2 Kɔrint 2:14 - Kaa n Kəzə̀ n fəghə mə

¹⁴ Saa kee fuu kə kəzɔŋŋə tə̀ Zə̀ kə n təŋkey, abə saa loʼnə nə kəfə kəmɔʼ ghi Klisto nəŋə tədzəm, Zə̀ kə n sìi bwey kaabə tsə ghi saa tə a loʼ ghə̂ ghey ghə təm zə̂nə tsam n zəd i Klisto. Zə̀ kə ney saa ni ghəŋə nə̀ ghə̂ a keeli Klisto nə təluʼu tədzəm n tûm zey ghey naʼlə kaabənə. Tum tii loʼ tə̀ a loʼ zuʼ tə dzuŋu tə, tə ləmmənə dzɔbənə nə təluʼu tədzəm.

2 Kɔrint 2:14 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 16:33

N ghəə ghən sa dza bə tə̀ ghaa nə̀ ghaa i khə buulə zə n fə̀ŋ tə ghaa, boʼnə ghaa loʼ n fə kəmɔʼ ghi mə. Ghaa nə ngii fəʼlənu fa n mbi, a kee loʼ nə̀ ghaa khə ni kuu tsu təfə̀ŋ tə a loʼ təsawgoʼ, n təŋkey, mə n təm zə̂ mbi.”

Roma 1:8

Ni zey tsu, n fuu kəzɔŋŋə tə Zə̀ kuŋ kə n bam i Yeso Klisto bòʼ ghaa adzəm, n təŋkey ghə kali ghaa mbi idzəm n ndzoʼo bəghəm i fə̀ŋ zey ghaa khənə.

Roma 15:19

Tə â ghəŋə ghəə ghən n daʼa kə tsəə tən nsə faalə mən mə â diinə n fəŋŋə kə ghə nsə n daʼa kə Zay kə Zow kə. Sey, mə n naʼa ngəə tsəghə bə tûm i dzuŋu zə bòʼ Klisto ni ney nuu bə n Yerosalem bə taa bə nə Ilirikum.

Roma 6:17

N fuu kəzɔŋŋə tə̀ Zə̀ kə nə̀ ghaa ghən ghaa â bùʼ loʼ tsənə tə a loʼ ukɔd ni ghəŋŋə ghəə a bəbə ghə, ghaa n fə̀ŋ tə ghaa tə kweyyə. Ghaa nay dzûmə isəŋə zey ghə â diinə tə̀ ghaa.

Roma 8:37

Saa tsəmə təmə zəənu ghəə ghən adzəm n təŋkey à saa gaamə Klisto wən tə ləghənə saa.

1 Kɔrint 12:8

Zay kə Zow kə ghəŋŋə wù wən tə n ghɔɔmə ghəə ghey a khənə tɔb wə, Zay kə Zow kə mɔʼɔ kə n ghəŋə wù loʼ wey n kee khə utɔb ni khəə aghəə n jìi zey ghə̂ ghə i zowkeelinə.

1 Kɔrint 15:37

Abə wə zəghə tsunə ndzoʼ, tə̀ a loʼ sə i səb nkee ndzoʼ i loʼ zə wə zəghənə, wə zəghə dzə way fə kə nə̀ kə n nyim doʼo, wə fədlə zəghə ndow sam i tii zə nə̀ i nyim.

1 Kɔrint 15:57

A kee fuu zɔŋŋə K-a-zə̀ nə̀ tə n ghəŋə nə̀ saa təm zə̂ ivə n bam i Mûkəbii saa Yeso Klisto.

2 Kɔrint 1:11

Zə̀ i doʼlə sey n təŋkey, ghaa gaamənu ghey n gɔŋŋə zey ghaa gɔŋŋənə tə̀ ghey. Gɔŋŋə i ghaa zə i ghəŋŋə nə̀ ndəmə aghə̂ ghə i fuu zɔŋŋə kə tə̀ Zə̀ kə n tow u ghey. Gɔŋŋə zən ndəmə tə aghə̂ tə gɔŋŋənə n tow u ghey n ghəŋə nə̀ Zə̀ kə dii ghey n fə̀ŋ ə wi i dzuŋu zə.

2 Kɔrint 8:16

N fuu kəzɔŋŋə tə̀ Zə̀ kə tə ghəŋənə nə̀ Taytus keeli soʼo ndzoʼo fə̀ŋ i dzuŋu zən n khənə ni bə gaamə ghaa.

2 Kɔrint 9:15

Saa fuu kəzɔŋŋə tə̀ Zə̀ kə n ndzoʼo naamə kə nii kən tə fuunə tə saa nə̀ wù loʼ way ni tiilə dza.

Efesus 5:2

Ghaa khə ni khə ləghə zə n wû i ghaa, ighələ tə̀ Klisto â ləghənə saa, tə n fuu nuu ndow muu i wi ni kpu n tow u saa. Tə n fəələ ndow wû u wi tə a loʼ maʼlə u ləmmə dzɔbə wə tə̀ Zə̀ kə.

Efesus 5:20

fuu kəzɔŋŋə tə̀ Zə̀ kə, tə loʼnə Bày saa nəŋə tədzəm, n fə wən udzəm tə fuunə tə̀ saa n zəd i Mûkəbii Yeso Klisto.

Filipi 4:18

N loʼ ni dza nə̀ mə n naamə kuŋ kə keeli kpi, buʼ tsəghəshi. Mə n zə̂ kow fə̂ wən ghaa â tûm bənə tə̀ mə n wɔ̂ Epafroditus. Fə̂ u tii u loʼ tə̀ a loʼ naamə kə lə̀mmə dzɔbə kə tə̀ Zə̀ kə, fə̂ u tii u loʼ soʼo tə̀ a loʼ maʼlə u dzuŋu wə n sə̂ K-a-zə̀.

Kolose 1:23

A kee loʼ kə nə̀, ghaa təmi taw tsu n bəghəm i fə̀ŋ i ghaa n tûm i dzuŋu zən ghaa zownə. Kə ghaa nə bəghəmnə nə wù loʼ kəm soʼlə ghaa n tûm i dzuŋu zən ghaa â zownə, ghaa n gaʼ fə̀ŋ tii. À loʼ bòʼ tûm i dzuŋu zən, mə Pɔl, n loʼnə wù kəfwaʼ ə Klisto tɔŋŋə tûm i dzuŋu zən ghə naʼlənə tə mbi idzəm.

Kolose 1:6

Tûm i dzuŋu zən zaamə n fəŋŋə kə ghaa tə i zaamə nə n mbi idzəm, ni ney nuu bə n tsuʼ fey ghə â naʼa tûm i dzuŋu zə tə ghaa, ghaa n zow, ndzəm zowkeeli tsu ndzuŋ zən Zə̀ kə khənə n kow ghaa.

Kolose 2:15

À wən loʼ soʼo jìi zey tə â təm zə̂nə zày wən u saʼanə mbi tii. Tə n lənnə ghə n mgbaŋ nghee tə â təm zə̂nə ghə n zat kə fəkaʼ.

1 Tesalonika 1:8

Ghaa khənu nə̀ tûm i dzuŋu zə bòʼ Mûkəbii â kaʼ nuu tsu n wɔ ghaa, bəghəm i fə̀ŋ zey ghaa khənə tə̀ Zə̀ kə n ghəŋə nə̀ zɔŋ u ghaa u fuŋ tsəghə ndow n naʼ i Masedonya, Akaya, nsə n badla tə mbi tədzəm. Ghey kəm khə soʼo way ghəə i loʼ zə ni tiilə dza bòʼ bəghəm i fə̀ŋ i ghaa.

1 Tesalonika 3:9

Ghey loʼnu ni fuu kəzɔŋŋə tə̀ Zə̀ kə nya bòʼ ghaa. Ghaa n ghəŋə nə̀ ghey ngii keeli iduʼlə n sə K-a-zə̀.

1 Timoti 2:8

N ləghə nə̀ gheynum ghə i gɔŋŋə n luʼu tey tədzəm ghə dzəŋi zuŋŋə doʼonə tii. Gheynum ghey ghə fuu dzənə muu i ghə zə tə Zə̀ kə, ghə i keeli kɔʼɔ wɔɔ a ghə idəŋ abə ghə gɔŋŋənə nə̀ ghə fəələ way nəghə mə nkee nə̀ baŋŋə way fəghəm tə.

2 Timoti 2:2

Ney kɔʼ ghəə ghən wə â zownə mə n diinə n sə kə ndəmə aghə̂, wə fuu naŋa tsu ghəə a tii ghə n wɔ ghə̂ ghən ghə loʼ nə wə loʼ ni gaʼ fə̀ŋ zə n kow ghə, sey nə̀, ghə i loʼ ni dii nduŋŋə ndow tə ghə̂ ghə.

Chi dii 7:12

Ghə n dza, “Zə i loʼ kə sey. Ukali nsə kɔʼlə mə, utɔb, nsə zɔŋŋə kə fuu kə, nsə ngɔɔmə zə, kədaʼa nsə taw zə a khə Zə̀ kə ghey tə̀ mbi nə bə may. Zə i loʼ sey!”