2 Kɔrint 11:1 - Kaa n Kəzə̀ n fəghə mə

¹ N moʼlə nə̀ ghaa i nyaʼi kownu fə̀ŋ n nyaŋi fə ilaʼlə fən n ghɔɔmənə fa. N buʼu bə kəwɔɔ, ghaa kow tsu fə̀ŋ.

2 Kɔrint 11:1 Mawu Ofanana

Matyo 17:17

Yeso n beeli ndòw wi dza nə̀, “Ghaa ghə̂ a num tə tən, ghaa khə way bəghəm i fə̀ŋ zə, ghaa khə kə ghəə a bəbə ghə. Mə i boʼo muulə ghi ghaa ni ndòw kùm zeeli? Mə i kow fə̀ŋ ghi ghaa ni ndow kùm zeeli? Ney bə na waa tii fa.”

Kəfwaʼ 18:14

Tə Pɔl ni kee kɔʼ kɔli, Galio n dza tə ghə̂ a Təjuu ghey nə̀, “Wee ghə̂ a Təjuu ghə, abə a mə loʼ nə̀ tə bwulə maʼa kəlaŋ, nkee nə̀ tə ghəŋə bəbə bəb kə ighəə kə loʼ kə, tə n mə loʼ ni zow n wɔ ghaa.

Kəfwaʼ 26:29

Pɔl n dza nə̀, “Abə a loʼ kə n kəmə fə inəŋə, nkee n ndaŋ kə inəŋə, gɔŋŋə zuŋ tə Zə̀ kə loʼ nə̀ wɔ ghi ghə̂ ghən adzəm ghə zəllə ghɔɔmə zuŋ zə na mə doʼo tsu dzûmə tə Klisto tə a loʼ mə. N kee gɔŋŋə dzə way nə̀ ghaa doʼo ghə̂ ndaw tsaʼ tə a loʼ mə.”

1 Kɔrint 1:21

I loʼ sey n təŋkey, Zə̀ kə n ghəŋə n tɔb u wi nə̀ ghə̂ a way dzə ni keeli wi n tɔb u ghə. Zə̀ kə n ghəŋə nə̀ ghə̂ a mbi a fəd keeli wi n bam i tûm i dzuŋu zən ghə naʼlənə ghə tɔŋŋənə nə̀ a loʼ ilaʼlə. Zə̀ kə n tsəm tsu ni bəghəshi ghə̂ ghey ghə bəghəmnə tə̀ tûm i dzuŋu zən ghə̂ a mbi a tɔŋŋə nə̀ a loʼ ilaʼlə.

1 Kɔrint 3:18

Kə̂ ghaa nə̂ nəbənə wû i ghaa zə, abə wù ghaa u loʼ u moʼlənə nə̀ tə khə utɔb n ghəə a mbi, tə khə ni doʼo tə̀ a loʼ wù laʼlə, tə i baa loʼ ni keeli tsu utɔb.

1 Kɔrint 4:10

Ghey loʼ tə̀ a loʼ ghə̂ a laʼlə ghə nghee ghey fwaʼanə tə̀ Klisto, ghaa a kee loʼnə ghə̂ a tɔbə ghə nghee ghaa loʼnə nə kəfə kəmɔʼ ghi Klisto! Ghey loʼ ghə̂ a lay ghə, ghaa a loʼnə ghə̂ a taw ghə. Ghə̂ a ngɔɔmə ghaa, kee tsayyə ghey!

1 Kɔrint 4:8

Ghaa n keeli may fə̂ wey udzəm ghaa â ləghənə ni keeli ə? N dza ghaa n doʼo tən ghə̂ a kûum ghə? Ghaa nya loʼ udəŋ nə̀ ghey ka kam doʼo də̀ŋ wə ə? Tə̂ n mə duʼlə abə ghaa mə̂ ndzəm loʼnə də̀ŋ wə, sey ghey mə mbɔŋ loʼ ni doʼo bə udə̀ŋ ghi ghaa.

2 Kɔrint 11:19

N dza sey n təŋkey, ghaa dza ghaa tɔbənu, nam bəghəm ghəə ghey ghə̂ a laʼlə a dzanə!

2 Kɔrint 11:21

N bəghəm kənu n tow kə dədlə kə nə̀ ghey laynu ni ghəŋə ndzoʼo ghəə ghey. À kee loʼ nə̀ ghə i ghaa zə ghə̂ a tsɔbənə fə̀ŋ tii, n nya ghɔɔmə tə̀ a loʼ wù laʼlə, mə î mbɔŋɔ tsɔbə soʼonu fə̀ŋ tii.

2 Kɔrint 11:4

N dza sey n təŋkey ghə̂ a loʼ ghə n bə n fəŋŋə kə ghaa, ghə a diinə ghaa n ghəə ghə bòʼ Yeso u nuu wə nə̀ à way Yeso wey ghey â diinə ghaa tii. Ghə ləghə ni fuu ghaa n zày kə nuu kə nə̀ à way kə key Zə̀ kə â fuunə tə̀ ghaa n nəŋə zey ghaa â bəghəmnə tii tə̀ Klisto. Ghə naʼlə bə tûm i nuu zə tə̀ ghaa, ghaa n bəghəm tûm i tii zə loʼ sey nə̀ à way tûm i dzuŋu zən mə â naʼanə tə̀ ghaa bòʼ Klisto. Abə ghə ghəŋŋənə ghəə ghən, ghaa n mbad bəghəm naŋa ghəə a tii ghə adzəm.

2 Kɔrint 12:11

N loʼ wù laʼlə nə̀ a ghəŋə ghaa, kuumnə â loʼ ghaa ni kɔʼlə mə. N təŋkey abə i loʼ kənə nə̀ n way wù, n təbə dzə way n sə̂ kə ghə̂ a nii a ghaa ghey ghaa tɔŋŋə nə̀ a loʼ təngəd.

2 Kɔrint 5:13

Abə i kpaʼi loʼ nə̀ ghey zəghənu tə̀ ghaa moʼlənə, à loʼ bòʼ ghəə a Kəzə̀. Abə a loʼ nə̀ ghey zəghə way, à loʼ bòʼ ghaa.

Hibru 5:2

Nghee fɔɔngili u nii nii wən loʼ nə̀ à loʼ wù sɔŋtsuʼ, tə loʼnu ni bwu khə̂mə, à kee loʼ nə̀ tə loʼnu ni maʼa uwû ghi ghə̂ ghey ghə ghəŋŋənə bəb zə nə̀ ghə khə way nsə ghə̂ ghey ghə nyəŋə laʼa ndownə.