2 Kɔrint 13:11 - Kaa n Kəzə̀ n fəghə mə

¹¹ Nyisa waazə ghuŋ a dzuŋu ghə, ghaa doʼo kədzuŋ! Dəm tsu na ni ghəŋə ghəə ghey a loʼnə tsətsəghə. Ghaa i naŋŋə tsə̀ zuŋ zə, zowkeeli tsuu na wû i ghaa zə, ghaa i muu ni ibuulə. N gɔŋŋə nə̀ Zə̀ kən kə fuunə ləghə zə nsə buulə zə i loʼ ghi ghaa.

2 Kɔrint 13:11 Mawu Ofanana

Matyo 1:23

“Weyzən, nə̀ tə ka kam nyəŋi koʼ tsə ghi weynum, î bɔŋɔ waa nə̀ tə ka nyəŋi ghi weynum. Tə̂ i ji bə waa ù nûm wə̀, Ghə i tɔŋŋə waa u num u tii wə nə̀ a loʼ Imanwe I dii tsunə nə̀, Zə̀ kə loʼ ghi saa.”

Matyo 5:48

I sey dii nə̀, ghaa khə ni loʼ tsətsəghə ighələ tə̀ Bày ghaa idəŋ loʼnə tsətsəghə.”

Malakus 10:49

Yeso n təmi tsu, dza nə̀, “Tɔŋɔ bə na wi fa.” Ghə n tɔŋɔ tsu wi dza tə̀ wi nə̀, “Kwu tsu fə̀ŋ, wə̀ təmi kɔʼ n fuu zə, tə tɔŋŋə wɔ.”

Malakus 9:50

Tsoʼ n dzɔbənu, a kee loʼ nə̀ abə tsoʼ n kuŋ shi tsunə, n kəm way ni fwaʼ fwaʼ kə ntsoʼ. Ghaa khə ni tɔbə n wû i ghaa tə̀ a loʼ ntsoʼ, ghaa i muu nə ibuulə n wû i ghaa nsə ghə̂ ghə adzəm.”

Lukas 9:61

Wù loʼ n dza ndòw soʼo tə̀ wi nə̀, “mûkəbii, N dzûmənu wɔ, n dza n ndòw tɔŋŋə zow tsu dzə ghə̂ ghuŋ n ndaw.”

Tùm i dzuŋu zə kuum Yeso Klisto tə Jɔn â tɔɔnə 17:23

Mə n gɔŋŋə nə̀ mə i loʼ nə kəfə kəmɔʼ ghi ghə nghee tə̀ wə loʼnə nə kəfə kəmɔʼ ghi mə, nə̀ ghə i tɔʼ tey tə a loʼ wù umɔʼ, tə ghə̂ a mbi ghə i keeli nə̀ a loʼ wɔ wə tûmnə mə, nsə nə̀ wə ləghə ghə ighələ tə̀ wə ləghənə mə.

Kəfwaʼ 15:29

ghaa khə way ni zə̂ ufəzəə nə̀ ghə n fuu tə aloʼ umaʼlə tə muʼu mə, ghaa khə way ni zə̂ təkaŋ, ghaa khə way ni fə nyam nə ghə ka səghə, ghaa khə soʼo way ni ghəŋŋə ghəə a laŋŋə ghə. Abə ghaa loʼ ninaŋa laŋ u wən kələ, ghaa i khə way chɔd u loʼ wə. Ghaa doʼo kədzuŋ.”

Kəfwaʼ 18:21

A n kee bə tə dza i nuu, tə n dza tə ghə nə̀, “Mə i kəm bəghə dzəŋŋənu ni bə koʼ ghaa abə Zə̀ kə bəghəmnə.” Tə n daŋŋə bə ney kɔʼ kəfən, zəghə tsu naʼ i Efesus.

Kəfwaʼ 23:30

Nghee ghə bə tsɔŋ dza bənə tə mə nə̀ ghə n kad tsəm ni wey wi, mə n daŋŋə ney tûm bənə wi n səə wɔ. Mə n dza soʼo tə ghə̂ ghey ghə kwunə wi nə̀ ghə bə taŋŋə dza bə zuŋ key ghə kwunə wi tii tə̀ wɔ.”

Roma 12:16

I muu n na nə kəfə kəmɔʼ ghi ghə̂ ghə adzəm. Kə ghaa nə kɔʼlənə wû zə, ghaa fəd tsuulə tsu wû i ghaa sey nə̀, ghaa i loʼ dzəŋi ghi ghə̂ ghə adzəm. Kə wù nə moʼlənə nə̀ tə khə aghəə adzəm.

Roma 12:18

Ndəmi tsu na wû zə ni koʼ nə̀ abə jii loʼnə, ghaa i muu nə ibuulə ghi ghə̂ ghə adzəm.

Roma 14:19

À wey loʼ ghə i tii zə saa khə ni ghəŋŋə ghəə ghey ghə i ghəŋŋənə nə̀ saa i muu nə ibuulə, ghəŋŋə soʼo nə̀ dzûmə tə Klisto tə loʼ tən tə taw may kɔʼ bə n bəghəm i fə̀ŋ i ghə.

Roma 15:13

N gɔŋŋə nə̀ Zə̀ kən kə ghəŋŋənə nə̀ ghaa i ləmmə fə key tə â təb naŋanə tə ghaa, kə fuu ghaa n duʼlə zə nsə buulə zə nghee ghaa gaʼnə fə̀ŋ n kow wi, sey nə̀, n daʼa kə Zay kə Zow kə, ghaa i laalə kɔʼɔ ndow tə wi n fə̀ŋ tə ghaa tə tədzəm.

Roma 15:33

N gɔŋŋə nə̀ Zə̀ kən kə fuunə buulə zə i loʼ ghi ghaa adzəm. Zə i loʼ sey.

Roma 16:20

Zə̀ kən kə ghəŋŋənə nə̀ fə̀ŋ tə saa tə i loʼ nə ibuulə, i kuʼlə təmə zə̂ənu Satan, tə naŋa bə wi n tənnə fuu i ghaa. N gɔŋŋə nə̀ Mûkəbii saa tɔŋŋɔ Yeso Klisto dii ghaa n ndzuŋ ə wi.

1 Kɔrint 1:10

Waazə ghə, n buʼu bə kəwɔɔ tə̀ ghaa n zəd i Mûkəbii saa Yeso Klisto nə̀ ghaa adzəm, ghaa i loʼ n dzə̂ imɔʼ, kə̂ ghaa nə dzawwə doʼo soʼonə n wû i ghaa. Ghaa khə ni fəd loʼ nə kəfə kəmɔʼ n fə̀ŋ tə ghaa tədzəm nsə n moʼlə tə ghaa tədzəm.

2 Kɔrint 1:4

Tə tsəmmə saa n chɔd n saa ndzəm, sey nə̀ saa i loʼ soʼo ni tsəmmə ghə̂ ghey ghə loʼnə nə uchɔd n jìi zey Zə̀ kə tsəmmənə ghey tii.

2 Kɔrint 13:14

N gɔŋŋə nə̀ Mûkəbii Yeso Klisto fuu ghaa n ndzuŋ ə wi, nə̀ Zə̀ kə dii ghaa n ləghə i wi zə, Zay kə Zow kə i loʼ soʼo ghi ghaa adzəm.

2 Kɔrint 13:9

Ghey duʼlənu abə ghey loʼ tə̀ ghey khə way daʼa kə loʼ kə, ghaa u kee taw dzɔbənə. Ghey fa gɔŋŋə kə nə̀ ghaa i taw dzɔbə nə aghəə adzəm.

Efesus 4:12

Naamə wən u loʼ ni fuu kədaʼa tə̀ ghə̂ a Kəzə̀ ghə. Seynə ghə i loʼ ni fwaʼ fwaʼ kən Zə̀ kə fuu naŋanə tə̀ ghə, ghəŋŋə nə̀ Ndaw Kəzə̀ zən i loʼnə wû u Klisto wə idzəm, i nyim beyyə dzɔb tsu n ghəə a Kəzə̀.

Efesus 4:3

Zay kə Zow kə n buulə fə̀ŋ tə ghaa tə nə̀ ghaa i loʼ n fə̂ kəmɔʼ. Sey, ndeemi tsu na wû zə ni muu tən kə nə kəfə kəmɔʼ tə̀ ghaa loʼnə nya.

Efesus 6:23

N gɔŋŋə nə̀ Zə̀ kən kə loʼnə bày saa nsə Mûkəbii ə saa Yeso Klisto, ghə fu ghaa n buulə zə, kə buulə soʼo ghə̂ a Kəzə̀ adzəm, kə ghəŋə nə̀ ghaa i ləghə wû i ghaa zə ghi bəghəm i fə̀ŋ zə.

Filipi 1:27

Abə i loʼ kə ngee, ghaa khə ni muu muu i ghaa zə tə̀ tûm i dzuŋu zə kùm Klisto diinə. I loʼ sey nə̀ abə n bənə n sə̀ə ghaa nkee n ka bə koʼ ghaa, nə̀ n zow kə ghaa nə kətuŋŋə, mə i khə nə̀ ghaa dzəŋi tey n fə̀ŋ imɔʼ, dzəŋi təmə tsam ə tûm i dzuŋu zə nə kəfə kəmɔʼ, ni ghəŋə nə̀ ghə̂ a keeli bəghəm i fə̀ŋ tə tûm i dzuŋu i diinə.

Filipi 3:16

Saa kee khə ni bwey ndow kə nə isəŋə zey saa khə zey dzənə.

Filipi 4:2

N buʼu kəwɔɔ tə̀ Yudya nsə Sintiki nə̀ ghə doʼo tsu nə̀ kəfə kəmɔʼ n doʼo i ghə ghi Mûkəbii.

Filipi 4:4

Ghaa khə ni duʼlə n doʼo i ghaa ghi Mûkəbii nə tənəŋə tədzəm. N nam dza kpiʼi bə kə tə ghaa nə̀ ghaa khə ni loʼ nə iduʼlə!

Filipi 4:9

Ghaa khə ni bɔɔmə fwaʼa ndow kə ghəə ghey ghaa zoʼlə neynə n wɔ mə, ghəə ghey ghaa zow neynə, koʼ ney soʼo n wɔ mə, sey nə̀ Zə̀ kən kə fuunə buulə zə, i loʼ ghi ghaa.

1 Tesalonika 3:10

Ghey gɔŋŋə n fə̀ŋ tə ghey tə tədzəm n tsə̂ tə nsə n tsuʼu tə tə̀ Zə̀ kə nə̀ tə ghəŋə ghey kəm bə n səə ghaa, tə ghəŋə soʼo nə̀ ghey keeli jìi zey ghey loʼ ni ghəŋə nə̀ ghaa tɔʼ beyyə tsu n bəghəm i fə̀ŋ i ghaa.

1 Tesalonika 4:1

Ni ndow n sə kə waazə ghə, ghey mâ ghaa dəŋ kɔʼ bə n jìi zey ghaa khə ni muu tə̀ i kpiilənə tə̀ Zə̀ kə. Mə u ndzəm khə soʼo nə̀ a wey loʼ nghee ghaa muunə tii. Ghey nay fa buʼu bə ghaa n wɔ̀ kə n zəd i Mûkəbii Yeso nə ghaa ndow kə n sə kə n mwam u tii wə.

1 Tesalonika 4:18

Nghee tə̀ i loʼnə sey, ghaa khə ni kuu tiilə fə̀ŋ tə ghaa tə n ghɔɔmə zən.

1 Tesalonika 5:13

Ghaa khə ni fuu ngɔɔmə ghə, ləghə soʼo ghə naʼ idzəm bòʼ fwaʼ key ghə fwaʼanə tə ghaa. Ghaa i muu nə ibuulə n wû i ghaa.

1 Tesalonika 5:16

Ghaa i duʼlə nəŋə tədzəm.

1 Tesalonika 5:23

Ghey gɔŋŋə nə̀ Zə̀ kən kə ghəŋŋənə nə̀ fə̀ŋ tə ghaa tə i loʼ nə ibuulə, n wû u wi kə bə ghəŋə nə̀ ghaa i zow n muu i ghaa. Ghey gɔŋŋə nə̀ ghəə adzəm ghaa ghəŋŋənə, ghəə ghey ghaa ləghənə nsə ghəə ghey ghaa moʼlənə i khə way bwu i loʼ zə abə Mûkəbii saa Yeso Klisto i bə dzəŋŋənə.

2 Tesalonika 2:16

Ghey gɔŋŋə ndow tə̀ Mûkəbii saa Yeso Klisto nsə tə̀ Zə̀ kə tə loʼnə Bày saa. Zə̂ kən kə ləghənə saa, tə tsəmmənə fəŋ tə saa nəŋə tədzəm, ghəŋə nə̀ saa i ləmə tənnə tə wi n bam i ndzuŋ ə wi.

2 Tesalonika 3:1

Ni guŋ kɔʼ waazə ghə, ghaa i gɔŋŋə tə ghey. Ghaa i gɔŋŋə nə̀ ghɔɔmə i Mûkəbii zam ndow luʼu tədzəm, nsə nə̀ ghə̂ ghə i loʼ ni ngɔɔmə naŋa ghɔɔmə i tii zə tə̀ zə â loʼ nə ghi ghaa.

2 Tesalonika 3:16

Ghey gɔŋŋə nə̀ Mûkəbii n wù u wi wə, tə loʼ wù wey tə fuunə buulə zə tə̀ ghə̂ a wi ghə, tə fuu ghaa n buulə zə nəŋə tədzəm. Ghey gɔŋŋə soʼo nə̀ Zə̀ kə i loʼ ghi ghaa.

2 Timoti 2:22

Kə wə nə dzûmənə ghəə ghən waa a fəghaŋ a ləghənə ni ghəŋŋə, i fədlə dəmə ndow kə ni ghəŋŋə ghəə ghən a loʼnə tsətsəghə, khə bəghəm i fə̀ŋ n kow Klisto, ləghə aghə̂, muu soʼo nə ibuulə. I ghəŋŋə ndow ghəə ghən ghi ghə̂ ghey ghə ndzəm dey dza ndow ghəə a ghə ghə tə Mûkəbii n fə̀ŋ tə zow tə.

Hibru 12:14

Ndəmi n na wû zə nə̀ ghaa i muu nə ibuulə ghi ghə̂ ghə adzəm, ghaa i muu soʼo muu i zow zə, n təŋkey, wù way ni koʼ Mûkəbii abə tə muu way muu i zow zə.

Hibru 13:20

N gɔŋŋə nə̀ Zə̀ kən kə fuunə buulə zə, tə wən tə â zhəm dzəŋŋə bənə Mûkəbii saa Yeso nə ivə, wù baʼa u tənjì u səŋi wə, tə wən tə â ney kɔʼnə kaŋ tə wi tə, zə̂ kɔʼ kaa mən n nə may koʼ way,

Jems 1:4

Təmi taw tsu kə n na nə aghəə adzəm sey nə̀ ghaa loʼ ni tɔʼ beyyə n bəghəm i fə̀ŋ i ghaa, laʼa soʼ way fə kə loʼ kə n bəghəm i fə̀ŋ i ghaa.

1 Pita 3:11

Tə khə ni kweyyə nuu bə ni ghəŋŋə ghəə a bəbə ghə, tə i ghəŋŋə ndow ghəə a dzuŋu ghə. Tə khə ni khə zày ni ghəŋə nə̀ ghə̂ ghə i ghəŋŋə ghəə ghə nə ibuulə n fə̀ŋ tə ghə tə tədzəm,

1 Pita 3:8

Ni guŋ kɔʼ, ghaa adzəm khə ni teeli khə mwam wə umɔʼ, khə soʼo fə̀ŋ imɔʼ. Ghaa khə ni ləghə wû i ghaa zə tə a loʼ awaazə, dii fə̀ŋ i dzuŋu zə tə̀ ghə̂ ghə, khə soʼo zuŋ kə umwam n wû i ghaa.

1 Pita 5:10

À kee loʼ nə̀ abə ghaa fəghə tsu n tɔŋɔ fə inəŋə, Zə̀ key kə diinə fə̀ŋ ə wi i dzuŋu zə tə saa nəŋə tədzəm, à loʼ wi tə â tɔŋɔnə ghaa nə̀ ghaa keeli soʼo kɔʼlə n wi mən n may way n təŋkey saa loʼ nə kəfə kəmɔʼ ghi Klisto. Wi n wû u wi wə i ghəŋə nə̀ ghəə a ghaa adzəm a kəm doʼo bə kədzuŋ, tə ghəŋə nə̀ bəghəm i fə̀ŋ i ghaa zə i taw, tə fuu soʼo ghaa n daʼa kə nə̀ ghaa i tɔʼ tey.

Chi dii 22:21

N gɔŋŋə nə̀, Mûkəbii Yeso dii fə̀ŋ ə wi i dzuŋu zə tə̀ ghə̂ a Kəzə̀ ghə adzəm.