2 Kɔrint 3:5 - Kaa n Kəzə̀ n fəghə mə

⁵ Ghey dza dzə way nə̀ ghey kɔʼ kpiinu ni fwaʼ ghəə ghən n ngəŋ ə ghey, à loʼ Kəzə̀ kə fuunə ghey n daʼa kə tii kə.

2 Kɔrint 3:5 Mawu Ofanana

Lukas 21:15

Boʼnə n nə fuu ghaa n ghɔɔmə i tii zə nsə tɔb wə n jìi zey ghə̂ a təngəmə a ghaa a nə way ni buʼ khə̂mə ghaa.

Lukas 24:49

Sey, abə n ndownə, mə i tûm bə wù wey Bày wùŋ idəŋ â dza naŋanə tə̀ ghaa. Sey, ghaa khə ni doʼo ləmə n naʼ i Yerosalem tə daʼa K-a-zə̀ kə tsu bə n kow ghaa.”

Tùm i dzuŋu zə kuum Yeso Klisto tə Jɔn â tɔɔnə 15:5

N loʼ fəkaʼ, ghaa a loʼ kpìi tə tii tə. Wù wey tə loʼ ghi mə nə kəfə kəmɔʼ, mə n loʼ soʼo nə kəfə kəmɔʼ ghi wi, a loʼ wi tə loʼ ni ngii mə̂ utam. I loʼ sey n təŋkey, abə a bow tə mə, ghaa way ni ghəŋə ghə i loʼ zə.

Roma 15:18

N ndɔm way ni kɔʼlə uwû n ghə i loʼ zə tsəghəshiə way ghəə ghey Klisto ghəŋənə nə̀ n ghəŋə. Tə ghəŋə nə̀ ghə̂ ghən ghə way ghə̂ a Təjuu ghə i zow tə Zə̀ kə n tûm i dzuŋu zən n naʼlənə tə ghə nsə ghəə ghey n ghəŋŋənə n fəŋŋə kə ghə.

1 Kɔrint 15:10

N loʼ wù wey n loʼnə ghii wə nya bòʼ ndzuŋ ə Kəzə̀. Ndzuŋ zən Zə̀ kə â diinə tə̀ mə, â ka maŋ nay dzə kənunu. Zə n ghəŋə nə̀ n fəd fwaʼ tsəghəshi tsətəndəghə tə Klisto tə loʼ tey tədzəm. N khənu nə̀ â way dzə n daʼa kuŋ, â loʼ daʼa K-a-zə̀ kə â ghəŋənə mə nə̀ n fwaʼ tsəghəshi ghə adzəm.

1 Kɔrint 3:10

Mə â ney kɔʼ naamə key Zə̀ kə â fuunə tə̀ mə, səd tsu tsə̂ kə ndaw tii tə̀ a loʼ wù wey tə bəghə khəələnə ndaw tə. Wù nuu nya kee bəghə n tsə̂ kə tii kə. À kee loʼ nə̀ kay wù khə ni ney ighə̂mə n jìi zey tə bəghənə tii.

1 Kɔrint 3:6

À loʼ mə, mə â zəghənə ndzoʼ tə tii tə, Apolos n vəələ tsu. Â kee loʼ Kəzə̀ kə â ghəŋə nə̀ tə nyim.

2 Kɔrint 12:9

Tə n fəd dza tə̀ mə nə̀, “Ndzuŋ zuŋ kpiinu tə̀ wɔ, n təŋkey, nəŋə zey wə laynə tii, à wey loʼ nəŋə zey daʼa kuŋ kə dzɔbənə n kow wɔ.” Sey, mə i baa ghaŋŋə tsəghəshiə uwû nya nə̀ n tsəŋə way n ghəə ghey a ghəŋŋənə nə̀ mə i lay, sey nə̀ daʼa kə Klisto kə i loʼ n kow mə.

2 Kɔrint 2:16

Ghey loʼ tə̀ a loʼ zuʼ key kə ghəŋŋənə nə̀ ghə̂ a kpuulə tə̀ ghə̂ ghey ghə laʼa nay ndownə. A kee bə tə̀ ghə̂ ghey ghə keelinə bəghəshi zə, ghey loʼ tə a loʼ zuʼ key kə fuunə muu zə. A loʼ ndee tə̀ kɔʼ kpiinə ni fwaʼ ndzoʼo fwaʼ kən ə?

2 Kɔrint 4:7

Ghey khə ndzoʼo fə u səŋi wən n tɔ̀ɔ tə itsaʼ, ni dii tsu nə̀ faalə faalə kə kədaʼa kən ghey khənə nuu bə n wɔ Kəzə̀, a way dzə kə ghey kə.

Filipi 2:13

Ghaa keeli tsu nə̀ a loʼ Kəzə̀ kə fwaʼanə n kow ghaa, ghəŋə ghaa nə̀ ghaa i khə zay ni fwaʼ tə wi, fuu soʼo ghaa n daʼa kə nə̀ ghaa ghəŋə ghəə ghey a kpiilənə tə wi.

Filipi 4:13

N loʼnu ni ghəŋə aghəə adzəm n daʼa key Klisto fuunə tə̀ mə.

2 Timoti 2:2

Ney kɔʼ ghəə ghən wə â zownə mə n diinə n sə kə ndəmə aghə̂, wə fuu naŋa tsu ghəə a tii ghə n wɔ ghə̂ ghən ghə loʼ nə wə loʼ ni gaʼ fə̀ŋ zə n kow ghə, sey nə̀, ghə i loʼ ni dii nduŋŋə ndow tə ghə̂ ghə.

Jems 1:17

Keeli tsu na nə a loʼ Zə̀ kə idəŋ kə, kə fuunə ghəə a dzuŋu ghə nsə fə u dzuŋu wən a keelinə fa n mbi udzəm. À loʼ wi tə khənə daa wən u loʼ idəŋ udzəm. Tə kweyyə koʼo tsə way n doʼo i wi tə a loʼ daa u wi wən u kweyyənə n jìi zey u baŋanə tii.