2 Kɔrint 11:6 - Kaa n Kəzə̀ n fəghə mə

⁶ Abə i loʼ kə nə̀ n khə way ni ghɔɔmə, n kee laʼlə dzə way. Ghey n dii may tə̀ ghaa nə təjìi tədzəm nsə nə̀ aghəə adzəm nə̀ ghey khənu tɔb wə.

2 Kɔrint 11:6 Mawu Ofanana

1 Kɔrint 1:17

Klisto â ka tûm bə dzə mə nə̀ n bə, mə i fuu mmuu n Kəzə̀ mə. Tə â tûm bə mə nə̀ n bə naʼa tûm i dzuŋu zə. Tə â tûm bə mə nə̀ n bə naʼa tûm i dzuŋu zə nə̀ a way dzə n tɔb u wù sɔŋtsuʼ nsə n dzə̀ ə wù sɔŋtsuʼ, sey nə̀ kə̂ və zən Klisto â kpuunə n zat kə fəkaʼ nə doʼlənə kənunu.

1 Kɔrint 1:21

I loʼ sey n təŋkey, Zə̀ kə n ghəŋə n tɔb u wi nə̀ ghə̂ a way dzə ni keeli wi n tɔb u ghə. Zə̀ kə n ghəŋə nə̀ ghə̂ a mbi a fəd keeli wi n bam i tûm i dzuŋu zən ghə naʼlənə ghə tɔŋŋənə nə̀ a loʼ ilaʼlə. Zə̀ kə n tsəm tsu ni bəghəshi ghə̂ ghey ghə bəghəmnə tə̀ tûm i dzuŋu zən ghə̂ a mbi a tɔŋŋə nə̀ a loʼ ilaʼlə.

1 Kɔrint 12:8

Zay kə Zow kə ghəŋŋə wù wən tə n ghɔɔmə ghəə ghey a khənə tɔb wə, Zay kə Zow kə mɔʼɔ kə n ghəŋə wù loʼ wey n kee khə utɔb ni khəə aghəə n jìi zey ghə̂ ghə i zowkeelinə.

1 Kɔrint 2:13

Ghəə ghən ghey ghɔɔmə bənə tə̀ ghaa, ghey ghɔɔmə bə dzə way n tɔb u wù sɔŋtsuʼ, à fəd loʼ n tɔb wən Zay kə Zow kə fuunə tə̀ ghey. À loʼ Zay kə Zow kə, kə ghəŋŋənə nə̀ ghey i tiilə dza bə isəŋə zey i loʼnə bòʼ Kəzə̀ tə̀ ghə̂ ghey ghə khənə Zay kə Zow kə.

2 Kɔrint 10:10

N dza sey n təŋkey, ghə̂ a loʼ a dza nə̀, “Màʼlə u wi u khə kəzən, taw, abə tə kee teynə n wû u wi wə, tə way ni dza ghə i səŋi i loʼ zə.”

2 Kɔrint 12:12

Mə â kow tsu fə̀ŋ ni ghəŋə ndəmə ghəə a zum ghə idzuu ghə nsə faalə mə n fəŋŋə kə ghaa ni dii bə tə̀ ghaa nə̀ n ndzəm loʼ ngəd ə Yeso.

2 Kɔrint 4:2

Ghey n tuu maʼa ghəə a dədlə a kətow ghey ghə̂ a ghəŋnənə nə kələm. Ghey ghəŋŋə way ghəə a tsìi ghə, ghey fwɔdlɔ soʼo way ghɔɔmə i Kəzə̀ zə. Ghey kee ghɔɔmə bə isəŋə n mgbaŋ nə̀ ghə̂ adzəm ghə i khə n fə̀ŋ tə ghə nə̀ ghəə ghey ghey ghəŋŋə, a kpiinu n sə K-a-zə̀.

2 Kɔrint 5:11

Nghee tə̀ ghey khənə fə key kə loʼnə ni ngɔɔmə Mûkəbii, ghey buʼu kəwɔɔ nə̀ ghə̂ ghə i ngɔɔmə soʼo wi. Zə̀ kə khənu ghey, n moʼlə nə̀ n fə̀ŋ tə ghaa, ghaa khə soʼonu ghey.

2 Kɔrint 6:6

Ghey n dii nə̀ ghey loʼ ghə̂ a kəfwaʼ a Kəzə̀ n muu i ghey i zow zə, n tɔb u ghey, n jìi zey ghey kownə fə̀ŋ tii, n mwam u ghey u dzuŋu wə. Zay kə Zow kə a loʼ n kow ghey, ghey u ləghənə ghə̂ ghə n fə̀ŋ tə ghey tə tədzəm.

2 Kɔrint 7:2

Sey chi naŋa kɔʼ na fə̀ŋ tə ghaa tə tə̀ ghey. Ghey ka ghəŋə bəəbə dzə ghə i loʼ zə tə̀ wù, ghey ka ney dzə tɔb wən ghey khənə ni ney fə kə wù, ghey ka tsìi soʼo wù loʼ.

Efesus 3:4

Abə ghaa i tɔŋɔ kɔʼnə ghəə a tii ghə, ghaa i zoʼlə aghəə boʼ ghəə ghey n zowkeelinə n ghəə ghey Klisto â nyì naŋanə.