2 Kɔrint 13:4 - Kaa n Kəzə̀ n fəghə mə

⁴ N ghəə ghən dza n təŋkey, nghee tə̀ ghə â baanə wi n zat kə fəkaʼ tə â ndzəm khə way daʼa kə, tə kee nya muu n daʼa K-a-zə̀. Nghee tə̀ saa loʼnə ghi wi nə kəfə kəmɔʼ, i sey dii nə̀ saa khə soʼo way daʼa kə. À kee bə n doʼo i ghey ghi ghaa, saa i dzəŋi keeli ndzoʼo muu zey tə khənə n daʼa K-a-zə̀.

2 Kɔrint 13:4 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 10:18

Wù way ni wey maʼa mə nə̀ a ka mə bəghəm, à kee tsəm tsu mə ni fuu nuu ndòw muu zuŋ. N khənu daʼa kə tii kə ni fuu, khə soʼo daʼa kə tii kə ni ney dzəŋŋə. À loʼ Bày wuŋ tə fuunə mə n laŋ kə nə̀ n loʼ ni ghəŋə sey.”

Kəfwaʼ 2:36

“Sey, ghə̂ ghə Izree adzəm a khə ni teeli keeli tsu nə̀ Zə̀ kə n ndzəm kɔʼlə naŋa Yeso wən ghaa â baanə n zat kə fəkaʼ tə a loʼ Mûkəbii ə saa, tə a loʼ soʼo wù wey Zə̀ kə â dza naŋa nə̀ i tûm bənu.”

Kəfwaʼ 3:16

Wù wən ghaa koʼo bənə fa, ghaa adzəm, ghaa tɔʼ khənu wi, tə taw doʼo bə bòʼ bəghəm i fə̀ŋ zən ghey khənə n kow Yeso. À loʼ bəghəm i fə̀ŋ n kow Yeso i ghəŋənə nə̀ wù wən taw doʼo bə tə ghaa koʼonə.

Roma 1:4

Zə̀ kə n zhəm dzəŋŋə bə wi nə ivə n daʼa kə Zay kə Zow kə ni dii bə nə̀ Yeso Klisto Mûkəbii saa loʼ waa wi. Tə loʼ kətow tə fə wə udzəm, khə way bəb i loʼ zə.

Roma 14:9

Klisto â kpuu, kəm zhəm dzəŋŋə bə sey nə̀ tə i loʼ mûkəbii tə ghə̂ ghən ghə loʼnə utaw nsə ghə̂ ghən ghə kpuu dzənə.

Roma 6:4

Mmuu n Kəzə̀ mən saa â neynə, a loʼ tə̀ ghə nə tsəllə dzəŋi ndownə saa ghi Klisto tə̀ a loʼ ghə̂ a kpu ghə. Zə̀ â shi sey ni ghəŋə nə̀ saa keeli muu i fəghə zə ighələ tə Klisto â keelinə n nəŋə zey Bày wi â zhəm dzəŋŋə bənə wi nə ivə n daʼa kə wi kə səŋə kə.

1 Kɔrint 1:25

Ghəə ghən Zə̀ kə ghəŋŋənə, ghə̂ a moʼlənə nə̀ a loʼ ilaʼlə, a khə utɔb tsəghəshi tɔb u wù sɔŋtsuʼ. Ghəə ghən Zə̀ kə ghəŋŋənə, ghə̂ a koʼo soʼonə nə̀ a loʼ ghəə a lay ghə, a khə kədaʼa tsəghəshi daʼa kə wù sɔŋtsuʼ.

1 Kɔrint 15:43

Abə ghə tsəllə ndownə wù, vən i wi i kəm gumi way ni koʼ, tə n khə soʼo way daʼa kə loʼ kə. Abə Zə̀ kə i kee zhəm nuu dzəŋŋə bənə ghə̂ ghə nə ivə, ghə i gumi ni koʼ, taw dzɔbə soʼo.

1 Kɔrint 2:3

Ambə n bənə n fəŋŋə ghaa, wû wuŋ wə â taw way, mə n tsəŋŋə tənə kə sa n wɔ tsəŋ zə nə̀ mə i fwaʼ dzɔb way fwaʼ kuŋ kə.

1 Kɔrint 6:14

Zə̀ kə i zhəm dzəŋŋə bə saa nə ivə n daʼa kə wi, ighələ tə̀ tə â zhəm dzəŋŋə bənə Mûkəbii nə̀ ivə.

2 Kɔrint 10:10

N dza sey n təŋkey, ghə̂ a loʼ a dza nə̀, “Màʼlə u wi u khə kəzən, taw, abə tə kee teynə n wû u wi wə, tə way ni dza ghə i səŋi i loʼ zə.”

2 Kɔrint 12:10

À wey loʼ ghə i tii zə n khə way fəmmə kə n fə̀ŋ abə n laynə, ghə̂ a kpaalənə mə, koʼo uchɔd, ghə̂ a tsayyənə mə, chɔdlɔ soʼo mə, n təŋkey nəŋə zey n laynə, à wey loʼ nəŋə zey Klisto fwaʼa dzɔbənə n kow mə.

2 Kɔrint 13:9

Ghey duʼlənu abə ghey loʼ tə̀ ghey khə way daʼa kə loʼ kə, ghaa u kee taw dzɔbənə. Ghey fa gɔŋŋə kə nə̀ ghaa i taw dzɔbə nə aghəə adzəm.

Filipi 3:10

Ghəə zey n ləghənə nya, à loʼ ni keeli Klisto nsə ni keeli daʼa kən Klisto â khənə n nəŋə zey Zə̀ kə â zhəm dzəŋŋə bənə wi nə ivə. N ləghə ni fəghə tə̀ tə â fəghənə, abə a loʼ kə ni kpu soʼo tə̀ tə â kpunə.

Hibru 5:7

Nghee Yeso â muunə fa n mbi, tə n gɔŋŋə, buʼ soʼo kəwɔɔ nə idey nsə sə̂ mə tə̀ Zə̀ kə, tə loʼnə ni bəghəshi vən fə uwû fə wi n wɔɔ kə ivə. Sey, Zə̀ kə n zow gɔŋŋə i wi n təŋkey, tə â zow tə̀ Zə̀ kə ngɔɔmə soʼo wi.

1 Pita 3:18

N dza sey n təŋkey, Klisto â kpu kə nəŋə imɔʼ ni ney nuu tən ghəə a ghə̂ a bəbə ghə adzəm. Tə â ka ghəŋə koʼ tsə ghə i bəbə i loʼ zə, tə n kee bə kpu n tow u ghə̂ a bəbə ghə, sey nə̀ tə loʼ ni ney bə saa tə̀ Zə̀ kə. Ghə â wey wi nə̀ tə loʼ wù sɔŋtsuʼ, Zay kə Zow kə n kee ghəŋə nə̀ tə doʼo dzəŋŋə bə utaw,

1 Pita 3:22

Klisto n kɔʼ idəŋ, tə u doʼnə n kpi u Kəzə̀ u təmə wə, saʼa tsətəndəghə tə Kəzə̀ nsə daʼa wey udzəm u loʼnə idəŋ.