2 Kɔrint 13:14 - Kaa n Kəzə̀ n fəghə mə

¹⁴ N gɔŋŋə nə̀ Mûkəbii Yeso Klisto fuu ghaa n ndzuŋ ə wi, nə̀ Zə̀ kə dii ghaa n ləghə i wi zə, Zay kə Zow kə i loʼ soʼo ghi ghaa adzəm.

2 Kɔrint 13:14 Mawu Ofanana

Matyo 6:13

Kə wə nə bəghəm nə̀ vəətsəə a mɔm koʼ ghey, Kee bəghəshi kə ghey n wɔɔ kə avəətsəə.’

Tùm i dzuŋu zə kuum Yeso Klisto tə Jɔn â tɔɔnə 4:10

Yeso n beeli ndow wi dza nə̀, “Abə wə mə khənə ndzoʼo naamə key Zə̀ kə fuunə nsə ndzoʼo wù wey tə nɔɔnə wɔ n mmuu mə, wə mə fəd buʼ wi n wɔɔ kə nə̀ tə fu wɔ n mmuu mey n fuunə muu zə.”

Tùm i dzuŋu zə kuum Yeso Klisto tə Jɔn â tɔɔnə 4:14

Wù wey tə kee mə̂nə mmuu mey n fuunə tə̀ ghə, fə̀ŋ ə mmuu nə kəm zuʼlə koʼ way wi. N kuum dza bə tə̀ wɔ nə̀ mmuu mey mə i fuunə tə wi, mə i fəd doʼo tə̀ a loʼ sə̂ i dzuu zən i kuŋunə n kow ghə, fuu ghə n muu zə itsali zə.”

Tùm i dzuŋu zə kuum Yeso Klisto tə Jɔn â tɔɔnə 7:38

Wù wey tə bəghəmnə tə̀ mə, tə bə mə̂, n təŋkey màʼlə K-a-zə̀ kə dza nə̀, ‘Mmuu mey n fuunə muu zə itsali zə, i bənə shiə bə n fə̀ŋ ə wi tə a loʼ fədzuu.’”

Kəfwaʼ 15:11

Saa mgbaŋ khənu nə̀ à loʼ ndzuŋ ə Mûkəbii Yeso i ghəŋŋə nə̀ saa keeli ibəghəshi ighələ tə ghə̂ ghən ghə way ghə̂ a Təjuu a keelinə bəghəshi zə.”

Roma 1:7

N màʼlə kən tɔ̀ɔ bə tə ghaa ghə̂ a Roma ghən Zə̀ kə ngii ləghənə, sày kɔʼ soʼo ghaa nə̀ ghaa doʼo ghə̂ a wi. N gɔŋŋə nə̀ Zə̀ kə tə loʼnə Bày saa ghi Mûkəbii Yeso Klisto dii ghaa n ndzuŋ ə wi tə ghəŋə soʼo nə̀ ghaa i loʼ nə ibuulə.

Roma 16:20

Zə̀ kən kə ghəŋŋənə nə̀ fə̀ŋ tə saa tə i loʼ nə ibuulə, i kuʼlə təmə zə̂ənu Satan, tə naŋa bə wi n tənnə fuu i ghaa. N gɔŋŋə nə̀ Mûkəbii saa tɔŋŋɔ Yeso Klisto dii ghaa n ndzuŋ ə wi.

Roma 16:23

Gayɔs wən n muunə n ndaw wi, dzûmə tə Klisto tə nyiə soʼonə n ndaw wi tûm bə ghaa n tɔŋɔ zow zə. Erastus wən tə naŋŋənə mbəghə kə ukhəə kə inaʼ kə ghi waazə ə saa Kwatus tɔŋŋə zow bə ghaa.

Roma 16:27

À may kə Kəzə̀ kə khənə ghəə ghə adzəm. N gɔŋŋə nə̀ saa mə tsəghə n bam i Yeso Klisto ni fuu kɔʼləmə tə̀ wi nəŋə tədzəm. Zə i loʼ sey.

Roma 5:5

Ləmə zən saa ləmmənə, way dzə ni doʼo kənunu n təŋkey, Zə̀ kə n kuu naŋa ləghə i wi zə n fə̀ŋ tə saa naʼidzəm n wû u Zay kə Zow key tə fuunə tə saa.

Roma 8:39

Abə a tsəm loʼ kə fə wey u loʼ idəŋ nkee u wey u loʼnə itən nkee fə wən Zə̀ kə bɔmnə fa n mbi udzəm, fə kə loʼ kə tsəm way dzə kə loʼnə ni dzawwə saa ghi ləghə zən Zə̀ kə khənə n kow saa ghən saa loʼnə nə kəfə kəmɔʼ ghi Mûkəbii saa Yeso Klisto.

Roma 8:9

N moʼlə nə̀ ghaa muu dzə way n jìi zey gow uwû ləghənə nə̀ ghaa muu tii, ghaa fəd muu n jìi zey Zay kə Zow kə ləghənə abə à ndzəm loʼnə nə̀ Zay K-a-zə̀ kə loʼnu n kow ghaa. Wù wey tə khə way Zay kə Zow kən kə nuu bənə n wɔ Klisto, tə sey way dzə nə kəfə kəmɔʼ ghi Klisto.

1 Kɔrint 12:13

N jìi i mɔʼɔ zə, saa adzəm, abə wə loʼ kə wù Juu nkee wù wən tə way wù Juu, wə loʼ kəkɔd nkee wù ngəŋ, a loʼ kə Zay kə Zow kə mɔʼɔ kə, kə fuunə ghaa n mmuu n Kəzə̀ mə ni ghəŋə nə̀ saa doʼo nə kəfə kəmɔʼ. Ghəə zey i loʼnə, loʼ nə̀ saa dzəŋi khə kə Zay kə Zow kə kəmɔʼ.

1 Kɔrint 14:16

Ney kɔʼ na nə̀ abə wə gɔŋŋənə n ghɔɔmə zey Zay kə Zow kə fuunə, nə̀ wù loʼ loʼ fu nə̀ tə zowkeeli way ghəə zey wə dzanə, tə i loʼ ngee ni bəghəm dzəŋi ghi wɔ nə̀, “Zə i loʼ sey” n kali wey u fuunə tə Zə̀ kə, loʼ sey nə̀ tə zowkeeli way ghəə zey wə dzanə ə?

1 Kɔrint 16:23

N gɔŋŋə nə̀ Mûkəbii Yeso fuu ghaa n ndzuŋ ə wi.

1 Kɔrint 3:16

Ghaa khə way nə̀ ghaa loʼ Ndaw Kəzə̀ ə? Ghaa khə way nə̀ Zay K-a-zə̀ kə muu n kow ghaa ə?

1 Kɔrint 6:19

Ghaa khə way nə̀ wû i ghaa i loʼ Ndaw Kəzə̀ zey Zay kə Zow kə muunə tii nə̀ a fuu bə Kəzə̀ tə ghaa ə? À way dzə ghaa, ghaa khənə wû i ghaa zə, à loʼ Kəzə̀ kə khənə wû i ghaa zə.

2 Kɔrint 8:9

Ghaa khənu ndzoʼo ndzuŋ zey Mûkəbii ə saa Yeso Klisto â khənə. Tə â kûmnu, tə n fəd doʼo bə wù laa wə bòʼ ghaa, sey nə̀ n bam i laa i wi, ghaa i loʼ ni kûm.

Galeshia 5:22

Ndzoʼo mwam wey Zay kə Zow kə ləghə nə̀ saa keeli loʼ, iləghə, iduʼlə, ibuulə, ni kow fə̀ŋ, fə̀ŋ i dzuŋu zə, ghəə a dzuŋu ghə, zə̀ələ kə fə̀ŋ,

Efesus 2:18

À loʼ n bam i Klisto saa dzəŋi loʼnə ni bə n sə̂ K-a-zə̀ n daʼa kə Zay kə Zow kə.

Efesus 2:22

A loʼ soʼo n kow wi Zə̀ kə təm naŋa dzəŋi bənə ghaa ghi ghə̂ a Təjuu ghə, nə̀ ghaa i loʼ ndaw imɔʼ zey Zə̀ kə muunə tii n zay kə wi.

Efesus 5:9

kuum nə̀, abə wù muunə nə ustə̀, tə n ghəŋŋə ndzuŋ, loʼ tsətsəghə, fwaʼa nə isəŋə.

Efesus 6:23

N gɔŋŋə nə̀ Zə̀ kən kə loʼnə bày saa nsə Mûkəbii ə saa Yeso Klisto, ghə fu ghaa n buulə zə, kə buulə soʼo ghə̂ a Kəzə̀ adzəm, kə ghəŋə nə̀ ghaa i ləghə wû i ghaa zə ghi bəghəm i fə̀ŋ zə.

Filipi 2:1

Nghee ghaa loʼnə nə kəfə kəmɔʼ ghi Klisto, i kuunu fə̀ŋ tə̀ ghaa tə ə? Ləghə zən tə khənə n kow ghaa tsəmmənu ghaa a? Zay kə Zow kə naŋŋənu ghaa nə kəfə kəmɔʼ ə? Ləghə zən Klisto khənə n kow ghaa ghəŋŋənu nə ghaa i khə ləghə zə n wû i ghaa, khə soʼo sî i kwɔɔlə zə ə?

1 Jɔn 1:3

À loʼ ghə i zən ghey â ndzəm koʼnə, sə i zow, ghey naʼlə bənə tə ghaa. Sey nə̀ ghaa i təmdzəŋi ghey ni keeli muu zən ghey khənə ghi Bày, tɔŋŋə Kəzə̀ ghi waa wi Yeso Klisto.

1 Jɔn 3:16

Ghəə ghən a ghəŋŋə nə̀ saa zoʼlə keeli fə key ləghə zə iwû i loʼnə ghii kə loʼ nə̀ Klisto a kpu n tôw u saa. Sey, saa khə soʼo ni bəghəm ni kpu tow u waazə a saa.

1 Jɔn 3:24

Ghə̂ ghey ghə naŋŋənə laŋ K-a-zə̀ kə, ghə muu nə kəfə kəmɔʼ ghi Zə̀ kə, Zə̀ kə a muu soʼonə nə kəfə kəmɔʼ ghi ghə. À loʼ Zay kə Zow kə, kə ghəŋənə nə̀ saa keeli nə̀ Zə̀ kə muu n kow saa.

Màʼlə kə Jud tə̀ ghə̂ a Kəzə̀ ghə 1:21

Keeli tsu na nə̀ Zə̀ kə ləghənu ghaa nghee ghaa ləmmənə nə̀ Mûkəbii saa Yeso Klisto kwɔɔlə isî n kow ghaa, tə fuu ghaa n muu zən i nə may way.