2 Kɔrint 4:7 - Kaa n Kəzə̀ n fəghə mə

⁷ Ghey khə ndzoʼo fə u səŋi wən n tɔ̀ɔ tə itsaʼ, ni dii tsu nə̀ faalə faalə kə kədaʼa kən ghey khənə nuu bə n wɔ Kəzə̀, a way dzə kə ghey kə.

2 Kɔrint 4:7 Mawu Ofanana

Matyo 13:44

Yeso n dza kpiʼi ndow ghɔɔmə i fənkəfən tə̀ ghə nə̀, “Fɔɔ wə idəŋ u loʼ tə a loʼ fə̂ kə wən i taw kə, kə nyi doʼonə nə usum, wù loʼ â kəŋ koʼ tsu, kəm tsəd nyì naŋa tsu. Tə n daŋŋə nuu tsu nə iduʼlə, ndow kûmmə fìi tsu fəghə n wi n dzəm, ni ndow zuu bəghə zey tii.”

Matyo 13:52

Tə n daŋŋə dza ndow tə ghə nə̀, “A sey loʼ nə̀, wù dii u kəlaŋ wey ghə dii tsunə wi nə̀ tə doʼo dzûmə n fɔ̀ɔ wə idəŋ wə, loʼ tə a loʼ mûkəbii wən tə ney shiə bənə n taw u wi, fə u wey wə nsə u fəghə wə.”

Tùm i dzuŋu zə kuum Yeso Klisto tə Jɔn â tɔɔnə 16:33

N ghəə ghən sa dza bə tə̀ ghaa nə̀ ghaa i khə buulə zə n fə̀ŋ tə ghaa, boʼnə ghaa loʼ n fə kəmɔʼ ghi mə. Ghaa nə ngii fəʼlənu fa n mbi, a kee loʼ nə̀ ghaa khə ni kuu tsu təfə̀ŋ tə a loʼ təsawgoʼ, n təŋkey, mə n təm zə̂ mbi.”

1 Kɔrint 1:28

Zə̀ kə sày kɔʼ ghə̂ ghən ghə̂ a mbi a koʼo kiinə, ney ghə nə ghə maŋ loʼ kənunu, ni ghəŋə nə̀ ghə̂ ghən ghə̂ a mbi a neynə nə̀ a loʼ ghə̂ a səŋi ghə, ghə doʼo bə kənunu.

2 Kɔrint 10:10

N dza sey n təŋkey, ghə̂ a loʼ a dza nə̀, “Màʼlə u wi u khə kəzən, taw, abə tə kee teynə n wû u wi wə, tə way ni dza ghə i səŋi i loʼ zə.”

2 Kɔrint 13:4

N ghəə ghən dza n təŋkey, nghee tə̀ ghə â baanə wi n zat kə fəkaʼ tə â ndzəm khə way daʼa kə, tə kee nya muu n daʼa K-a-zə̀. Nghee tə̀ saa loʼnə ghi wi nə kəfə kəmɔʼ, i sey dii nə̀ saa khə soʼo way daʼa kə. À kee bə n doʼo i ghey ghi ghaa, saa i dzəŋi keeli ndzoʼo muu zey tə khənə n daʼa K-a-zə̀.

2 Kɔrint 4:1

Nghee tə Zə̀ kə kwɔɔlənə sî zə n kow ghey, fuu ghey n fwaʼ kə kən, fə̂ kə loʼ kə way kə loʼ ni ghəŋə nə̀ ghey buu səə.

2 Kɔrint 5:1

Saa khənu nə̀ abə ghə saʼ maʼa tsunə fəə fə saa fən saa muunə tii tɔŋŋə vən fə uwû fə saa fən, saa khənu ndaw Zə̀ kə naŋanə tə̀ saa i doʼo tənə idəŋ. Ndaw tii, a ka bɔm dzə wù sɔŋtsuʼ.

2 Kɔrint 6:10

Ghə̂ a loʼ a koʼo ghey tə̀ a loʼ ghə̂ ghey ghə mownə, loʼ sey nə̀ ghey duʼlə nəŋə tədzəm. Ghə̂ a loʼ a koʼo ghey tə̀ a loʼ ghə̂ a laa ghə loʼ sey nə̀ ghey ghəŋŋə nə̀ ndəmə aghə̂ ghə i kùm. Ghə̂ a loʼ a koʼo ghey tə̀ a loʼ ghə̂ ghey ghə khə way fə kə, loʼ sey nə̀ ghey khə ufə udzəm.

Efesus 2:5

Sey, nghee tə̀ saa â loʼnə tə̀ a loʼ ghə̂ ghey ghə kpu doʼonə bòʼ ghəə a saa a bəbə ghə, tə n fuu saa n muu zə nya nghee saa loʼnə nə kəfə kəmɔʼ ghi Klisto. À loʼ bòʼ ndzuŋ ə Kəzə̀, saa keelinə bəghəshi zə n bəb i saa.

Efesus 3:8

Abə a tɔʼ laalə tsunə n ghə̂ a kəfwaʼ a Kəzə̀ adzəm, n ka kɔʼ kpii dzə ni doʼo wù kəfwaʼ a wi n fwaʼ kən. N ndzuŋ ə wi, tə u nam fuu mə n kɔb k-a-fwaʼ kən ni naʼa tûm i dzuŋu zə, dii ndow ndzuŋ zən i loʼnə n bam i Klisto tə̀ ghə̂ ghən ghə way ghə̂ a Təjuu ghə.

Kolose 1:27

Zə̀ kə â ləghə ni dii bə ghaʼ i wi nsə ghəə a wi a dzuŋu ghə tə ghə̂ ghən ghə way ghə̂ a Təjuu ghə soʼo. Ghəə zey Zə̀ kə â nyi naŋanə loʼ nə̀, Klisto muu n kow ghaa, dii tsu nə̀ ghaa ləmmə soʼo ni keeli kɔʼlə mən n loʼnə tə̀ ghə̂ a Kəzə̀ ghə.

Kolose 2:12

N sey dza n təŋkey, ghə mâ tsələ dzəŋi ghaa ghi Klisto n mmuu n Kəzə̀ mən ghə â fuunə tə ghaa. Ghaa n zhəm dzəŋŋə bə soʼo ghi wi, keeli kɔʼ muu i fəghə zə, tənkey ghaa gaʼ fə̀ŋ n daʼa K-a-zə̀, tə â zhəm dzəŋŋə bənə Klisto nə ivə.

Kolose 2:3

Ghəə ghən adzəm saa loʼ ni keeli kùm Kəzə̀, nyì doʼo n kow Klisto. À may kə wi tə loʼ ni chi dii ghəə a tii ghə.

1 Tesalonika 1:5

N ghəə ghən dza n tənkey, ghey ka maŋ naʼa dzə tûm i dzuŋu zən tə̀ ghaa nə idzuu. Ghey naʼa n daʼa K-a-zə̀, daʼa kə Zay kə Zow kə, nsə fə̀ŋ tə ghey tə tədzəm. Ghaa khənu jìi zey ghey â muunə tii n nəŋə zey ghey â loʼnə ghi ghaa. Ghey â muu sey n ndzuŋ ə ghaa.

1 Tesalonika 4:4

Kay wù khə ni zoʼlə tsu ni kwu keeli wû u wi sey nə̀ muu i wi zə i zow, tə i khə ngɔɔmə zə.

2 Timoti 2:20

N ndaw wù nii, lii tə ufə tə loʼ fu. À kad way kə fə wən ghə faalə nə itsàa nsə n tsâa zə ishɔ̀lɔ̀, fə u loʼ soʼonu fu ghə faalənə nə nkaʼ nsə nə itsaʼ. U loʼ u loʼnu nə̀ a loʼ fə u kuum ighəə, u loʼ wə a loʼ nə̀ à maŋ loʼ soʼo u wən ghə fwaʼa kaabənə tii nəŋə tədzəm.