2 Kɔrint 12:10 - Kaa n Kəzə̀ n fəghə mə

¹⁰ À wey loʼ ghə i tii zə n khə way fəmmə kə n fə̀ŋ abə n laynə, ghə̂ a kpaalənə mə, koʼo uchɔd, ghə̂ a tsayyənə mə, chɔdlɔ soʼo mə, n təŋkey nəŋə zey n laynə, à wey loʼ nəŋə zey Klisto fwaʼa dzɔbənə n kow mə.

2 Kɔrint 12:10 Mawu Ofanana

Lukas 6:22

Buulə i loʼ tə̀ ghaa ghey ghə bàanə ghaa, dzùm ghaa, kpaalə ghaa, khəə ghəə a bwù ghə n zəd a ghaa bòʼ Waa wù sɔŋtsuʼ.

Tùm i dzuŋu zə kuum Yeso Klisto tə Jɔn â tɔɔnə 15:21

Ghə̂ a mbi a nə ghəə ghən adzəm ghəŋŋə n kow ghaa bòʼ mə, n təŋkey, ghə khə way wù wey tə tûm bənə mə.

Kəfwaʼ 5:41

Nghee ngəd tə Yeso tey zəghə tsunə ndaw tsə, ghə n nuu ndow, fəd duʼlə nə̀ Zə̀ kə n koʼ nə̀ ghə kɔʼ kpiinu ni fəghə, ghə keeli tow kə dədlə kə bòʼ Yeso.

Roma 5:3

Saa khə ni duʼlə soʼo abə saa keelinə chɔdmə, n təŋkey, saa khənu nə̀ abə saa keelinə chɔdmə, mə n gaamə saa nə̀ saa i loʼ ni kow fə̀ŋ.

1 Kɔrint 4:10

Ghey loʼ tə̀ a loʼ ghə̂ a laʼlə ghə nghee ghey fwaʼanə tə̀ Klisto, ghaa a kee loʼnə ghə̂ a tɔbə ghə nghee ghaa loʼnə nə kəfə kəmɔʼ ghi Klisto! Ghey loʼ ghə̂ a lay ghə, ghaa a loʼnə ghə̂ a taw ghə. Ghə̂ a ngɔɔmə ghaa, kee tsayyə ghey!

2 Kɔrint 1:4

Tə tsəmmə saa n chɔd n saa ndzəm, sey nə̀ saa i loʼ soʼo ni tsəmmə ghə̂ ghey ghə loʼnə nə uchɔd n jìi zey Zə̀ kə tsəmmənə ghey tii.

2 Kɔrint 10:18

I loʼ sey n təŋkey, à way dzə wù wey tə kalinə wû u wi wə, tə ghəŋŋənə ghəə ghey a kpiinə n sə K-a-zə̀, à fəd loʼ wù wey Mûkəbii kalinə, tə ghəŋŋənə ghəə ghey a kpiinə n sə K-a-zə̀.

2 Kɔrint 12:9

Tə n fəd dza tə̀ mə nə̀, “Ndzuŋ zuŋ kpiinu tə̀ wɔ, n təŋkey, nəŋə zey wə laynə tii, à wey loʼ nəŋə zey daʼa kuŋ kə dzɔbənə n kow wɔ.” Sey, mə i baa ghaŋŋə tsəghəshiə uwû nya nə̀ n tsəŋə way n ghəə ghey a ghəŋŋənə nə̀ mə i lay, sey nə̀ daʼa kə Klisto kə i loʼ n kow mə.

2 Kɔrint 13:4

N ghəə ghən dza n təŋkey, nghee tə̀ ghə â baanə wi n zat kə fəkaʼ tə â ndzəm khə way daʼa kə, tə kee nya muu n daʼa K-a-zə̀. Nghee tə̀ saa loʼnə ghi wi nə kəfə kəmɔʼ, i sey dii nə̀ saa khə soʼo way daʼa kə. À kee bə n doʼo i ghey ghi ghaa, saa i dzəŋi keeli ndzoʼo muu zey tə khənə n daʼa K-a-zə̀.

2 Kɔrint 13:9

Ghey duʼlənu abə ghey loʼ tə̀ ghey khə way daʼa kə loʼ kə, ghaa u kee taw dzɔbənə. Ghey fa gɔŋŋə kə nə̀ ghaa i taw dzɔbə nə aghəə adzəm.

2 Kɔrint 4:17

Sey, nyaŋi mə nchɔd mən saa koʼonə nyisa, n fədlə bayyə naŋa bə saa nə̀ saa i keeli kɔʼlə mən n nə may way, n tsəghəshinə chɔd mən n dzəm a keelinə.

2 Kɔrint 4:5

Ghey naʼlə way tûm bòʼ wû i ghey, ghey fədlə naʼlə tûm bòʼ Klisto tə loʼnə Mûkəbii. Wû i ghey, ghey loʼ ghə̂ a kəfwaʼ a ghaa bòʼ Yeso.

2 Kɔrint 5:15

Tə â kpu n tow u ghə̂ adzəm, sey nə̀ ghə̂ ghey ghə muunə, ghə i muu tə̀ wi, à kəm way dzə tə̀ wû i ghə zə̀, n təŋkey, tə â kpunu, Zə̀ kə n kəm zhəm dzəŋŋə bə wi nə̀ ivə n tow kə ghə.

2 Kɔrint 5:20

Ghey fa loʼ tow kə Klisto, ghey a buʼu bənə wɔɔ kə n wɔ ghaa tə̀ a i dza à loʼ Kəzə̀ n wû u wi wə tə buʼu bənə wɔɔ kə n bam i ghey. Ghey buʼu bə kəwɔɔ tə̀ ghaa n zəd i Klisto, nə̀ ghaa doʼo bə nə kəfə kəmɔʼ ghi Zə̀ kə.

2 Kɔrint 6:4

Ghey fədlə dii bə wû i ghey tə̀ a loʼ ghə̂ a kəfwaʼ a Kəzə̀ a dzuŋu ghə nə̀ təjìi tədzəm, nghee ghey kownə fə̀ŋ n chɔd mən ghey keelinə, kow fə̀ŋ n ghəə ghən a tsəmə tawnə, kow soʼo fə̀ŋ nghee tə̀ ghey tsəmə zow kənə ngoʼ.

2 Kɔrint 7:4

N gaʼ fə̀ŋ n kow ghaa, mə u tsɔbənə fə̀ŋ bòʼ ghaa. Sey n chɔd n saa mən a keelinə n dzəm, fə̀ŋ zuŋ a nam kaynə, duʼlə soʼo naʼ idzəm.

Efesus 6:10

Ni guŋ kɔʼ, ghaa khə ni taw n doʼo i ghaa ghi Mûkəbii nsə n daʼa kə nii key tə fuunə.

Filipi 1:29

Zə̀ kə ka kad fu kə ghaa n ndzuŋ ə wi nə̀ ghaa bəghəm fu tə̀ Klisto, tə fu soʼo ghaa n daʼa kə tii kə nə̀ ghaa khə ni fəghə bòʼ wi.

Kolose 1:24

N duʼlənu n fəghə zən n fəʼlənə nya bòʼ ghaa, fəghə zən n fəʼlənə loʼ tə a loʼ tuʼ zuŋ n fəghə zən Klisto â fəghənə tə dzəŋi kə dzûmə tə Klisto, tɔŋɔ wû u wi.

2 Tesalonika 1:4

À wən loʼ ghə i tii zə ghey tsɔbənə fə̀ŋ bòʼ ghaa n dzəŋi u dzûmə tə Klisto udzəm. Ghey tsɔbə fə̀ŋ n təŋkey ghaa fəʼlənu, ghə̂ ghə a baa soʼo ghaa bòʼ Kəzə̀, ghaa a kee nam kow kə fə̀ŋ, ndow soʼo n sə kə ni bəghəm tə̀ Zə̀ kə.

2 Timoti 3:11

Wə khənu nghee ghə â chɔdnə mə tii nsə nghee mə â fəghənə tii. Wə khə soʼonu chɔd mey mə â keelinə n naʼ i Antyɔk, Ikonum, nsə n Listra. Nghee tə ghəə ghən â shinə n kow mə, Mûkəbii n nam bəghəshi mə n ghəə a tii ghə adzəm.

Jems 1:2

Waazə ghə, ghaa khə ni duʼlə nəŋə tədzəm abə ghaa buʼu keeli kənə lii tə nchɔd tə,

Chi dii 2:3

N khənu nə̀ wə mâ ngii fəghə, kow soʼo fə̀ŋ bòʼ mə, wə n ka kam tsəm buu doʼo koʼ.