2 Kɔrint 10:5 - Kaa n Kəzə̀ n fəghə mə

⁵ Ghey saʼa maʼlə bə ghə̂ ghey adzəm ghə maŋa buʼunə dzuu zə, sìi ndzəŋŋə soʼo aghə̂ nə̀ kə ghə nə keelinə Zə̀ kə. Ghey kwɔɔ naŋŋə bə moʼlə tə ghə̂ ghey adzəm ghə ləghə way ni zow ghɔɔmə i Kəzə̀, ghey n ghəŋə nə̀ ghə̂ a tii ghə i zow tə̀ Klisto.

2 Kɔrint 10:5 Mawu Ofanana

Matyo 15:19

N təŋkey, à loʼ n fə̀ŋ zə moʼlə tə bəbə tə shiə kɔʼɔ bənə ni ghəŋə aghəə tə̀ a loʼ, ni wey wù, ni taa zaʼ wey wə nkee num wə, ni ghəŋə ghəə a laŋŋə ghə, ni tsɔŋ, ni bad aghəə, nsə ni tsayyə wù.

Lukas 1:51

Tə n ghəŋə ndəmə ghəə a nii ghə n wɔɔ kə wi. Dzùm sàŋŋə maʼa ghə̂ ghey ghə khənə wû i ghaŋŋə zə n fə̀ŋ tə ghə.

Roma 1:21

Nghee ghə tsəm khə kənə nə̀ Zə̀ kə loʼnu, ghə ka wi ngɔɔmə dzə tə aloʼ Kəzə̀, nkee ni fuu zɔŋŋə kə wi n ghəə ghey tə ghəŋŋənə. Ghə fədlə keeli ndow moʼlə tə laʼlə tə, ghəŋŋə fə̀ŋ tə ghə tə a dzə doʼo tsunə tə̀ aloʼ kələm.

Roma 1:5

À loʼ bòʼ wi, Zə̀ kə diinə mə n ndzuŋ ə wi, sày naŋa kɔʼ mə nə̀ n doʼo ngəd ə wi, sey nə̀, mə i loʼ ni ghəŋə nə̀ aghə̂ adzəm n naʼa tə mbi tədzəm, a bəghəm tə wi, ghə i zow soʼo tə wi.

Roma 16:26

Zə̀ kə n chi dii bə ghə i tii zə tə saa nya, saa u loʼ soʼo ni koʼ aghəə nghee tə tûm tə Kəzə̀ tə â tɔɔ naŋa zeynə. Zə̀ kən kə loʼnə nəŋə tədzəm n ghəŋə nə̀ ghə̂ a naʼa tə mbi tədzəm a keeli ghə i tii zə, sey nə̀, ghə i loʼ ni bəghəm tə̀ Klisto, ghə i zow soʼo tə wi.

Roma 7:23

A kee loʼ nə̀ n bə keeli shi kɔʼ nə̀ laŋ kə nuu kə loʼ n kow mə kə zuulə ballənə ghi laŋ kən n gaʼnə fə̀ŋ zuŋ tii. Laŋ kə tii kə ghəŋŋə nə̀ n doʼo kəkɔd tə bəb zən i fwaʼanə n kow mə.

1 Kɔrint 1:19

I tɔ̀ɔ doʼo n màʼlə K-a-zə̀ nə̀, “Mə i ghəŋŋə ghə̂ ghən ghə moʼlə nə̀ ghə khə tɔb u nii wə, Ghə keeli tsu nə̀ tɔb u tii u maŋ loʼ kənunu. N ghəŋə nə̀ ghə̂ ghən ghə moʼlə nə̀ ghə ngii tɔbənu, Ghə keeli tsu nə̀, tɔb u ghə u tii u khə way fwaʼ kə loʼ kə.”

1 Kɔrint 3:19

I loʼ nə̀, fə̂ key mbi tɔŋŋənə nə̀ a loʼ utɔb, a loʼ ilaʼlə n sə K-a-zə̀. I loʼ tə i tɔ̀ɔ doʼonə n màʼlə K-a-zə̀ nə̀, “Zə̀ kə biilə kwɔɔ kɔʼɔ kə ghə̂ a tɔbə ghə n tɔb wey ghə dza ghə khənu.”

2 Kɔrint 11:20

N sey dza n təŋkey ghaa bəghəm naŋanu abə wù ney naŋa bənə ghaa tə̀ a loʼ kəkɔd, nəəbə zəə ghaa, koʼo kìi ghaa, dii uwû buʼ sâa nyi bə ghaa n saali kə n tûm usə̂.

2 Kɔrint 9:13

Fwaʼ kə ghaa kən i ghəŋŋə nə̀ ndəm aghə̂ i fuu kɔʼləmə tə Zə̀ kə. Ghə i fuu nkɔʼlə tə̀ Zə̀ kə n təŋkey nghee ghaa buunə n wɔɔ kə ni gaamə ghə nsə dzûmə tə Klisto tə tədzəm dii bənu nə̀ ghaa dzûmənu tûm i dzuŋu zə bòʼ Klisto.

Filipi 4:7

Sey, buulə i Kəzə̀ zən i tsəghəshinə tɔb u wù sɔŋtsuʼ wə udzəm, zə i loʼ ghi ghaa, ghəŋŋə nə̀ fə̀ŋ tə̀ ghaa nsə moʼlə tə ghaa tə i loʼ nə kəfə kəmɔʼ ghi Klisto.

2 Tesalonika 2:4

Abə wù wən i dii bənə wû wə, tə i tsayyə Kəzə̀, tə tsayyə fə̂ wey udzəm ghə̂ a ngɔɔmənə tə̀ a loʼ Kəzə̀, tə kɔʼlə naŋa kɔʼ wû u wi idəŋ n kow fə̂ wən udzəm. Tə buʼ nyi daŋŋə n Ndaw Kəzə̀, tə ney naŋa kɔʼ wû u wi nə̀ tə loʼ Kəzə̀.

2 Tesalonika 2:8

Abə ghə i ney nuu tsunə wù wey tə kwɔɔ ghəə ghən, wù wən tə sii ndzəŋŋənə ghə̂ ghə i dii bə uwû. A kee loʼ nə̀, Mûkəbii Yeso i bəghə wey maʼa daʼa kə wi n zuʼ tə idzuu tə wi, tə ləŋi maʼa wi n nyiələ i wi.

Hibru 4:12

Ghɔɔmə i Kəzə̀ i loʼ utaw, khə soʼo kədaʼa. I tɔb tsəghə təkɔb tədzəm. I khə kədaʼa ni nyi ndow n fə̀ŋ ə wù, n zay kə wù, zuŋ u wû u wù nsə n ghəb u wù. I loʼ ni saʼ moʼlə tə aghə̂ nsə ghə i ghaa zə wù dza i ghəŋŋə.

Hibru 5:9

Ambə Zə̀ kə ghəŋə tsunə nə̀ tə kɔʼ kpii, tə n ghəŋə soʼo wi nə̀ tə doʼo wù wey tə fuunə bəghəshi zən i may way tə̀ ghə̂ ghən ghə zownə tə̀ wi.

1 Pita 1:2

Zə̀ kən kə loʼnə Bày saa â sày ghaa tə̀ tə â bayyə naŋa zeynə, Zày kə Zow kə wi kə a sow maʼa tsunə ghaa ni ghəŋə nə̀ ghaa i naŋŋə laŋ u Yeso Klisto wə nsə nə̀ kaŋ tə wi tən tə â fəələnə n zat kə fəkaʼ, tə ghəŋə nə̀ ghaa i loʼ ghə̂ a zow ghə. N gɔŋŋə nə̀ Zə̀ kə dii ghaa n fə̀ŋ ə wi i dzuŋu zə, tə fuu soʼo ghaa n buulə zə naʼ idzəm.

1 Pita 1:22

Nya wən ghaa sow maʼa dzənə wû i ghaa zə nghee ghaa naŋŋənə isəŋə, sey nə̀, ghaa i ndzəmə ləghə wû i ghaa zə tə a loʼ a awaazə, i ndzəmə ləghə na wû i ghaa zə n fə̀ŋ tə ghaa tə tədzəm.