2 Kɔrint 4:2 - Kaa n Kəzə̀ n fəghə mə

² Ghey n tuu maʼa ghəə a dədlə a kətow ghey ghə̂ a ghəŋnənə nə kələm. Ghey ghəŋŋə way ghəə a tsìi ghə, ghey fwɔdlɔ soʼo way ghɔɔmə i Kəzə̀ zə. Ghey kee ghɔɔmə bə isəŋə n mgbaŋ nə̀ ghə̂ adzəm ghə i khə n fə̀ŋ tə ghə nə̀ ghəə ghey ghey ghəŋŋə, a kpiinu n sə K-a-zə̀.

2 Kɔrint 4:2 Mawu Ofanana

Roma 1:16

N dədlə way n tow kə ni naʼa tûm i dzuŋu zə, n təŋkey, tûm i dzuŋu zən loʼ daʼa K-a-zə̀ kən kə bəghəshiənə ghə̂ ghey adzəm ghə bəghəmnə tə Klisto. Tûm tii zey tsu dzə n kow ghə̂ a Təjuu ghə tə̀ ghii zə ni ndow tə̀ ghə̂ ghən ghə way ghə̂ a Təjuu ghə.

Roma 6:21

Ghaa â keeli naamə kə ghaa kə n ghəə a tii ghə, ghaa sə̀ loʼ nə̀ ghaa nya buʼu dədlə n tow kə n ghəə a tii ghə? Ghaa koʼo way nə̀ ghəə ghən adzəm a ney bə ivə ə?

1 Kɔrint 4:5

Sey, kə ghaa nə tsəʼlənə saʼ n kow wù nə̀ nəŋə i ka kam kpii. Ghaa khə ni ləmə ni ndow kuum n nəŋə zey Mûkəbii i bəghənə tii. À loʼ wi tə i ney naŋŋə bənə ghəə ghey adzəm a nyi doʼonə nə kələm n mgbaŋ, tə i chi dii bə soʼo moʼlə tə bəbə tey ghə̂ a khənə n fə̀ŋ tə ghə. N nəŋə i tii zə, Zə̀ kə i fuu kə kay wù n kɔʼlə mey n kpiinə tə̀ wi.

2 Kɔrint 1:12

Fə̀ŋ tə ghey tə zownu, ghey u loʼnə ni kɔʼlə iwû nə̀ muu i ghey fa mbi â loʼ tsətsəghə loʼ soʼo nə̀ isəŋə. A wey bɔɔmə loʼ nghee ghey muunə ghi ghaa. Ghey ghəŋŋə dzə way ghəə ghə n tɔb u mbi, ghey ghəŋŋə aghəə adzəm n ndzuŋ zey Zə̀ kə diinə tə ghey.

2 Kɔrint 11:3

N kee tsəŋə nə̀ nghee tə̀ zuu â nəb fuu tsunə If n tɔb u wi u tsɔŋɔ wə, ghə loʼ ni bə fwɔd maʼa kɔʼ soʼo tɔb u ghaa, ghaa i way ni kəm dzûmə Klisto n fə̀ŋ tə ghaa tə tədzəm.

2 Kɔrint 11:6

Abə i loʼ kə nə̀ n khə way ni ghɔɔmə, n kee laʼlə dzə way. Ghey n dii may tə̀ ghaa nə təjìi tədzəm nsə nə̀ aghəə adzəm nə̀ ghey khənu tɔb wə.

2 Kɔrint 2:17

Ghey way dzə tə̀ a loʼ ndəmə ghə̂ a loʼ ghə, ghə ney kɔʼnə ghɔɔmə i Kəzə̀ zə ni kəŋ ukhəə tii. Ghey naʼlə ghɔɔmə i Kəzə̀ n fə̀ŋ tə zow tə tə̀ a loʼ ghə̂ a kəfwaʼ a Klisto, Zə̀ kə tûm bənə.

2 Kɔrint 5:11

Nghee tə̀ ghey khənə fə key kə loʼnə ni ngɔɔmə Mûkəbii, ghey buʼu kəwɔɔ nə̀ ghə̂ ghə i ngɔɔmə soʼo wi. Zə̀ kə khənu ghey, n moʼlə nə̀ n fə̀ŋ tə ghaa, ghaa khə soʼonu ghey.

2 Kɔrint 6:8

Nəŋə tə loʼ tə, ghə n ngɔɔmə ghey, nəŋə tə loʼ tə ghə n tsayyə ghey. Ghə̂ a loʼ a kpaalə ghey, ghə̂ a loʼ ghə a kalinə ghey. Ghə̂ a loʼ ghə a koʼo ghey tə̀ ghey badla aghəə, loʼ sey nə̀ ghey dza isəŋə.

2 Kɔrint 7:14

Abə mə â tsɔbənə fə̀ŋ bòʼ ghaa tə̀ wi, n ka tow kə dədlə kə keeli dzə. Nghee tə̀ ghəə ghey adzəm ghey â dzanə tə̀ ghaa â loʼnə isəŋə, a loʼ soʼo sey fə̀ŋ zey ghey â tsɔbənə bòʼ ghaa tə̀ Taytus â loʼnə isəŋə.

Efesus 4:14

Sey, saa i kəm way dzə tə̀ a loʼ aghinətəghə n bəghəm i fə̀ŋ i saa. Saa i kəm fwɔdlɔ way tə̀ a loʼ kəfən n dzuu, zəŋ maŋa tənnə kaabənə, zə n tən n bad kən, zə n kəm tən ndow n bad kə key, ghə̂ a tsìi ghə i way ni maŋ sìi ndzəŋ saa n tɔb u ghə u tsɔŋɔ wə.

Efesus 5:12

Kuum nə̀, à loʼ tow kə dədlə kə ni bùʼ khəə ghəə ghən ghə̂ a ghəŋŋənə nə kələm.