2 Kɔrint 11:23 - Kaa n Kəzə̀ n fəghə mə

²³ Ghə dza nə̀ ghə loʼ ghə̂ a kəfwaʼ a Klisto ə? (N ghɔɔmə tə̀ a loʼ wù zəghə), n buʼ tsəghəshi ghə. Mə n fwaʼ ndəmə tə aghəə tə səŋi tə, nyi n ndaw tsaʼ n ndəmə tənəŋə, ghə n mə bwɔd n ndəmə tənəŋə, mə n koʼ və zə n ndəmə tənəŋə.

2 Kɔrint 11:23 Mawu Ofanana

Kəfwaʼ 14:19

Ghə̂ a Təjuu a loʼ ghə, ghə a nuu bənə n naʼa tə Antyɔk nsə nə Ikonum n ndow bə fu n Listra. Ghə nəəbə tsu nɔɔ kə aghə̂ key nə ghə dzəŋi bə i ghə. Sey ghə n təmmə Pɔl nə atay, sii nuu shi ndow ghi wi n naʼ i tii zə ndow maʼa naŋa ndow wi, khə kə nə̀ tə n kpuu.

Kəfwaʼ 20:23

N khə kə nə̀ Zay kə Zow kə mâ tə mə dza naŋa zey n naʼa tən tədzəm mə â ndownə tii nə̀ mə i koʼo uchɔd, ghə i kwu fii naŋa soʼo mə n ndaw tsaʼ.

Kəfwaʼ 21:11

Tə n bə koʼ tsu ghey, ney kɔʼ kwɔɔ fə Pɔl, kow tsu fuu i wi nsə kpii i wi zə tii, dza tsu nə̀, “Zay kə Zow kə dza nə̀, ‘À wən loʼ jìi zey ngəd tə Təjuu tey n Yerosalem i kwɔɔ kow tsunə wù wey tə khənə kwɔɔ fən, ghə ney fu tsəghə ndow wi tə ghə̂ ghey ghə way ghə̂ a Təjuu ghə.’”

Kəfwaʼ 25:14

Ambə ghə ndəŋ doʼo kəŋə ndownə tsuʼu mə fu, Festus n ney teyyə bə saʼ a Pɔl tə də̀ŋ key, dza tə wi nə̀, “Wù loʼ, loʼ fa n ndaw tsaʼ, Feliks â nuu naŋa taʼanə saʼ a wi tə mə.

Kəfwaʼ 27:1

Ambə ghə bəghəm dzəŋi kɔʼ nə̀ ghey ndow n Itali, ghə n ney kɔʼ Pɔl ghi ghə̂ a ndaw tsaʼ a loʼ ghə, fuu tsu tə wù nii təsawgoʼ wən ghə â tɔŋŋə nə̀ a loʼ Juliɔs. Wù wən â loʼ wù n saʼ kə sawgoʼ tey ghə tɔŋŋə nə̀ a loʼ, “Saʼ kə təsawgoʼ tə də̀ŋ kə Rom.”

Kəfwaʼ 28:16

Ambə ghey bə nyi bənə n Rom, ghə n zəghə tsu Pɔl nə tə muu n ngəŋ ə wi, kee naŋa tsu kə sawgoʼ imɔʼ nə zə i keyyə wi.

Kəfwaʼ 28:30

Pɔl n muu fu nə tənum təbəghə nə tə tsəə ndaw wi n nəŋə wi. Tə n laalə dzɔbə tə ghə̂ ghey adzəm ghə â bə bweyyə koʼnə wi.

Kəfwaʼ 9:16

Mə i diinu tə wi nghee tə khə ni fəghə tii bòʼ mə.”

Roma 8:36

À wey loʼ ghə i tii zə i tɔ̀ɔ doʼo n màʼlə K-a-zə̀ nə̀, “À loʼ bòʼ wɔ a Zə̀ kə, ghey koʼonə və zə nəŋə tədzəm, Ghə ghəŋŋə ghi ghey tə a loʼ tənjì ghə dza i ndow wey.”

1 Kɔrint 15:10

N loʼ wù wey n loʼnə ghii wə nya bòʼ ndzuŋ ə Kəzə̀. Ndzuŋ zən Zə̀ kə â diinə tə̀ mə, â ka maŋ nay dzə kənunu. Zə n ghəŋə nə̀ n fəd fwaʼ tsəghəshi tsətəndəghə tə Klisto tə loʼ tey tədzəm. N khənu nə̀ â way dzə n daʼa kuŋ, â loʼ daʼa K-a-zə̀ kə â ghəŋənə mə nə̀ n fwaʼ tsəghəshi ghə adzəm.

1 Kɔrint 3:5

Apolos ghi Pɔl buʼ loʼ ghə ndee? Ghə maŋ loʼ ghə̂ a kəfwaʼ a Kəzə̀, Zə̀ kə ghəŋənə ghə nə̀ ghə ghəŋə nə̀ ghaa keeli bəghəm i fə̀ŋ n kow Klisto. Kay wù fwaʼa ndòw kə fwaʼ key Mûkəbii fuu naŋanə tə̀ wi nə̀ tə fwaʼ.

1 Kɔrint 4:1

Ghaa khə ni koʼo bə ghey tə̀ a loʼ ghə̂ a kəfwaʼ a Klisto ghən Zə̀ kə fuunə ghə n daʼa kə nə̀ ghə i tiilə dza bə isəŋə zey i nyi doʼonə n ghəə a Kəzə̀.

1 Kɔrint 4:11

Ni bə kuum nya, ghey sa loʼ kə n dzəŋ, fə̀ŋ ə mmuu i zuʼlənə ghey. Ghey tsəghə kaabə n saʼ u fə̂ wə nə uwû, ghə a bwɔdlɔnə ghey nəŋə tədzəm. Kasə luʼu kə muulə kə, ghey khə way.

1 Kɔrint 4:9

N koʼo kə sa tə̀ Zə̀ kə n sày saa ghən saa loʼnə ngəd tə Yeso tə, naŋa ndow n bùʼ kə ulən n fəŋŋə kə ghə̂ adzəm, tə̀ a loʼ ghə̂ ghey ghə tsəʼlənə saʼ n tow u ghə nə̀ ghə khə ni kpu. Ghə n ghey tɔŋ zaa tə̀ mbi idzəm, n sə̂ kə aghə̂ nsə tsətəndəghə tə Kəzə̀ tə.

2 Kɔrint 10:7

Ghaa maŋa laalə kə aghə̂ a bii. Wù wey tə̀ khənə nə̀ tə ndzəm bəghəmnu tə̀ Klisto, tə kəm tɔʼ moʼlə tsu n wû u wi n təŋkey, ghey loʼ nə kəfə kəmɔʼ ghi Klisto tə̀ ghə loʼ soʼonə nə kəfə kəmɔʼ ghi wi.

2 Kɔrint 11:5

N moʼlə nə̀ n təbə dzə way n sə̂ kə ngəd tə ghaa tə nii tən.

2 Kɔrint 3:6

À loʼ wi tə ghəŋənə nə̀ ghey kɔʼ kpii tə̀ a loʼ ghə̂ a kəfwaʼ n kâa n fəghə mən. Kaa n fəghə mən ka tɔ̀ɔ doʼo dzə n màʼlə K-a-zə̀, à loʼ n Zay kə Zow kə, kuum nə̀ ghəə ghey a tɔ̀ɔ doʼonə nə kəmaʼlə fədlə wey wù, Zay kə Zow kə u kee fuunə muu zə.

2 Kɔrint 4:11

Ghey koʼo tənə tsə kə ivə n muu i ghey bòʼ Yeso, sey nə̀ ghə̂ ghə i loʼ ni koʼ muu i Yeso n vən fə uwû fə ghey.

2 Kɔrint 6:9

Ghə ghəŋŋə tə̀ ghə khə way ghey loʼ sey nə̀ ghə adzəm khənu ghey. Ghey loʼ tə̀ a loʼ fə wə i ivə, nə ghey nam loʼ utaw. Ghə̂ ghə a chɔdlɔnə ghey, nam way ni wey ghey.

Galeshia 6:17

Ni ney nuu tsu nya, ndow n sə kə, i kə wù nə kəm fəmmə, bòʼ nə̀, tɔ̀ɔ tən n kow mə tə dii may bə nə̀ n loʼ kɔd kə Yeso.

Efesus 3:1

A loʼ boʼ ghəə ghey Zə̀ kə loʼ nə̀ kə n ghəŋŋə ni təmdzəŋi bə ghə̂ a Təjuu nsə ghə̂ ghən ghə way ghə̂ a Təjuu ghə nə kəfə kəmɔʼ, mə Pɔl, n loʼnə wù ndaw tsaʼ a Yeso Klisto n tow u ghaa ghən ghaa way ghə̂ a Təjuu ghə.

Efesus 4:1

Mə wən n loʼnə wù ndaw tsaʼ boʼnə n fwaʼa tə̀ Mûkəbii, n buʼu bə kəwɔɔ tə̀ ghaa nə̀ ghaa i muu muu zey i kpiilənə tə̀ ghə̂ ghey Zə̀ kə sàynə ghə.

Efesus 6:20

Kuum nə̀ a loʼ bòʼ tûm i dzuŋu zən n loʼnə wù tûm ə klisto. N fa loʼ n ndaw tsaʼ bòʼ i ghii. Sey, gɔŋŋə na nə̀ mə i khə fə̀ŋ ni naʼlə tûm i tii zə tə̀ n khənə ni naʼa nə̀ n khə way tsəŋ i loʼ zə.

Filipi 1:13

Sey, təsawgoʼ tə tədzəm n tɔʼ n naʼ i Roma nsə ghə̂ ghən adzəm fa, ghə khənu nə n loʼ n ndaw tsaʼ boʼnə n loʼ wù kəfwaʼ a Klisto.

Filipi 2:17

Sey, abə n tsəm ney fə̀ələ tsu kə nə kaŋ tuŋ tə tə̀ a loʼ umaʼlə n fwaʼ kən ghaa fwaʼanə bòʼ bəghəm i fə̀ŋ i ghaa tə Zə̀ kə, mə i nam duʼlənu, mə î saŋŋə ghi ghaa adzəm.

Kolose 1:24

N duʼlənu n fəghə zən n fəʼlənə nya bòʼ ghaa, fəghə zən n fəʼlənə loʼ tə a loʼ tuʼ zuŋ n fəghə zən Klisto â fəghənə tə dzəŋi kə dzûmə tə Klisto, tɔŋɔ wû u wi.

Kolose 1:29

À wey loʼ zuŋ key n kuu nyiə ndownə səŋ zə ni fwaʼ n daʼa kə səŋi kən kə fwaʼanə n kow mə nə a fuu Klisto.

1 Tesalonika 3:2

Ghey n tûm bə Timoti waazə ghey wən tə fwaʼanə tə̀ Zə̀ kə ghi ghey ni naʼa tûm i dzuŋu zən bòʼ Klisto nə̀ tə bə tɔm bə ghaa, tə təm tawwə bə soʼo bəghəm i fə̀ŋ i ghaa.

1 Timoti 4:6

Abə wə tiillə dza ndownə ghəə ghən n dii kɔʼ bənə tə wɔ tə̀ dzûmə tə Klisto tə, ney soʼo fə̀ŋ zə n ghɔɔmə i Kəzə̀ zən wə bəghəmnə tii nsə isəŋə zən wə bweynə tii, wə i doʼo wù kəfwaʼ a Yeso Klisto u dzuŋu wə.

2 Timoti 1:16

N gɔŋŋə nə̀ Zə̀ kə kwɔɔlə isî n kow Onesiforus nsə ghə̂ ghey adzəm ghə loʼnə n ndaw wi n təŋkey, tə â bə tsəmmə zeeli tsə mə n ndaw tsaʼ, tə n ka dədlə soʼo n tow kə ni bə koʼ mə.

2 Timoti 1:8

Sey, kə wə i dədlə n tow kə ni təmi tiillə bòʼ Mûkəbii saa, kə wə nə dədlə soʼo n tow kə ni dza ndow nə̀ wə khənu mə wən n loʼ fa n ndaw tsaʼ bòʼ Klisto. Fət təmdzəŋi bə mə ni fəghə bòʼ tûm i dzuŋu zən. Wə khə ni fəghə n təŋkey Zə̀ kə n fuu wɔ n daʼa kə tii kə.

2 Timoti 2:9

N fa fəʼlənu, ghə u kùm naŋa daŋŋə mə nə tətsaʼ tə a loʼ wù tsɔŋɔ n təŋkey n naʼlə tûm i dzuŋu zən. Ghə i dzuŋu i loʼ kə nə̀ ghə way ni kùm naŋa dzə ghɔɔmə i Kəzə̀ nə tətsaʼ.

2 Timoti 3:11

Wə khənu nghee ghə â chɔdnə mə tii nsə nghee mə â fəghənə tii. Wə khə soʼonu chɔd mey mə â keelinə n naʼ i Antyɔk, Ikonum, nsə n Listra. Nghee tə ghəə ghən â shinə n kow mə, Mûkəbii n nam bəghəshi mə n ghəə a tii ghə adzəm.

Filemun 1:9

Nghee n sə ləghənə wɔ, a wey loʼ i ghii n buʼu bənə wɔ n wɔɔ kə. N tsəmə ney dzə way n taŋ nə̀ mə Pɔl, n loʼ nyim kə wù, loʼ soʼo n ndaw tsaʼ bòʼ Klisto.

Hibru 10:34

Ghaa â kwɔɔlə isî n kow ghə̂ a ndaw tsaʼ ghə, ghaa n bəghəm ndow nə iduʼlə nə̀ ghə bəkeeli nuu fə u ghaa n təŋkey, ghaa khənu nə̀ ghaa i keelinu fə wə, u dzɔb tsəghəshinə u wən, nə̀ wə i doʼlə tsali soʼonu.