2 Kɔrint 2:1 - Kaa n Kəzə̀ n fəghə mə

¹ À wey loʼ ghə i tii zə mə â tsə̀m kɔʼnə n fə̀ŋ zuŋ nə̀ n way dzə ni kəm bə n səə ghaa, n bə ghəŋə ghaa nə̀ ghaa i fəələ n fə̀ŋ tə.

2 Kɔrint 2:1 Mawu Ofanana

Kəfwaʼ 11:29

Sey, dzûmə tey n saalə tsu ni fuu igaamə tə wɔɔ a ghə ghə â kɔʼ kuumnə tə dzûmə tey tə loʼ nə n Judeya.

Kəfwaʼ 15:2

Ghəə zən n ghəŋŋə nə̀ Pɔl nsə Banabas keeli izuu ghi ghə. Sey, dzûmə tə Klisto tey fu n baa say kɔʼ Pɔl, Banabas nsə dzûmə tə loʼ tə nə̀ ghə ndow bəb zow bə ghə i tii zə tə ngəd tə Yeso nsə ghə̂ a nii ghə n dzəŋi kə dzûmə tə Klisto key n Yerosalem.

Kəfwaʼ 15:37

Banabas n bəghəm kɔʼ, kee ləghə nə̀ ghə ney ndow Jɔn Mak ghi ghə.

1 Kɔrint 2:2

Nghee tə̀ mə â loʼnə ghi ghaa, n mâ naŋa n fə̀ŋ zuŋ nə̀ mə i neyzəənu ghəə ghə adzəm, mə i kee neyzəə way ghə i loʼ zə bòʼ Yeso Klisto, a ka tsəm dza kpu zən tə â kpunə n zat kə fəkaʼ.

1 Kɔrint 4:21

Ghaa ləghə ghə i ghaa zə nə̀ n ghəŋə tə̀ ghaa ə? Abə mə i bənə, zə i kpiinu tə̀ mə ni chɔd ghaa nkee zə i kpiinu tə̀ mə ni dii ləghə zuŋ tə̀ ghaa, n dii soʼo ghaa n mwam u dzuŋu wə ə?

1 Kɔrint 5:3

Nghee i bùʼ loʼ kə nə̀ n way fey ghi ghaa n wû wuŋ wə, n loʼ dzəŋi ghi ghaa n moʼlə tuŋ. Nghee n loʼnə ghi ghaa n moʼlə tuŋ, n dza n zəd i Mûkəbii Yeso nə̀ wù wey tə ghəŋənə ndzoʼo ghəə ghən n ghəŋə bəəbə.

2 Kɔrint 1:23

Zə̀ kə loʼ ni təmi tiilə bòʼ mə nə̀ n dza isəŋə nə̀ ghəə zey mə â doʼonə nə̀ n ka kəm bə n Kɔrint, â loʼ n təŋkey mə̀ â ləghə way ni tɔɔbə n kow ghaa.

2 Kɔrint 13:10

À wən loʼ ghə i tii zə, n tɔ̀ɔ bənə ghəə ghən tə̀ ghaa nə̀ n way ghi ghaa, sey nə̀, abə n bənə, mə i ka tɔɔbə dzə ghi ghaa n daʼa kən Mûkəbii fuunə tə̀ mə. Mûkəbii fuu mə n daʼa kə tii kə ni bəghə bəghəm i fə̀ŋ i ghaa, à way dzə ni wey maʼa bəghəm i fə̀ŋ i ghaa.

2 Kɔrint 2:4

Mə â tɔ̀ɔ bə màʼlə key tə̀ ghaa n fə̀ŋ i baŋa zə, mə â ndzəmə fəələnu n fə̀ŋ, mə n tɔ̀ɔ tənə n sə̂ mə idey mə. Mə â tɔ̀ɔ dzə way ni ghəŋə nə̀ ghaa keeli kəfəmmə. Mə â ləghə ni dii tə̀ ghaa nə̀ n ngii ləghənu ghaa.

Taytus 3:12

Abə mə i tûm bənə Atemas nkee Taychikus n səə wɔ, wə i dəm tən tsu ni kwɔɔlə bə mə n naʼ i Nikopolis, n təŋkey, mə n bayyə naŋa n fə̀ŋ zuŋ ni doʼo kəŋə ndow fu n nəŋə zey fəb u ngii loʼnə.