2 Kɔrint 3:12 - Kaa n Kəzə̀ n fəghə mə

¹² Sey, ghey khə way tsəŋ zə abə ghey ghɔɔmənə n tənkey, ghey ləmmə ghəə ghən.

2 Kɔrint 3:12 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 10:24

Ghə̂ a Təjuu ghə n zuŋŋə dzəŋ tsəghə kɔʼ wi, bəb tə̀ wi nə̀, “Wə i naŋŋə ghey nə kələm ni ndòw kùm zeeli? Abə wə̀ loʼnə nə̀ wə loʼ wù wey Zə̀ kə â dza naŋa nə̀ i tûm bənu, wə n shi bə tsətsəghə.”

Tùm i dzuŋu zə kuum Yeso Klisto tə Jɔn â tɔɔnə 16:25

Yeso n dza tə̀ ngəd tə wi tə nə̀, “N ghəə ghən dza bə nya tə̀ ghaa n ghɔɔmə i fənkəfən, nəŋə i kee bəghənu, mə i kəm ghɔɔmə way ghəə ghə tə̀ ghaa n ghɔɔmə i fənkəfən. N nəŋə i tii zə, n nə dza dzî bə aghəə tə̀ ghaa kùm Bày wuŋ n jìi zey ghaa loʼ ni zowkeeli.

Tùm i dzuŋu zə kuum Yeso Klisto tə Jɔn â tɔɔnə 16:29

Ambə tə ghɔɔmə tsunə sey, ngəd tə wi tə n kali ndow wi nə̀, “Wə nya ghɔɔmə dzî shiə bə aghəə, wə kəm fənnə ghɔɔmə way.

Kəfwaʼ 14:3

Pɔl nsə Banabas n ndəŋ doʼo kəŋə ndow fu tii, naʼlə tûm i dzuŋu zə bòʼ Mûkəbii nə̀ ghə khə way tsəŋ i loʼ zə. Mûkəbii n dii bə nə̀ tûm ghə zən ghə naʼlənə bòʼ ndzuŋ ə Kəzə̀ loʼ isəŋə nghee tə â funə ghə n daʼa kə ni ghəŋŋə faalə mə nsə ghəə a zum ghə idzuu ghə.

Kəfwaʼ 4:13

Nghee ghə koʼnə jìi zey Pita ghi Jɔn ghɔɔmənə tii nə ghə tsəŋə way, koʼ tɔb kɔʼ soʼo nə a maŋ loʼ laŋa tə aghə̂ nə ghə ka basə nyi dzə n ndaw kəmàʼlə, dzuu zə n ngii zum ghə. Ghə sey daŋŋə koʼ keeli ndownu nə̀ ghə â loʼ dzəŋi tsə ghi Yeso.

Kəfwaʼ 9:27

Banabas n kee ney ndow ghi wi n səə ngəd tə Yeso tə, tiilə dza ndow tə ghə nghee Sɔl a koʼnə Mûkəbii tii n jii nə̀ tə ndow n Damaskus, tə n ghɔɔmə ndow tə wi. Banabas n tiilə dza soʼo tə ghə nghee tə Sɔl â dəbbə naʼlənə ghəə ghə tii n zəd i Yeso n Damaskus.

Kəfwaʼ 9:29

Ghɔɔmə i wi zə n bəghəm dzəŋi way ghi ghə̂ a Təjuu ghey ghə a ghɔɔmənə ghɔɔmə i Grik zə. Sey, ghə n kee kəŋə jii ni wey wi.

1 Kɔrint 14:19

A kee loʼ nə̀, abə n khə ni ghɔɔmə n dzəŋi kə dzûmə tə Klisto, à kpii nə̀ n ghɔɔmə shi bə kə aghəə ataa ni tsə̀ aghə̂ nə̀ ghə zowkeeli tsəghəshi ni ghɔɔmə aghəə təkam ighəm n ghɔɔmə i loʼ zə nə̀ ghə̂ a zowkeeli way.

2 Kɔrint 10:1

À loʼ mə̀ Pɔl n wû wuŋ wə, n maʼa tsunə wû wə ni buʼ kəwɔɔ tə̀ ghaa n zəd i Klisto wən tə buulənə, zə̀ələ loʼ soʼo. À loʼ mə wən ghə̂ a loʼ a dza kaabənə nə̀ abə n loʼnə n sə kə ghaa, mə n tsəŋə, kee tɔɔbə ghɔɔmə abə n nuu ndownə.

2 Kɔrint 3:11

Abə Laŋ kə wey key â loʼ ni nyiəllə loʼ sey nə̀ kə â loʼ kə n tɔŋɔ fə inəŋə, i sey dii nə̀, kə fəghə kən kə nəmmə koʼo tsə way i nyiəllə tsəghəshiənu.

2 Kɔrint 4:13

Màʼlə K-a-zə̀ kə dza nə̀, “N ghɔɔmə n təŋkey mə n bəghəm.” Sey, à loʼ kə n Zay kə bəghəm i zən ghey ghɔɔmənə n təŋkey, ghey n bəghəm.

2 Kɔrint 7:4

N gaʼ fə̀ŋ n kow ghaa, mə u tsɔbənə fə̀ŋ bòʼ ghaa. Sey n chɔd n saa mən a keelinə n dzəm, fə̀ŋ zuŋ a nam kaynə, duʼlə soʼo naʼ idzəm.

Filipi 1:14

Doʼo zuŋ n ndaw tsaʼ zə n ghəŋə nə̀ ndəmə ghə̂ ghən ghə bəghəm tə Yeso a keeli tsu fə̀ŋ. Ghə nya naʼlə nduŋŋə ndòw ghɔɔmə i Kəzə̀ nə̀ ghə khə way tsəŋ zə n fə̀ŋ.

Filipi 1:20

Moʼlə zuŋ nsə ləghə zuŋ i loʼ nə, kə n nə bwu koʼonə n fwaʼ kuŋ, nə̀ mə î fəd khə fə̀ŋ ni naʼlə tûm i dzuŋu zə, sey nə̀ wû wuŋ udzəm u loʼ ni fuu kɔʼləmə tə̀ Klisto nya nsə nə tənəŋə tədzəm, abə n loʼnə utaw nkee nə̀ mə n kpu.

Kolose 4:4

Ghaa i gɔŋŋə n tow kuŋ nə̀ mə i loʼ ni tɔʼ naʼa ghəə a tii ghə, ghə i loʼ tsətsəghə tə n khə ni naʼa tii.

1 Tesalonika 2:2

Ghaa khə soʼonu nghee ghey fəghənə tii n naʼ i Filipi nsə nghee ghə â lənnənə ghey tii. Zə̀ kə n kee nam ghəŋə tsu nə̀ ghey keeli tsu fə̀ŋ i tii zə ni bə naʼa tûm i dzuŋu zə tə̀ ghaa nghee ghə̂ â tsəmə tuu kə ni zow ghɔɔmə i ghey.

1 Timoti 3:13

Ghə̂ ghey ghə i fwaʼa dzɔbənə n dzəŋi kə dzûmə tə Klisto, ghə̂ ghə i fuu ghə n ngɔɔmə zə, ghə kɔʼlə naŋa kɔ ghə n buʼ kə səŋi kə, ghə i loʼ soʼo ni təmi ghɔɔmə boʼo bəghəm i fə̀ŋ n kow Yeso Klisto nə̀ ghə tsəŋə way.

Filemun 1:8

Nghee tə n loʼnə nə kəfə kəmɔʼ ghi Klisto, n mə loʼnu ni dəb dza bə tə wɔ nə wə ghəŋə ghəə zey i kpiilənə ni ghəŋə.