2 Kɔrint 10:6 - Kaa n Kəzə̀ n fəghə mə

⁶ Ghey ləmmə tənə nə̀ ghaa doʼo may bə ghə̂ ghey ghə zownə tə̀ klisto, sey ghey i loʼ ni chɔd ghə̂ ghey ghə zow way tə̀ wi.

2 Kɔrint 10:6 Mawu Ofanana

Roma 2:23

Ghaa ghaŋŋə iwû nə̀ ghaa khə laŋ K-a-zə̀, ghaa a naŋŋə way laŋ kə tii kə. À sey way tow kə dədlə kə ghaa ney bənə tə Zə̀ kə ə?

1 Kɔrint 4:21

Ghaa ləghə ghə i ghaa zə nə̀ n ghəŋə tə̀ ghaa ə? Abə mə i bənə, zə i kpiinu tə̀ mə ni chɔd ghaa nkee zə i kpiinu tə̀ mə ni dii ləghə zuŋ tə̀ ghaa, n dii soʼo ghaa n mwam u dzuŋu wə ə?

2 Kɔrint 13:10

À wən loʼ ghə i tii zə, n tɔ̀ɔ bənə ghəə ghən tə̀ ghaa nə̀ n way ghi ghaa, sey nə̀, abə n bənə, mə i ka tɔɔbə dzə ghi ghaa n daʼa kən Mûkəbii fuunə tə̀ mə. Mûkəbii fuu mə n daʼa kə tii kə ni bəghə bəghəm i fə̀ŋ i ghaa, à way dzə ni wey maʼa bəghəm i fə̀ŋ i ghaa.

2 Kɔrint 13:2

N mâ bùʼ kpaa ghaa ghən ghaa â ghəŋŋənə ghəə a bəbə ghə, kpaa tsu soʼo ghə̂ a loʼ ghey adzəm. N fa nam kpaa kpiʼi bə ghə nya wən n way n səə ghaa ighələ tə̀ mâ kpaanə ghə nghee mâ bə koʼonə ghaa ni ghəŋə tənəŋə təbəghə, nə̀ abə mə i kəm bənə, wù ghə umɔʼ î nɔb shi way n wɔɔ kuŋ.

2 Kɔrint 2:9

Ghəə zey mə â tɔ̀ɔ bə soʼonə màʼlə key tə̀ ghaa, â loʼ ni mɔm koʼ ghaa, ni koʼ nə̀ ghaa i naŋŋə kənu ghəə ghey mə â dzanə tə̀ ghaa adzəm.

2 Kɔrint 7:15

Nsə sey, abə tə moʼlə tsu n fə̀ŋ ə wi jìi zey ghaa â zownə tə̀ wi, nsə nghee ghaa â kpii neynə wi tii n ngɔɔmə i səŋi zə, ləghə zey tə khənə n kow ghaa n ngii loʼ.

1 Timoti 1:20

Hemenus nsə Alekzanda loʼ ndzoʼo ghə̂ a tii ghə, Mə n ghə fuu tsəghə ndow tə Satan nə̀ tə ghəŋə ghəə zey tə loʼ ni ghəŋə tə ghə. Zə i ghəŋŋənu tə ghə zoʼlə tsu nə̀ ghə khə way ni tsayyə Zə̀ kə.

3 Jɔn 1:10

Abə mə i bənə, mə i tiilə dza bə ghəə a bəbə a loʼ ghən tə ghəŋənə nsə ghəə badla a loʼ ghən tə ghɔɔmənə bòʼ ghey. Tə ghəŋŋə kə way ghəə a ghən, tə tsəmə ləghə way ni kpiney ghə̂ a dii ghən ghə bwey bəghənə n dzəŋi kə dzûmə tə Klisto, tuu soʼo nə kə waazə a loʼ ghey nə kpiney bə ghə. Tə n dzùm shi daŋŋə ghə n dzəŋi kə dzûmə tə Klisto abə ghə ləghə ni kpiney bə ghə.