2 Kɔrint 10:8 - Kaa n Kəzə̀ n fəghə mə

⁸ N way dzə ni dəd n tow kə, abə i loʼ kənə nə̀ n ngii tsɔbə fə̀ŋ bòʼ daʼa kən Mûkəbii fuunə tə̀ ghey, tɔŋŋə daʼa kən tə̀ fuunə nə̀ ghey bəghə kɔʼ bə bəghəm i fə̀ŋ i ghaa, a way dzə ni wey maʼa bəghəm i fə̀ŋ i ghaa.

2 Kɔrint 10:8 Mawu Ofanana

2 Kɔrint 1:24

Ghey ləghə dzə way ni tə̀mmə ghaa nə̀ ghaa bəghəm ghəə zey ghey dzanə, n təŋkey ghey khənu nə̀ ghaa tey tawnu n bəghəm i fə̀ŋ i ghaa. Ghey maŋ loʼ ghə̂ a kəfwaʼ, ghey fwaʼa dzəŋinə ghi ghaa nə̀ ghaa i loʼ nə iduʼlə.

2 Kɔrint 10:4

Fə̂ u tsam u ghey u maŋ way dzə tə̀ a loʼ u wù sɔŋtsuʼ wə, u fəd loʼ fə u tsam u Kəzə̀, ghey neynə ni təm saʼ luʼu tey ghə̂ a təngəmə a ghey a bəghə doʼonə tii.

2 Kɔrint 10:9

N ləghə dzə way nə̀ i doʼo tə̀ n bəmi bə ghaa n màʼlə wən n tɔ̀ɔ bənə.

2 Kɔrint 12:19

Ghaa moʼlə nə̀ ghey ləghə ni bəghəshi wû i ghey n sə̂ kə ghaa n ghəə ghən adzəm ghey dzanə fa ə? À way dzə sey. Ghey dza isəŋə n sə K-a-zə̀ n jìi zey Klisto i ghəŋŋənə nə̀ ghey ghɔɔmə. Waazə ghuŋ a dzuŋu ghə, ghəə ghən adzəm ghey ghəŋŋənə loʼ ni bəghə kɔʼ bə bəghəm i fə̀ŋ i ghaa.

2 Kɔrint 12:6

Abə n dza i tsɔb fə̀ŋ, n way dzə ni doʼo wù laʼlə n təŋkey, ghəə ghey n dzanə loʼ isəŋə. N kee kwɔɔ tsu kə wû wuŋ n təŋkey, n ləghə dzə way nə̀ wù loʼ i kɔʼlə mə nə ighəə tsəghəshi ghəə zey tə̀ koʼnə n ghəŋənə nkee n dzanə.

2 Kɔrint 13:10

À wən loʼ ghə i tii zə, n tɔ̀ɔ bənə ghəə ghən tə̀ ghaa nə̀ n way ghi ghaa, sey nə̀, abə n bənə, mə i ka tɔɔbə dzə ghi ghaa n daʼa kən Mûkəbii fuunə tə̀ mə. Mûkəbii fuu mə n daʼa kə tii kə ni bəghə bəghəm i fə̀ŋ i ghaa, à way dzə ni wey maʼa bəghəm i fə̀ŋ i ghaa.

2 Kɔrint 13:8

Ghey way ni ghəŋə dzə ghə i loʼ zə, zə î təʼlənə ghəə zey i loʼnə isəŋə, ghey fəd tey kə n ghəə zey i loʼnə isəŋə.

2 Kɔrint 7:14

Abə mə â tsɔbənə fə̀ŋ bòʼ ghaa tə̀ wi, n ka tow kə dədlə kə keeli dzə. Nghee tə̀ ghəə ghey adzəm ghey â dzanə tə̀ ghaa â loʼnə isəŋə, a loʼ soʼo sey fə̀ŋ zey ghey â tsɔbənə bòʼ ghaa tə̀ Taytus â loʼnə isəŋə.

2 Kɔrint 7:4

N gaʼ fə̀ŋ n kow ghaa, mə u tsɔbənə fə̀ŋ bòʼ ghaa. Sey n chɔd n saa mən a keelinə n dzəm, fə̀ŋ zuŋ a nam kaynə, duʼlə soʼo naʼ idzəm.

Galeshia 1:1

À màʼlə kən tɔ̀ɔ bə mə Pɔl. N loʼ ngəd ə Yeso Klisto. À ka mə say dzə wù sɔŋtsuʼ, à way soʼo wù sɔŋtsuʼ tə tûmnə mə nə n doʼo tsəndəghə. À fəd loʼ Yeso Klisto nsə Zə̀ kə, tə loʼ Bày wən tə â zhəm dzəŋŋə bənə Yeso nə ivə.

2 Timoti 1:12

A wey loʼ zuŋ key n fəʼlə fa tii n ndaw tsaʼ. N kee dədlə dzə way n tow kə a dza n loʼ n ndaw tsaʼ n təŋkey n khənu wù wey n bəghəm fuunə tə wi, mə n tɔʼ khə soʼo nə̀ tə i kwɔɔ keelinu fə key tə â fuunə tə mə ni ndow kuum n tsuʼ fey tə i bəghə dzəŋŋənə ibam.