2 Kɔrint 3:6 - Kaa n Kəzə̀ n fəghə mə

⁶ À loʼ wi tə ghəŋənə nə̀ ghey kɔʼ kpii tə̀ a loʼ ghə̂ a kəfwaʼ n kâa n fəghə mən. Kaa n fəghə mən ka tɔ̀ɔ doʼo dzə n màʼlə K-a-zə̀, à loʼ n Zay kə Zow kə, kuum nə̀ ghəə ghey a tɔ̀ɔ doʼonə nə kəmaʼlə fədlə wey wù, Zay kə Zow kə u kee fuunə muu zə.

2 Kɔrint 3:6 Mawu Ofanana

Matyo 13:52

Tə n daŋŋə dza ndow tə ghə nə̀, “A sey loʼ nə̀, wù dii u kəlaŋ wey ghə dii tsunə wi nə̀ tə doʼo dzûmə n fɔ̀ɔ wə idəŋ wə, loʼ tə a loʼ mûkəbii wən tə ney shiə bənə n taw u wi, fə u wey wə nsə u fəghə wə.”

Matyo 26:28

a wən loʼ kaŋ tuŋ, kaŋ tə kaa mey Zə̀ kə zə̂nə ghi ghə̂ a wi ghə, tə fəələnə nə̀ Zə̀ kə neyzəə bəb i ndəmə aghə̂.

Malakus 14:24

Yeso n dza tə̀ ghə nə̀, “À wən loʼ kaŋ tuŋ, n fəələnə bòʼ ndəmə aghə̂, ni zɔ̀ʼ nkaa n Kəzə̀ ghi ghə̂ ghə.

Lukas 22:20

Ambə ghə zə̂ may kɔʼnə, tə n ney pkiʼi kɔʼ wɔɔ nlə, fu ndow tə ghə dza, “Wɔɔ nlə zən loʼ nkaa n fəghə mə ghaa zəə ghi Zə̀ kə n kaŋ tuŋ n fəələnə bòʼ ghaa.

Tùm i dzuŋu zə kuum Yeso Klisto tə Jɔn â tɔɔnə 5:21

Bày zhəm dzəŋŋə bə aghə̂ nə̀ ivə, fuu ghə n muu zə, a loʼ ighələ, Waa fuu soʼonə muu zə tə̀ wù wey tə ləghənə ni fu tə̀ wi.

Tùm i dzuŋu zə kuum Yeso Klisto tə Jɔn â tɔɔnə 6:63

À loʼ Zay K-a-zə̀ kə fuunə muu zə, daʼa kə wù sɔŋtsuʼ kə maŋ loʼ kənunu. Ghɔɔmə zən n ghɔɔmə bənə tə̀ ghaa, nuu bə n wɔ Zay K-a-zə̀, kə fuunə muu zə.

Roma 1:5

À loʼ bòʼ wi, Zə̀ kə diinə mə n ndzuŋ ə wi, sày naŋa kɔʼ mə nə̀ n doʼo ngəd ə wi, sey nə̀, mə i loʼ ni ghəŋə nə̀ aghə̂ adzəm n naʼa tə mbi tədzəm, a bəghəm tə wi, ghə i zow soʼo tə wi.

Roma 3:20

I loʼ nə̀, wù umɔʼ way dzə tə doʼlənə tsətsəghə n sə K-a-zə̀ a dza tə naŋŋə kəlaŋ, n təŋkey laŋ kə fədlə ghəŋŋə nə̀ wù keeli nə̀ tə n bəb i ghəŋə.

Roma 4:15

I loʼ sey n təŋkey, luʼu key laŋ kə loʼnə tii, Zə̀ kə n dii nəghə u wi fəə wə n kow ghə̂ ghey ghə bwuulə maʼanə laŋ kə tii kə. Luʼu key laŋ kə way, wù way dzə ni zow nə̀ wù bwu kəlaŋ fu.

Roma 4:17

I loʼ sey n təŋkey i tɔ̀ɔ doʼo n màʼlə K-a-zə̀ nə̀, Zə̀ kə â dza tə Abraham nə̀, “Mə n ghəŋə nə̀ wə doʼo bày tə̀ naʼa tə n ndəm.” Tə loʼ bày saa n sə̂ K-a-zə̀, Zə̀ kən tə â bəghəmnə tə̀ wi. À loʼ Kəzə̀ kə fuunə muu zə tə ghə̂ ghən ghə kpu dzənə, ghəŋŋə soʼo nə̀, fə wən u ka kam doʼo koʼ tsə, nə̀ u doʼo bə.

Roma 7:6

A kee bə nya, Zə̀ kə n saa bəghəshi n laŋ wən wə â kow naŋanə saa. Saa nya loʼ tə̀ a loʼ ghə̂ a kpu ghə tə̀ laŋ kə. Saa nya kəm fwaʼa way tə̀ Zə̀ kə nə̀ saa dzûmə ndow ghəə ghey ghə tɔ̀ɔ naŋanə n màʼlə k-a-laŋ, saa nya fəd muu tə̀ Zay kə Zow kə diinə.

Roma 8:2

I sey loʼ ntənkey, nghee tə saa loʼ soʼonə nə kəfə̂ kəmɔʼ ghi Yeso Klisto, Zay kə Zow kən kə fuunə muu zə, kə nya fwaʼa n kow mə, ghəŋŋə nə̀ mə i naŋŋə laŋ u wi. Kə n bəghəshi soʼonə mə wɔ daʼa kə ghəə a bəbə kən kə ney bənə və zə.

1 Kɔrint 11:25

Ambə ghə zə̂ may kɔʼnə, tə n ney kɔʼ wɔ̀ɔ nlə fuu ndow tə̀ ghə, dza tsu nə̀, ney na lə mən, “À wən loʼ kaŋ tuŋ, tə loʼnə ni bayyə kaa n fəghə mən Zə̀ kə sədnə ghi ghə̂ a wi ghə.” Nəŋə tədzəm abə ghaa mə̂ənə n wɔ̀ zən, ghaa sey ghəŋŋə ni moʼlə mə.

1 Kɔrint 12:28

Zə̀ kə sày naŋa aghə̂ n dzəŋi kə dzûmə tə Klisto nə ulii. A sə̂ kə bə ngəd tə Yeso, ghə̂ ghey ghə naʼlənə tûm Kəzə̀ ghə u dzûmə ndow nə̀, ghə̂ ghey ghə diinə ghəə a Kəzə̀ ghə, ghə u dzûmə bənə ghə. A ghə dzûmə ndow ghə̂ ghən ghə ghəŋŋənə faalə mə, a ghən Zə̀ kə fuunə ghə n daʼa kə ni baŋŋə ghə̂ ghə u dzûmə ndow, ghə̂ ghən ghə gaamə nduŋŋə ndownə ghə̂ ghə u dzûmə ndow, a ghən ghə loʼnə ni kwu keeli aghə̂ u dzûmə ndow, tə̀ ghə̂ ghey ghə ghɔɔmənə lii tə təghɔɔmə tə i sə dzûmə ndow.

1 Kɔrint 15:45

À wən loʼ i ghii i tɔ̀ɔ doʼonə n màʼlə K-a-zə̀ nə̀, “Wù sə̂ isə wən Zə̀ kə â bɔmnə â loʼ Adam.” Adam wə ibam wən tɔŋŋə Klisto kee loʼ zày kən kə fuunə muu zə.

1 Kɔrint 3:10

Mə â ney kɔʼ naamə key Zə̀ kə â fuunə tə̀ mə, səd tsu tsə̂ kə ndaw tii tə̀ a loʼ wù wey tə bəghə khəələnə ndaw tə. Wù nuu nya kee bəghə n tsə̂ kə tii kə. À kee loʼ nə̀ kay wù khə ni ney ighə̂mə n jìi zey tə bəghənə tii.

1 Kɔrint 3:5

Apolos ghi Pɔl buʼ loʼ ghə ndee? Ghə maŋ loʼ ghə̂ a kəfwaʼ a Kəzə̀, Zə̀ kə ghəŋənə ghə nə̀ ghə ghəŋə nə̀ ghaa keeli bəghəm i fə̀ŋ n kow Klisto. Kay wù fwaʼa ndòw kə fwaʼ key Mûkəbii fuu naŋanə tə̀ wi nə̀ tə fwaʼ.

2 Kɔrint 11:23

Ghə dza nə̀ ghə loʼ ghə̂ a kəfwaʼ a Klisto ə? (N ghɔɔmə tə̀ a loʼ wù zəghə), n buʼ tsəghəshi ghə. Mə n fwaʼ ndəmə tə aghəə tə səŋi tə, nyi n ndaw tsaʼ n ndəmə tənəŋə, ghə n mə bwɔd n ndəmə tənəŋə, mə n koʼ və zə n ndəmə tənəŋə.

2 Kɔrint 3:14

Sey, fə̀ŋ tə ghə tə n taw doʼo i tsu. Ni bə kùm na, abə ghə zow tsu nghee ghə tɔŋŋənə kaa n wey mə, a n loʼ tə a loʼ ndzə̂ tey tə nam tsəd doʼo kə n tûm usə̂ u ghə, n təŋkey, à loʼ kə n bam i Klisto ghə loʼnə ni tsɔʼ nuu ndzə̂ tə tii tə.

2 Kɔrint 3:3

Ghaa dii bənu nə̀ ghaa loʼ kəmàʼlə Klisto tɔ̀ɔ bənə, tûm bə n wɔ ghey. Klisto â ka tɔ̀ɔ dzə màʼlə kə tii kə n dzaŋ k-a-màʼlə, tə â tɔ̀ɔ n Zay kə Zə̀ kən kə loʼnə utaw. Tə â ka tɔ̀ɔ soʼo màʼlə kə tii kə nə atay, tə â fəd tɔ̀ɔ n fə̀ŋ tə aghə̂.

2 Kɔrint 3:7

Laŋ kən ghə â kpeyyə naŋa nyi ndownə n bad wə atay, kə â ney bə ivə. Laŋ kə tii kə â bə n nyiələ zə, ghə̂ ghə Izree ghə n way ni laalə tûm usə u Mushi nghee tə wə â ngii nyiəllənə loʼ sey nə̀ nyiəllə i tii zə â nya buʼu nəmmə nyiə ndownu.

2 Kɔrint 3:9

Abə laŋ kən kə i ghəŋŋənə nə̀ ghə̂ a kpuulə loʼ ni nyiəllə, i sey dii nə̀ kə kən kə ghəŋŋənə nə̀ ghə̂ a doʼo tsətsəghə i nyiəllə tsəghəshiənu.

Galeshia 3:21

N dza n bəb bə nə̀, laŋ K-a-zə̀ kə nya ballə kɔʼɔ bə ghi təb K-a-zə̀ kə ə? Ngaŋ! Abə laŋ kə mə loʼ ni ghəŋə saa nə̀ a keeli imuu, ghə̂ adzəm a mə ndzəmə naŋŋə laŋ u tii wə, sey nə̀, ghə loʼ ni loʼ tsətsəghə n sə K-a-zə̀.

Efesus 2:1

Sə̂ i sə, ghaa â loʼ tsə tə̀ a loʼ ghə̂ ghey ghə kpu doʼonə boʼnə ghaa â naŋŋə way laŋ u Kəzə̀ wə, ghəŋŋə soʼo ghəə a bəbə ghə.

Efesus 2:5

Sey, nghee tə̀ saa â loʼnə tə̀ a loʼ ghə̂ ghey ghə kpu doʼonə bòʼ ghəə a saa a bəbə ghə, tə n fuu saa n muu zə nya nghee saa loʼnə nə kəfə kəmɔʼ ghi Klisto. À loʼ bòʼ ndzuŋ ə Kəzə̀, saa keelinə bəghəshi zə n bəb i saa.

Efesus 3:7

N bam i ndzuŋ ə Kəzə̀ nsə daʼa kə wi, n loʼ wù kəfwaʼ a wi ni naʼlə tûm i dzuŋu zən.

1 Timoti 4:6

Abə wə tiillə dza ndownə ghəə ghən n dii kɔʼ bənə tə wɔ tə̀ dzûmə tə Klisto tə, ney soʼo fə̀ŋ zə n ghɔɔmə i Kəzə̀ zən wə bəghəmnə tii nsə isəŋə zən wə bweynə tii, wə i doʼo wù kəfwaʼ a Yeso Klisto u dzuŋu wə.

2 Timoti 1:11

Zə̀ kə n sày kɔʼ mə nə̀ n doʼo ngəd ə Klisto, wù dii wə, nsə wù wən tə naʼlənə tûm i dzuŋu zə.

Hibru 12:24

Ghaa n bə n səə Yeso wən tə bayyənə nkaa n fəghə mə nsə n səə kaŋ tə wi tən tə â fəələnə ni sow maʼa ibəb i dzɔb tsəghəshi kaŋ tə Ebel tey tə loʼnə ni dey təngəmə.

Hibru 13:20

N gɔŋŋə nə̀ Zə̀ kən kə fuunə buulə zə, tə wən tə â zhəm dzəŋŋə bənə Mûkəbii saa Yeso nə ivə, wù baʼa u tənjì u səŋi wə, tə wən tə â ney kɔʼnə kaŋ tə wi tə, zə̂ kɔʼ kaa mən n nə may koʼ way,

Hibru 7:22

N kaa mən nya, Yeso n bə ghəŋə nə̀ saa i khə tən nə̀ kaa mən à zə̂nə saa ghi Zə̀ kə nya, tsəghəshinu n wey mey.

Hibru 8:13

Ambə Zə̀ kə dza tsu nə̀, “Kaa mən loʼ kaa n fəghə mə.” Tə â sey ghəŋə nə̀ kaa n sə isə mey doʼo tsu n wey mə. Abə fə kə doʼo dzə kə wey kə, kə n lə̀ghə̀, bəghə soʼo n ghəə a may ghə.

1 Pita 3:18

N dza sey n təŋkey, Klisto â kpu kə nəŋə imɔʼ ni ney nuu tən ghəə a ghə̂ a bəbə ghə adzəm. Tə â ka ghəŋə koʼ tsə ghə i bəbə i loʼ zə, tə n kee bə kpu n tow u ghə̂ a bəbə ghə, sey nə̀ tə loʼ ni ney bə saa tə̀ Zə̀ kə. Ghə â wey wi nə̀ tə loʼ wù sɔŋtsuʼ, Zay kə Zow kə n kee ghəŋə nə̀ tə doʼo dzəŋŋə bə utaw,

1 Jɔn 1:1

Ghey ghəə ghən tɔ̀ɔ bə tə ghaa kuum ghɔɔmə zən i ghəŋŋənə nə̀ ghə̂ a keeli imuu. Ghɔɔmə i tii i mâ khə doʼo zey tə̀ Zə̀ kə ni bɔm mbi. Ghey mâ zow, ghey n koʼ ndow soʼo n sə̂ a ghey. Isəŋə loʼ nə̀ ghey mâ koʼ wi, mɔm tsu soʼo wi n wɔɔ a ghey ghə.