2 Kɔrint 2:3 - Kaa n Kəzə̀ n fəghə mə

³ À wey loʼ ghə i tii zə mə â tɔ̀ɔ bənə màʼlə key mə̀ â bùʼ tûm bənə tə̀ ghaa sey nə̀, abə n bənə, kə̂ ghaa nə ghəŋŋənə nə̀ n fəələ n fə̀ŋ loʼ sey nə̀ à mə loʼ ghə ni ghəŋə mə nə̀ mə i duʼlə. N khənu nə̀ abə n duʼlənə, i sey dii nə̀ ghaa adzəm duʼlə soʼonu.

2 Kɔrint 2:3 Mawu Ofanana

1 Kɔrint 4:21

Ghaa ləghə ghə i ghaa zə nə̀ n ghəŋə tə̀ ghaa ə? Abə mə i bənə, zə i kpiinu tə̀ mə ni chɔd ghaa nkee zə i kpiinu tə̀ mə ni dii ləghə zuŋ tə̀ ghaa, n dii soʼo ghaa n mwam u dzuŋu wə ə?

2 Kɔrint 1:15

Nghee tə̀ mə̀ â tɔʼ khənə ghəə ghən, mə n naŋa tsu n fə̀ŋ zuŋ nə̀ n khə ni bə dzə̀ n səə ghaa, sey nə̀ ghaa i loʼ ni keeli kuulə ibuulə.

2 Kɔrint 1:23

Zə̀ kə loʼ ni təmi tiilə bòʼ mə nə̀ n dza isəŋə nə̀ ghəə zey mə â doʼonə nə̀ n ka kəm bə n Kɔrint, â loʼ n təŋkey mə̀ â ləghə way ni tɔɔbə n kow ghaa.

2 Kɔrint 12:11

N loʼ wù laʼlə nə̀ a ghəŋə ghaa, kuumnə â loʼ ghaa ni kɔʼlə mə. N təŋkey abə i loʼ kənə nə̀ n way wù, n təbə dzə way n sə̂ kə ghə̂ a nii a ghaa ghey ghaa tɔŋŋə nə̀ a loʼ təngəd.

2 Kɔrint 12:21

N tsəŋə nə̀ abə mə i kəm bənə, tow kə i ngii dəd mə n sə kə Zə̀ kuŋ bòʼ ghaa. Mə i kaʼ ni mow bòʼ ndəmə ghə̂ ghey ghə â ghəŋənə bəb zə, ghə a nam loʼ nə̀ ghə ka kam kweyyə nuu bə fə̀ŋ tə ghə tə n ghəə a ghə a dzəə ghə, ghəə a laŋŋə ghə nsə moʼlə tə dzəə tey ghə â khənə.

2 Kɔrint 13:10

À wən loʼ ghə i tii zə, n tɔ̀ɔ bənə ghəə ghən tə̀ ghaa nə̀ n way ghi ghaa, sey nə̀, abə n bənə, mə i ka tɔɔbə dzə ghi ghaa n daʼa kən Mûkəbii fuunə tə̀ mə. Mûkəbii fuu mə n daʼa kə tii kə ni bəghə bəghəm i fə̀ŋ i ghaa, à way dzə ni wey maʼa bəghəm i fə̀ŋ i ghaa.

2 Kɔrint 2:9

Ghəə zey mə â tɔ̀ɔ bə soʼonə màʼlə key tə̀ ghaa, â loʼ ni mɔm koʼ ghaa, ni koʼ nə̀ ghaa i naŋŋə kənu ghəə ghey mə â dzanə tə̀ ghaa adzəm.

2 Kɔrint 7:12

Nghee mə â tɔɔnə màʼlə key tə̀ ghaa, mə â ka tɔ̀ɔ dzə bòʼ wù wey tə â ghəŋə bəəbənə, nkee bòʼ wù wey ghə ghəŋə bəəbənə tə̀ wi. Mə â tɔ̀ɔ bə tə̀ ghaa, ni ghəŋə nə̀ ghaa saʼ n wû i ghaa ndzoʼo ngɔɔmə zey ghaa fuunə tə̀ ghey n sə̂ K-a-zə̀.

2 Kɔrint 7:16

N ngii duʼlənu n təŋkey n loʼnu ni gaʼ fə̀ŋ n kow ghaa nə aghəə adzəm.

2 Kɔrint 7:6

À kee loʼ nə̀ Zə̀ kən kə kuunə fə̀ŋ tə ghə̂ ghey ghə khənə chɔdmə, â kuu soʼo fə̀ŋ tə ghey nghee tə â ghəŋənə nə̀ Taytus bə.

2 Kɔrint 7:8

N təŋkey abə i loʼ kənə nə̀ maʼlə kuŋ kə â ghəŋə ghaa nə̀ ghaa i mow, n way dzə ni sɔm. Mə â nyaʼi sɔm kənu nghee tə̀ màʼlə kə tii kə â ghəŋənə ghaa nə̀ ghaa i mow, abə zə â loʼ kə n tɔŋɔ fə inəŋə.

2 Kɔrint 8:22

Ghey tûm bə soʼo waazə saa u loʼ wə ghi ghə. Ghey n wi mɔm koʼ n ndəmə tənəŋə, koʼ tsu nə̀, tə khənu zày ni gaamə n ndəmə tə aghəə. Tə baa khə zày ni gaamə nya tsəghəshi nghee tə â bùʼ khə tsənə n təŋkey, tə ngii gaʼ fə̀ŋ n kow ghaa.

Galeshia 5:10

Fə̀ŋ baŋa dzə way mə n kow ghaa, n təŋkey, n khənu nə nghee tə ghaa loʼ dzənə nə kəfə kəmɔʼ ghi Mûkəbii, ghaa kəm way ni ney dzuu i nuu zə, tsəghəshiə way i zən n fuunə tə ghaa. Sey, keeli tsu na nə̀ Zə̀ kə i chɔdlɔ wù wey tə ləghənə ni fwɔd maʼa ghaa abə a loʼ kə ndee.

2 Tesalonika 3:4

Ghey khənu n fə̀ŋ tə ghey nə Mûkəbii loʼ ghi ghaa. Ghey khənu nə̀ ghaa ghəŋənu ghəə ghey ghey dzanə tə̀ ghaa, ghey u khə soʼo nə̀ ghaa i ndow kənu n sə kə ni ghəŋə ghəə a tii ghə.

Filemun 1:21

N khənu nə̀ wə i ghəŋŋənu ghəə ghən n bəbə bənə tə wɔ, wə i ndzəmə ghəŋŋənu. N tsəm khənu nə wə ghəŋŋənu, wə i buʼ ghəŋə tsəghəshi daŋŋə tə n moʼlənə.