2 Kɔrint 5:11 - Kaa n Kəzə̀ n fəghə mə

¹¹ Nghee tə̀ ghey khənə fə key kə loʼnə ni ngɔɔmə Mûkəbii, ghey buʼu kəwɔɔ nə̀ ghə̂ ghə i ngɔɔmə soʼo wi. Zə̀ kə khənu ghey, n moʼlə nə̀ n fə̀ŋ tə ghaa, ghaa khə soʼonu ghey.

2 Kɔrint 5:11 Mawu Ofanana

Matyo 10:28

Kə̂ ghaa nə̂ tsəŋənə ghə̂ ghey ghə loʼnə ni wey kə vən fə uwû fə wù, nə̀ ghə way ni wey zay kə wù, ghaa khə ni fəd tsəŋ Kəzə̀, n tənkey, tə̂ loʼnu ni wey vən fə uwû fə wù nsə fə̀ŋ ə wi n luʼu key ghə̂ fəʼlənə tii.

Matyo 25:46

Sey, ghə i tûm nuu ndòw ghə n luʼu key ghə̂ a fəʼlənə tii nəŋə tədzəm, ghə̂ ghey ghə loʼnə tsətsəghə i zə̂ itsali.”

Lukas 12:5

N dza n dza bə tə̀ ghaa ndzoʼo wù wey ghaa khənə ni tsəŋ. I tsəŋə na Zə̀ kə, n təŋkey, tə khə kədaʼa ni wey tsu wù, tə kəm ney kɔʼ zay kə wi, tə maʼa ndòw nə uvəllə, a wən loʼ wù wən ghaa khənə ni tsəŋ.

Lukas 16:31

Abraham n fəd dza tə̀ wi nə̀, ‘Abə ghə way ni bwey n laŋ u Mushi nsə n tsə i tûm tə Kəzə̀, ghə i nam way ni kwey abə wù tsəm zhəm dzəŋŋə bə kə nə ivə bə dza bə tə ghə.’”

Kəfwaʼ 13:43

Ambə ghə sali tsunə n ndaw kədzəŋi, ndəm ə ghə̂ a Təjuu nsə ghə̂ ghən ghə way ghə̂ a Təjuu ghə, ghə ngɔɔmənə Zə̀ kə Təjuu kə n dzûmə ndow Pɔl nsə Banabas. Pɔl nsə Banabas n kuu fə̀ŋ tə ghə nə ghə təmi taw tsu n ndzuŋ ə Kəzə̀ zən ghə keeli kɔʼnə.

Kəfwaʼ 18:13

Ghə n dza ndow tə Galio nə̀, “Wù wən kɔŋŋə nuu ndow aghə̂ nə̀ ghə i ngɔɔmə Zə̀ kə n jìi zey laŋ u ghey u ka bəghəm.”

Kəfwaʼ 18:4

N tsuʼu mə inaʼ n Təjuu n dzəm, Pɔl n ghɔɔmə tsə n ndaw kədzəŋi ə ghə̂ a Təjuu ghə, dəmə ni kɔŋŋə bə ghə̂ a Təjuu nsə ghə̂ ghən ghə way ghə̂ a Təjuu ghə nə̀ ghə bəghəm tə Klisto.

Kəfwaʼ 19:26

Ghaa koʼonu, ghaa a zow soʼonə nə̀ a kad way kə fa n Efesus, a loʼ soʼo mboʼo Eshya idzəm, Pɔl wən loʼ nə tə n nəəbə nuu ndəm ə aghə̂, nə̀ zə̀ wən saa faalə tsunə n wɔɔ, way dzə zə̀ u loʼ wə.

Kəfwaʼ 26:26

Fɔɔ Agripa khənu ghəə ghən adzəm. N ndzəmə khəə dzəŋinu ghəə ghə ghi wi nə̀ n tsəŋə way n təŋkey, n khənu nə̀ ghəə ghən n khəənə fa adzəm, i loʼ i way tii nə̀ a loʼ i fəghə zə tə wi, boʼnə ghəə ghən â ka ney dzə bənə kə nə kələm.

Kəfwaʼ 28:23

Ambə ghə̂ ghey ndzɔʼ bəghəm naŋa kɔʼ tsuʼ fə, ndəmə ghə n bə koʼ bə soʼo wi n luʼu key tə â muunə tii. Tə n tiillə ghə i tii zə tə ghə ni zey tsu n bələbələ tə ndow kuum ndow n nəŋə i fənə tə. Tə n tiillə dza ghəə a fɔɔ u Kəzə̀ tə ghə, tə n ney bə soʼo aghəə n laŋ kə Mushi nsə n ghəə ghey tûm tə Kəzə̀ tə â tɔ̀ɔ naŋanə ni dii ndow tə ghə nə̀ ghəə ghey tə dzanə bòʼ Yeso loʼ isəŋə.

2 Kɔrint 2:17

Ghey way dzə tə̀ a loʼ ndəmə ghə̂ a loʼ ghə, ghə ney kɔʼnə ghɔɔmə i Kəzə̀ zə ni kəŋ ukhəə tii. Ghey naʼlə ghɔɔmə i Kəzə̀ n fə̀ŋ tə zow tə tə̀ a loʼ ghə̂ a kəfwaʼ a Klisto, Zə̀ kə tûm bənə.

2 Kɔrint 5:20

Ghey fa loʼ tow kə Klisto, ghey a buʼu bənə wɔɔ kə n wɔ ghaa tə̀ a i dza à loʼ Kəzə̀ n wû u wi wə tə buʼu bənə wɔɔ kə n bam i ghey. Ghey buʼu bə kəwɔɔ tə̀ ghaa n zəd i Klisto, nə̀ ghaa doʼo bə nə kəfə kəmɔʼ ghi Zə̀ kə.

2 Kɔrint 6:1

Nghee tə̀ ghey fwaʼa dzəŋinə ghi Zə̀ kə, ghey buʼu bə kəwɔɔ tə̀ ghaa nə̀ kə̂ ghaa nə bəghəmnə nə̀ ndzuŋ ə Kəzə̀ zən ghaa keelinə doʼo Kənunu.

Galeshia 1:10

Ghaa moʼlə nə̀ n kəŋə kɔʼlə n wù sɔŋtsuʼ mɔ kɔʼlə n Kəzə̀ ə? Nkee ghaa moʼlə nə̀ n fwaʼa nə ghə̂ ghə i kali bə mə ə? Abə à mə loʼ nə n nam fwaʼa nə ghə̂ ghə i kali bə mə, i sey dii nə̀ n way dzə wù Kəfwaʼ a Klisto.

Efesus 5:21

Ghaa khə ni zow tə̀ waazə a ghaa ghə ni dii tsu nə̀ ghaa ndzəmə ngɔɔmənu Klisto.

Hibru 10:31

À ngii loʼ faalə kə ighəə ni nyi n wɔɔ kə Zə̀ kən kə khənə muu zə nə̀ tə chɔd wɔ.

Hibru 12:29

n təŋkey, Zə̀ kə saa kə loʼ tə̀ a loʼ vəllə wən u kpəʼlə maʼa bənə luʼu tə.

Màʼlə kə Jud tə̀ ghə̂ a Kəzə̀ ghə 1:23

Ghaa bəghəshi ghə̂ a loʼ ghə ni ney nuu bə ghə nə uvələ. Ghaa dii sî i kwɔɔlə zə tə ghə nə ighə̂mə nə̀ kə ghəə a ghə a bəbə a nə daŋanə saa. Ghaa i nyaŋa daŋŋə ndzə̂ tə ghə tey tə loʼ nə̀ wû i ghə zə n dzəələ maʼa.

Chi dii 20:15

Wù wey zəd i wi zə â way n màʼlə key ghə tɔ̀ɔ naŋanə zəd a ghə̂ ghey ghə i keelinə muu zə itsali zə, ghə n ney maʼa nyi tsu ndow ghə n nyî zə uvələ.