̀, à loʼ n Zay kə Zow kə, kuum nə̀ ghəə ghey a tɔ̀ɔ doʼonə nə kəmaʼlə fədlə wey wù, Zay kə Zow kə u kee fuunə muu zə.

2 Kɔrint 5:11

Nghee tə̀ ghey khənə fə key kə loʼnə ni ngɔɔmə Mûkəbii, ghey buʼu kəwɔɔ nə̀ ghə̂ ghə i ngɔɔmə soʼo wi. Zə̀ kə khənu ghey, n moʼlə nə̀ n fə̀ŋ tə ghaa, ghaa khə soʼonu ghey.

2 Kɔrint 6:1

Nghee tə̀ ghey fwaʼa dzəŋinə ghi Zə̀ kə, ghey buʼu bə kəwɔɔ tə̀ ghaa nə̀ kə̂ ghaa nə bəghəmnə nə̀ ndzuŋ ə Kəzə̀ zən ghaa keelinə doʼo Kənunu.

Efesus 6:20

Kuum nə̀ a loʼ bòʼ tûm i dzuŋu zən n loʼnə wù tûm ə klisto. N fa loʼ n ndaw tsaʼ bòʼ i ghii. Sey, gɔŋŋə na nə̀ mə i khə fə̀ŋ ni naʼlə tûm i tii zə tə̀ n khənə ni naʼa nə̀ n khə way tsəŋ i loʼ zə.

Kolose 1:20

Zə̀ kə â neynə waa wi ni ghəŋə nə̀ fə wən udzəm u loʼ nə fa n mbi, u doʼo dzəŋŋə bə n tənə wi. Â loʼ n bam i kàŋ tə waa wi wən ghə â baanə n zat kə fəkaʼ, Zə̀ kə â ghəŋənə nə buulə zə i loʼ fa n mbi, idəŋ nsə a ghəlitsə.

1 Tesalonika 4:8

Sey, abə wù tuu maʼanə tsə̀ zən, tə ka kad tuu maʼa dzə tsə̀ i wù sɔŋtsuʼ zə, tə sey tuu maʼa soʼo Kəzə̀, Zə̀ kən kə fuunə saa n Zay kə Zow kə.