2 Kɔrint 12:11 - Kaa n Kəzə̀ n fəghə mə

¹¹ N loʼ wù laʼlə nə̀ a ghəŋə ghaa, kuumnə â loʼ ghaa ni kɔʼlə mə. N təŋkey abə i loʼ kənə nə̀ n way wù, n təbə dzə way n sə̂ kə ghə̂ a nii a ghaa ghey ghaa tɔŋŋə nə̀ a loʼ təngəd.

2 Kɔrint 12:11 Mawu Ofanana

Lukas 17:10

A loʼ soʼo ighələ ghi ghaa, abə ghaa fwaʼ may tsunə fwaʼ kə ghaa kə, ghaa n dza tsu nə̀, ‘Ghey maŋ loʼ ghə̂ a kəfwaʼ, ghey mə sa fwaʼa fwaʼ kə ghey.’”

1 Kɔrint 13:2

Abə n tsəm khə kənə naamə kən kə ghəŋŋənə nə̀ mə i loʼ ni naʼlə tûm Kəzə̀, n zowkeeli ghəə ghən adzəm a nyi doʼonə bòʼ Kəzə̀, n keeli may aghəə adzəm fa n mbi, n keeli soʼo bəghəm i fə̀ŋ zən i loʼ ni zəb nuu kɔʼ ukaʼ, nə̀ n kee dii way ləghə zə tə̀ ghə̂ ghə, n sey maŋ loʼ kənunu.

1 Kɔrint 3:22

Fə u tii wə udzəm loʼ u ghaa wə, nə̀ a loʼ kə Pɔl nkee Apolos nkee Pita. Abə à buʼ loʼ kə mbi i zən nkee imuu nkee ivə, nə̀ a loʼ kə ghəə ghən nya nkee a ghey a nam khə ni bə, ghəə a tii adzəm a loʼ tə̀ ghaa.

2 Kɔrint 1:6

Abə ghey fəʼlənə nya, ghey sey fəʼlə bòʼ ghaa nsə ni ghəŋə nə̀ Zə̀ kə bəghəshi ghaa. Abə Zə̀ kə kee tsəmmənə fə̀ŋ tə ghey tə nya, à sey loʼ ni tsəmmə soʼo fə̀ŋ tə ghaa sey nə̀, ghaa i loʼ ni kow fə̀ŋ tə ghaa n fəghə zən ghaa fəʼlənə nya ighələ tə̀ ghey â kownə fə̀ŋ tə ghey tə.

2 Kɔrint 11:1

N moʼlə nə̀ ghaa i nyaʼi kownu fə̀ŋ n nyaŋi fə ilaʼlə fən n ghɔɔmənə fa. N buʼu bə kəwɔɔ, ghaa kow tsu fə̀ŋ.

2 Kɔrint 11:5

N moʼlə nə̀ n təbə dzə way n sə̂ kə ngəd tə ghaa tə nii tən.

2 Kɔrint 12:12

Mə â kow tsu fə̀ŋ ni ghəŋə ndəmə ghəə a zum ghə idzuu ghə nsə faalə mə n fəŋŋə kə ghaa ni dii bə tə̀ ghaa nə̀ n ndzəm loʼ ngəd ə Yeso.

2 Kɔrint 12:6

Abə n dza i tsɔb fə̀ŋ, n way dzə ni doʼo wù laʼlə n təŋkey, ghəə ghey n dzanə loʼ isəŋə. N kee kwɔɔ tsu kə wû wuŋ n təŋkey, n ləghə dzə way nə̀ wù loʼ i kɔʼlə mə nə ighəə tsəghəshi ghəə zey tə̀ koʼnə n ghəŋənə nkee n dzanə.

2 Kɔrint 3:1

Ghaa moʼo nə̀ ghey kəm kaʼ ndow ni kali wû i ghey ə? Nkee ghaa moʼo nə̀ ghey khə ni bə dii bə ghaa n màʼlə kə nə̀ à tɔ̀ɔ bə ghə̂ a nuu ghə nkee nə̀ à tɔ̀ɔ ghaa kə kalinə ghey nə̀ ghey loʼ ghə̂ a dzuŋu ghə ə?

2 Kɔrint 5:13

Abə i kpaʼi loʼ nə̀ ghey zəghənu tə̀ ghaa moʼlənə, à loʼ bòʼ ghəə a Kəzə̀. Abə a loʼ nə̀ ghey zəghə way, à loʼ bòʼ ghaa.

Galeshia 6:3

Abə wə moʼlə nə̀ wə dow tsəghənu ni fuu wù n gaamə zə, wə sey nəbə wû wə, n təŋkey, wə ka dow tsəghə dzə.

Efesus 3:8

Abə a tɔʼ laalə tsunə n ghə̂ a kəfwaʼ a Kəzə̀ adzəm, n ka kɔʼ kpii dzə ni doʼo wù kəfwaʼ a wi n fwaʼ kən. N ndzuŋ ə wi, tə u nam fuu mə n kɔb k-a-fwaʼ kən ni naʼa tûm i dzuŋu zə, dii ndow ndzuŋ zən i loʼnə n bam i Klisto tə̀ ghə̂ ghən ghə way ghə̂ a Təjuu ghə.