2 Kɔrint 13:9 - Kaa n Kəzə̀ n fəghə mə

⁹ Ghey duʼlənu abə ghey loʼ tə̀ ghey khə way daʼa kə loʼ kə, ghaa u kee taw dzɔbənə. Ghey fa gɔŋŋə kə nə̀ ghaa i taw dzɔbə nə aghəə adzəm.

2 Kɔrint 13:9 Mawu Ofanana

Roma 15:2

Saa khə ni ghəŋŋə ndow ghəə ghey a dzɔbənə tə̀ dzûmə tə Klisto tə loʼ tey nə̀ ghə i loʼ nə iduʼlə, sey nə̀ saa loʼ ni bəghə kɔʼ bə bəghəm i fə̀ŋ i ghə.

1 Kɔrint 1:10

Waazə ghə, n buʼu bə kəwɔɔ tə̀ ghaa n zəd i Mûkəbii saa Yeso Klisto nə̀ ghaa adzəm, ghaa i loʼ n dzə̂ imɔʼ, kə̂ ghaa nə dzawwə doʼo soʼonə n wû i ghaa. Ghaa khə ni fəd loʼ nə kəfə kəmɔʼ n fə̀ŋ tə ghaa tədzəm nsə n moʼlə tə ghaa tədzəm.

1 Kɔrint 2:3

Ambə n bənə n fəŋŋə ghaa, wû wuŋ wə â taw way, mə n tsəŋŋə tənə kə sa n wɔ tsəŋ zə nə̀ mə i fwaʼ dzɔb way fwaʼ kuŋ kə.

1 Kɔrint 4:10

Ghey loʼ tə̀ a loʼ ghə̂ a laʼlə ghə nghee ghey fwaʼanə tə̀ Klisto, ghaa a kee loʼnə ghə̂ a tɔbə ghə nghee ghaa loʼnə nə kəfə kəmɔʼ ghi Klisto! Ghey loʼ ghə̂ a lay ghə, ghaa a loʼnə ghə̂ a taw ghə. Ghə̂ a ngɔɔmə ghaa, kee tsayyə ghey!

2 Kɔrint 11:30

Sey, abə n khə ni teeli tsɔb fə̀ŋ, mə î tsɔbə fə̀ŋ n ghəə ghey a diinə nə̀ n laynu.

2 Kɔrint 13:11

Nyisa waazə ghuŋ a dzuŋu ghə, ghaa doʼo kədzuŋ! Dəm tsu na ni ghəŋə ghəə ghey a loʼnə tsətsəghə. Ghaa i naŋŋə tsə̀ zuŋ zə, zowkeeli tsuu na wû i ghaa zə, ghaa i muu ni ibuulə. N gɔŋŋə nə̀ Zə̀ kən kə fuunə ləghə zə nsə buulə zə i loʼ ghi ghaa.

2 Kɔrint 13:4

N ghəə ghən dza n təŋkey, nghee tə̀ ghə â baanə wi n zat kə fəkaʼ tə â ndzəm khə way daʼa kə, tə kee nya muu n daʼa K-a-zə̀. Nghee tə̀ saa loʼnə ghi wi nə kəfə kəmɔʼ, i sey dii nə̀ saa khə soʼo way daʼa kə. À kee bə n doʼo i ghey ghi ghaa, saa i dzəŋi keeli ndzoʼo muu zey tə khənə n daʼa K-a-zə̀.

2 Kɔrint 4:12

Sey ghey sa koʼo ivə nə̀ ghaa keeli imuu.

2 Kɔrint 7:1

Waazə ghuŋ a dzuŋu ghə, nghee tə̀ Zə̀ kə təb naŋanə ghəə ghən tə̀ saa, saa khə ni sow zowwə tsu wû i saa n wɔ ghəə ghən adzəm a loʼnə ni dzəələ wû i saa n fə̀ŋ nsə nə kəzay, a i muu muu zey i zownə, tsəŋə ndow soʼo Kəzə̀.

Kolose 1:28

Sey, ghey naʼlə tûm i dzuŋu zə bòʼ Klisto tə ghə̂ ghə adzəm. Kii naŋŋə ndow ghə n ghəə ghən a kpiilə way, də̀ŋ ə kɔʼɔ bə ghə nə təjìi tədzəm, sey nə̀, ghey i loʼ ni ney bə ghə n sə K-a-zə̀, nə̀ ghə n beyyə dzɔb, loʼ nə kəfə kəmɔʼ ghi Klisto.

Kolose 4:12

Epafras wən tə loʼnə wù naʼ i ghaa, loʼ soʼo wù kəfwaʼ a Yeso Klisto tɔŋɔ zow bə ghaa. Tə gɔŋŋə tə ghaa nəŋə tədzəm n fə̀ŋ ə wi idzəm. Gɔŋŋə nə̀ Zə̀ kə ghəŋŋə nə̀ ghaa i tɔʼɔ taw n bəghəm i fə̀ŋ i ghaa, sey nə̀, ghaa loʼ ni tɔʼ zowkeeli ghəə a səŋi ghey Zə̀ kə ləghə nə̀ ghaa ghəŋə.

1 Tesalonika 3:10

Ghey gɔŋŋə n fə̀ŋ tə ghey tə tədzəm n tsə̂ tə nsə n tsuʼu tə tə̀ Zə̀ kə nə̀ tə ghəŋə ghey kəm bə n səə ghaa, tə ghəŋə soʼo nə̀ ghey keeli jìi zey ghey loʼ ni ghəŋə nə̀ ghaa tɔʼ beyyə tsu n bəghəm i fə̀ŋ i ghaa.

2 Timoti 3:17

Zə̀ kə ney ghɔɔmə i wi zən ni tɔʼ bayyə ghə̂ a wi tii ni fwaʼ fwaʼa tə wi tə dzuŋu tə tədzəm.

Hibru 12:23

Ghaa n bə n dzəŋi kə ghə̂ ghey ghə loʼ tə a loʼ waa a Kəzə̀ a sə isə ghən zəd a ghə a tɔ̀ɔ doʼonə idəŋ. Ghaa n bə n səə Zə̀ key kə saʼanə ghə̂ ghə adzəm. Ghaa n bə n luʼu key zay u ghə̂ a Kəzə̀ ghən muu i ghə zə â loʼnə tsətsəghə, Zə̀ kə n ghəŋə nə̀ ghə kpii tsu ghə̂ ghey tə ləghənə nə̀ ghə i loʼ ghii kə.

Hibru 13:21

fuu ghaa n fə u dzuŋu wə udzəm tə̀ ghaa i bwey ndow n jìi zey tə ləghənə. Tə ghəŋə nə̀ saa i fwaʼa fwa key tə ləghənə n bam i Yeso Klisto, tə wən a fuunə wi n kɔʼlə mə nə tənəŋə tədzəm. Zə i loʼ sey.

Hibru 6:1

Sey, saa ndow kə n sə kə ni zoʼlə ghəə ghey a loʼ ni ghəŋə nə̀ saa beyyə tsu, saa ndow soʼo n sə kə ni ghəŋŋə ghəə ghey a tsəghəshinə ghəələ n sə isə mən saa â buʼ zoʼlə kɔʼnə bòʼ Klisto. Saa kəm khə way ni ghɔɔmə zeeli ghəə a kweyyə nuulə bə ghə n ghəə a bəbə ghə nsə nghee saa khə ni bəghəm tə̀ Zə̀ kə.

1 Pita 5:10

À kee loʼ nə̀ abə ghaa fəghə tsu n tɔŋɔ fə inəŋə, Zə̀ key kə diinə fə̀ŋ ə wi i dzuŋu zə tə saa nəŋə tədzəm, à loʼ wi tə â tɔŋɔnə ghaa nə̀ ghaa keeli soʼo kɔʼlə n wi mən n may way n təŋkey saa loʼ nə kəfə kəmɔʼ ghi Klisto. Wi n wû u wi wə i ghəŋə nə̀ ghəə a ghaa adzəm a kəm doʼo bə kədzuŋ, tə ghəŋə nə̀ bəghəm i fə̀ŋ i ghaa zə i taw, tə fuu soʼo ghaa n daʼa kə nə̀ ghaa i tɔʼ tey.