2 Kɔrint 4:5 - Kaa n Kəzə̀ n fəghə mə

⁵ Ghey naʼlə way tûm bòʼ wû i ghey, ghey fədlə naʼlə tûm bòʼ Klisto tə loʼnə Mûkəbii. Wû i ghey, ghey loʼ ghə̂ a kəfwaʼ a ghaa bòʼ Yeso.

2 Kɔrint 4:5 Mawu Ofanana

Matyo 23:8

Kə wù ghaa u loʼ u nə kee bəghəmnə nə̀ ghə tɔŋɔ wi nə̀ a loʼ, ‘Wù dii’, n təŋkey, ghaa loʼ awaazə, ghaa khə kə wù dii umɔʼ.

Matyo 3:11

N fa fuu ghaa n mmuu n Kəzə̀ mə nə mmuu, ni dii tsu nə̀ ghaa n fə̀ŋ tə ghaa tə kwey, wù wey tə bəghənə n baa mə̀, n tsəghəshi mə. N ka bùʼ kɔʼ kpii dzə ni boʼo gow tə wi. Tə i sow ghaa n daʼa kə Zay kə Zow kə nsə nə uvəllə.

Tùm i dzuŋu zə kuum Yeso Klisto tə Jɔn â tɔɔnə 7:18

Wù wey tə ghɔɔmənə n ngəŋ ə wi sey ləghə nə̀ ghə̂ ghə i fuu bə wi n kɔʼlə mə. Wù wey tə kee ləghənə ni fuu kɔʼlə mə tə wù wey tə tûmnə wi, ghɔɔmə kə isəŋə, wù tii badla soʼo way ghəə ghə.

Kəfwaʼ 10:36

Ghaa khənu nə̀, Zə̀ kə â tûm bə tûm wi tə ghə̂ ghə Izree ghə, naʼlə ndow tûm i dzuŋu zə bòʼ ibuulə n bam i Yeso Klisto. Tə loʼ Mûkəbii tə ghə̂ ghə adzəm.

Kəfwaʼ 2:36

“Sey, ghə̂ ghə Izree adzəm a khə ni teeli keeli tsu nə̀ Zə̀ kə n ndzəm kɔʼlə naŋa Yeso wən ghaa â baanə n zat kə fəkaʼ tə a loʼ Mûkəbii ə saa, tə a loʼ soʼo wù wey Zə̀ kə â dza naŋa nə̀ i tûm bənu.”

Kəfwaʼ 5:31

Zə̀ kə n wi kɔʼlə naŋa kɔʼ n kpi u wi u təmə wə tə a loʼ kətow nsə bəghəshi, nə̀ tə loʼ ni fuu ghə̂ ghə Izree n bùʼ kə tə ghə kweyyə fə̀ŋ tə ghə, nsə nə Zə̀ kə neyzəə ghəə a ghə a bəbə ghə.

1 Kɔrint 1:23

A kee bə ghey, ghey naʼlə tûm nə̀ Klisto â kpu n zat kə fəkaʼ. Ghə̂ a Təjuu ghə a ləghə way ni zow tûm zən ghey naʼlənə, ghə̂ ghən ghə way ghə̂ a Təjuu ghə a kee dza nə̀ tɔb u loʼ u way n ghəə a tii ghə.

1 Kɔrint 10:33

À wey loʼ soʼo nghee n dəmənə ni muu nə̀ n khə way chɔd wə ghi wù loʼ n ghəə ghey n ghəŋŋənə. N ghəŋŋə dzə way ghəə ghey a dzɔbə kənə tə̀ mə, n fədlə ghəŋŋə ghəə ghey ghə i gaamənə ndəmə aghə̂, sey nə̀, ghə i loʼ ni keeli ibəghəshi.

1 Kɔrint 12:3

N ləghə nə̀ ghaa keeli tsu nə̀, wù loʼ way dzə abə tə ghɔɔmənə n daʼa key Zə̀ kə fuunə tə̀ wi, tə loʼnə ni dza tsu nə̀, “Yeso i koʼo kəbaŋ kaʼ.” Wù loʼ way soʼo tə loʼnə ni dza nə̀, “Yeso loʼ Mûkəbii.” Nə̀ a way Zay kə Zow kə, kə ghəŋə nə̀ tə dza sey.

1 Kɔrint 15:47

Zə̀ kə â bɔm wù sə isə wən tɔŋŋə Adam nə təzub, dii tsu nə̀ tə shi fa n mbi. Wù ibam wən tɔŋŋə Klisto kee shi tsu bə idəŋ.

1 Kɔrint 2:2

Nghee tə̀ mə â loʼnə ghi ghaa, n mâ naŋa n fə̀ŋ zuŋ nə̀ mə i neyzəənu ghəə ghə adzəm, mə i kee neyzəə way ghə i loʼ zə bòʼ Yeso Klisto, a ka tsəm dza kpu zən tə â kpunə n zat kə fəkaʼ.

1 Kɔrint 4:15

Abə ghaa bùʼ khə kənə ghə̂ ghə tə a loʼ təkam ighəm ghə dəŋənə ghaa nə̀ ghaa i loʼ nə kəfə kəmɔʼ ghi Klisto, ghaa khə kə bày umɔʼ. A may kə mə, mə â doʼo bə tə̀ a loʼ bày ghaa n təŋkey, ghaa â doʼo bə nə kəfə kəmɔʼ ghi Klisto nə̀ à loʼ mə n ney bənə tûm i dzuŋu zə tə̀ ghaa.

1 Kɔrint 8:6

A kee bə saa, saa khə kə Kəzə̀ kəmɔʼ. À loʼ Bày saa tə bɔmnə fə wə udzəm, saa fa muu bòʼ wi. I loʼ soʼo nə̀ saa khə kə Mûkəbii umɔʼ. À loʼ Yeso Klisto wən Zə̀ kə â bɔmnə fə wə udzəm fa n mbi n bam i wi, à loʼ soʼo n bam i wi saa muunə.

2 Kɔrint 1:19

Waa Kəzə̀, Yeso Klisto wən ghey naʼlənə tə̀ ghaa, tɔŋŋə, mə, Sivanus, nsə Timoti, fwɔdlɔ bəghəm dzə way ghəə zə, tə n kəm tuu i tsu. Abə tə bəghəm kɔʼnə ghəə zə, tə n bəghəm, nə̀ tə tuunu, tə n tuu tən tsu.

2 Kɔrint 1:24

Ghey ləghə dzə way ni tə̀mmə ghaa nə̀ ghaa bəghəm ghəə zey ghey dzanə, n təŋkey ghey khənu nə̀ ghaa tey tawnu n bəghəm i fə̀ŋ i ghaa. Ghey maŋ loʼ ghə̂ a kəfwaʼ, ghey fwaʼa dzəŋinə ghi ghaa nə̀ ghaa i loʼ nə iduʼlə.

Galeshia 5:13

Waazə, ghə Zə̀ kə a say shi bə ghaa nə̀ kə ghaa nə kəm muulənə tə a loʼ ukɔd n tənə kəlaŋ. I kə ghaa nə kee ney kɔʼɔnə nə̀ nghee ghaa kəm way kɔd wə n tənə kəlaŋ, a loʼ kəbùʼ tə ghaa ni ghəŋŋə ghəə a bəbə ghən gow uwû ghaa ləghənə ni ghəŋŋə. Fət ney na buʼ kə tii kə ni gaamə tiilə wû i ghaa nə iləghə.

Filipi 1:15

Ghə̂ a loʼ a naʼlə tûm ə Klisto bòʼ təŋkey ghə khə kəghoʼ, ləghə ni baŋŋə fəghəm tə. Ghə̂ a loʼ ghə a kee ndzəmə naʼlə tûm ə Klisto n fə̀ŋ i dzuŋu zə.

Filipi 2:11

Nsə nə̀, aghə̂ adzəm ghə i dza shiə bə mgbaŋ nə̀ Yeso Klisto loʼ Mûkəbii, Ni fuu ndow nkɔʼlə tə̀ Zə̀ kə tə loʼnə Bày saa.

2 Timoti 2:10

À wey loʼ i ghii n kownə fə̀ŋ nə aghəə adzəm n tow u ghə̂ ghən Zə̀ kə sàynə ghə, sey nə̀, ghə loʼ ni keeli soʼo ibəghəshi n bam i Yeso Klisto, ghə keeli soʼo kɔʼlə mən n nə may way.

Taytus 1:11

Wə khə ni ghəŋə nə̀ ghə buu naŋa ghɔɔmə i ghə i tii zə, n təŋkey ghə fwɔdlɔ maʼa kaabə təndaw tədzəm nghee ghə diinə ghə n ghəə ghey ghə khə way daʼa kə ni dii. Ghə ghəə a badla ghən dii kaabə n təŋkey ghə ləghə nə̀ ghə̂ ghə i fuu bə ghə n khəə wə.

2 Pita 2:3

N sə a ghə a shiə ghə, ghə̂ a dii a tsɔŋɔ ghən nə dza bə zəzəə mən n fiilənə isəŋə tə̀ ghaa ni nəəbə ney ukhəə n wɔ ghaa. Zə̀ kə mâ khə bayyə naŋa nə̀ tə i chɔdlɔ ghə̂ ghən, tə kam bweeli soʼo way.