2 Kɔrint 4:16 - Kaa n Kəzə̀ n fəghə mə

¹⁶ À wən loʼ ghə i tii zə, fə̀ŋ tə ghey tə way ni buu doʼo, abə i loʼ kənə nə̀ ghey lay may ndow nə uwû, Zə̀ kə n ghəŋə nə̀ zay kə ghey kə i fədlə taw doʼlə bə tsuʼu ndzəm.

2 Kɔrint 4:16 Mawu Ofanana

Lukas 11:3

Fu ghey n fəzəə wey u kpiinə tə̀ ghey tsuʼ ndzəm.

Roma 12:2

Kə ghaa nə dzûmənə ghow kə ibwey kə ghə̂ a mbi ghən, fəd zəghə tsu n na nə̀ Zə̀ kə kweyyə kɔʼ fə̀ŋ tə ghaa. Abə ghaa ghəŋənə sey, ghaa i loʼ ni keeli ghəə zey Zə̀ kə ləghənə. Ghaa i khə ghəə zey i loʼnə ghə i dzuŋu zə tə Zə̀ kə, khə ghəə zey i loʼnə tsətsəghə, kpiilə soʼo tə̀ wi.

Roma 7:22

I sey diinə, N ləghənu laŋ kən Zə̀ kə fuu bənə n fə̀ŋ zuŋ idzəm.

1 Kɔrint 15:58

Sey, waazə ghuŋ a dzuŋu ghə, təmi taw tsu na n bəghəm i fə̀ŋ i ghaa, kə̂ fə̂ kə loʼ kə nə̂ soʼlənə ghaa. Fuu nyi ndòw na wû i ghaa zə n fwaʼ kə Mûkəbii, n təŋkey ghaa khənu nə̀ fwaʼ kən ghaa fwaʼanə tə̀ wi way dzə kənunu.

2 Kɔrint 12:15

Sey, mə i fuu maynu fə̂ wey n khənə tə̀ ghaa, n buʼ fuu daŋŋə soʼo wû wuŋ ni ghəŋə nə̀ ghaa nyim n bəghəm i fə̀ŋ i ghaa. Nghee tə̀ n ngii ləghənə ghaa, à kee loʼ kee ghaa ləghə way mə ə?

2 Kɔrint 4:1

Nghee tə Zə̀ kə kwɔɔlənə sî zə n kow ghey, fuu ghey n fwaʼ kə kən, fə̂ kə loʼ kə way kə loʼ ni ghəŋə nə̀ ghey buu səə.

Efesus 3:16

N gɔŋŋə tə̀ Zə̀ kə nə̀ n ghaʼ i wi i nii zə, tə kuu bə daʼa kə wi n kow ghaa n bam i Zay kə Zow kə, nə̀ ghaa i taw n fə̀ŋ tə ghaa.

Efesus 4:23

Ghaa khə ni fu ndow wû i ghaa tə̀ Zay K-a-zə̀ kə nə̀ kə kweyyə bə fə̀ŋ tə ghaa, ghaa doʼo bə ghə̂ a fəghə ghə.

Kolose 3:10

Kaʼ ndow na ni muu muu i fəghə zən Zə̀ kə fuunə tə ghaa, ghaa tɔʼ zoʼlə keeli kɔʼ soʼo wù wey tə loʼnə ghii wə, ghaa doʼo bə tə a loʼ wi.

Taytus 3:5

tə n bəghəshi tsu saa. Tə â ka bəghəshi dzə saa a dza saa ghəŋə ghə i dzuŋu i loʼ zə, tə â fəd bəghəshi saa bòʼ sî i kwɔɔlə zey tə khənə n kow saa. Tə â bəghəshi saa n bam i Zay kə Zow key tə â tûm bənə nə̀ kə bə sow maʼa saa n ghəə a saa a bəbə ghə, tə ghəŋə soʼo nə̀ saa kweyyə kɔʼ mwam u saa, saa keeli bə muu i fəghə zə.

1 Pita 3:4

Ghaa khə ni fəd ghəŋə nə̀ fə̀ŋ tə ghaa tə i dzɔbə n mwam u dzuŋu wey ghaa khənə nə u kweyyə way. Ghaa khə ni khə zuŋ kə umwam kə nsə fə̀ŋ i dzuŋu zə n təŋkey, à loʼ ghəə ghey a ngii dzɔbənə tə̀ Zə̀ kə.

1 Pita 4:14

Zə̀ kə i buulə wù wey ghə kpaalənə wi a dza tə loʼ dzûmə Klisto, n təŋkey, Zay kə səŋi kən kə loʼnə Zay K-a-zə̀ kə, loʼ n kow wi.