2 Kɔrint 4:14 - Kaa n Kəzə̀ n fəghə mə

¹⁴ Ghey ghəə ghən ghəŋŋə n təŋkey, ghey khənu nə̀ Zə̀ kən kə â zhəm dzəŋŋə bənə Mûkəbii Yeso nə ivə, tə i zhəm dzəŋŋə bə soʼonu saa nə ivə. Tə i ney kɔʼ ghey ghi ghaa, tə naŋa bə n səə wi.

2 Kɔrint 4:14 Mawu Ofanana

Lukas 21:36

Tɔʼɔ təmi taw tsu na, gɔŋŋə nəŋə tədzəm tə ghaa i keeli daʼa kə tii kə ni nɔb shi n ghəə ghən ghə i shiənə, sey ghaa i loʼ ni təmi n sə kə Waa wù sɔŋtsuʼ.”

Kəfwaʼ 2:24

Zə̀ kə n kee zhəm dzəŋŋə bə wi nə ivə, bəghəshi bə wi n wɔɔ kə ivə, n təŋkey, və zə â ndɔm way ni kwu naŋa wi.

Kəfwaʼ 2:32

Zə̀ kə mâ ndzəm zhəm dzəŋŋə bə Yeso nə ivə, ghey ghən adzəm fa loʼ mâ koʼ ghə i tii zə.

Roma 8:11

Abə i loʼ nə̀ Zay K-a-zə̀ kən kə â zhəm dzəŋŋə bənə Yeso nə ivə loʼnu n kow wɔ, wi wən tə â zhəm dzəŋŋə bənə Klisto nə ivə, i ghəŋŋənu nə̀ wû i ghaa zən i kpunə, i kəm keeli imuu. I loʼ sey bòʼ Zay kə Zow key kə loʼnə n kow ghaa.

1 Kɔrint 6:14

Zə̀ kə i zhəm dzəŋŋə bə saa nə ivə n daʼa kə wi, ighələ tə̀ tə â zhəm dzəŋŋə bənə Mûkəbii nə̀ ivə.

2 Kɔrint 11:2

N mbuŋŋə ni keeli nghee tə̀ ghaa loʼnə tii ighələ tə̀ Zə̀ kə mbuŋŋənə ni keeli. N ləghə ni fuu ndow ghaa tə̀ wù umɔʼ tɔŋŋə Klisto nə̀ ghaa khə way bwu i loʼ zə̀, tə̀ bày weyzən wən ghə â nyi naŋanə nə fuu ndownə waa wi wən tə̀ num nə̀ tə ka kam nyəŋi koʼ tsə ghi weynum.

Efesus 5:27

Sey nə, ndaw Kəzə̀ i loʼ n sə kə wi nə̀ i nyiələ dzɔbə, khə way dzə u loʼ wə, njuʼlə way soʼo. Zə i loʼ nə̀ zow dzɔbənu khə soʼo way bəb i loʼ zə.

Kolose 1:22

A kee loʼ nə̀, Zə̀ kə n ghaa ghəŋə nə̀ ghaa doʼo fə a wi bòʼ və i waa wi wən tə a kpunə n zat kə fəkaʼ, sey nə̀ muu i ghaa zə i zow khə way bwu i loʼ zə, ghaa i loʼ tsətsəghə n sə kə wi.

Kolose 1:28

Sey, ghey naʼlə tûm i dzuŋu zə bòʼ Klisto tə ghə̂ ghə adzəm. Kii naŋŋə ndow ghə n ghəə ghən a kpiilə way, də̀ŋ ə kɔʼɔ bə ghə nə təjìi tədzəm, sey nə̀, ghey i loʼ ni ney bə ghə n sə K-a-zə̀, nə̀ ghə n beyyə dzɔb, loʼ nə kəfə kəmɔʼ ghi Klisto.

1 Tesalonika 4:14

N sey dza n təŋkey saa khənu nə Yeso â kpuunu kəm zhəm dzəŋŋə nə ivə. Saa u khə soʼo nə̀ Zə̀ kə i zhim dzəŋə bənu dzûmə tə̀ Klisto tən ghə kpu dzənə nə̀ ivə, ghə i nuu dzəŋi ghi Yeso abə tə i bənə.

Jems 5:15

Gɔŋŋə zey ghə i gɔŋŋə tsunə n bəghəm i fə̀ŋ, i ghəŋŋə nə̀ wù dzaŋa tii taw doʼo bə. Mûkəbii i ney nuu dzaŋ i tii zə. Nə̀ wù tii â ghəŋə bəəbə ghə i loʼ zə, Mûkəbii i neyzəə bəb i wi.

Màʼlə kə Jud tə̀ ghə̂ a Kəzə̀ ghə 1:24

N gɔŋŋə nə̀ saa adzəm i fuu kɔʼlə mə tə Zə̀ kə. Zə̀ kən kə loʼ ni kwu keeli saa nə̀ kə saa i bwu, nsə nə̀ saa i zow, ngii duʼlə soʼo n sə kə wi.