2 Kɔrint 10:18 - Kaa n Kəzə̀ n fəghə mə

¹⁸ I loʼ sey n təŋkey, à way dzə wù wey tə kalinə wû u wi wə, tə ghəŋŋənə ghəə ghey a kpiinə n sə K-a-zə̀, à fəd loʼ wù wey Mûkəbii kalinə, tə ghəŋŋənə ghəə ghey a kpiinə n sə K-a-zə̀.

2 Kɔrint 10:18 Mawu Ofanana

Lukas 16:15

Yeso n dza ndòw tə̀ ghə nə̀, “À loʼ ghaa, ghaa diinə wû zə n sə kə aghə̂, nə ghaa loʼ ghə̂ a dzuŋu ghə, Zə̀ kə a kee koʼonə fə̀ŋ tə ghaa tə. Sey, fə wey wù sɔŋtsuʼ gaʼanə fəŋ tii, u fədlə ləbinu tə̀ Zə̀ kə.

Tùm i dzuŋu zə kuum Yeso Klisto tə Jɔn â tɔɔnə 12:43

Ghə â tsəŋə bòʼ nə̀ ghə â ləghə ni keeli kɔʼlə mey ghə̂ a mbi ghə â fuunə, tsəghəshi kɔʼlə mey Zə̀ kə fuunə.

Kəfwaʼ 2:22

Pita n daŋŋə dza tə ghə nə “Ghə̂ ghə Izree ghə, ghaa zow! Yeso wù Nazaled wən Zə̀ kə â sàynə, tə n dii bə wi tə ghaa n faalə mən tə â ghəŋənə, tsəə tən tə â diinə nsə ghəə a səŋi ghən tə â ghəŋənə n fəŋŋə kə ghaa. Wû i ghaa, ghaa mgbaŋ khənu ghəə a tii ghə.

Roma 14:18

Abə wə fwaʼanə tə Klisto n jii zən, Zə̀ kə n duʼlə, ghə̂ ghə n kali soʼo nə̀ wə loʼ wù dzuŋu.

Roma 16:10

Tɔŋɔ zowtsu na Apeles wən tə dii shi bənə nə̀ tə n ndzəm bəghəm tə̀ Klisto. Ghaa tɔŋɔ zow ndow ghə̂ ghey n ndaw Aristobulus.

Roma 2:29

Wù wey tə ndzəm loʼnə wù Juu loʼ tə wey tə loʼ nə̀ ghə n səghə tyi kə wi kə n fə̀ŋ ə wi. À loʼ Zay kə Zow kə, kə fwaʼnə ghəə a tii ghə, a way dzə ghəə zey i tɔ̀ɔ doʼonə nə kəlaŋ. À loʼ Kəzə̀ kə kalinə ndzoʼo wù wən à way dzə wù sɔŋtsuʼ.

1 Kɔrint 11:19

À loʼ kənu ghə i dzuŋu zə nə̀ ghaa khənu ni dzawwə doʼo n wû i ghaa, sey nə̀, ghə loʼ ni tɔʼɔ koʼo keeli bə ghə̂ ghey ghə ndzəm loʼnə dzûmə tə Klisto tə.

1 Kɔrint 4:5

Sey, kə ghaa nə tsəʼlənə saʼ n kow wù nə̀ nəŋə i ka kam kpii. Ghaa khə ni ləmə ni ndow kuum n nəŋə zey Mûkəbii i bəghənə tii. À loʼ wi tə i ney naŋŋə bənə ghəə ghey adzəm a nyi doʼonə nə kələm n mgbaŋ, tə i chi dii bə soʼo moʼlə tə bəbə tey ghə̂ a khənə n fə̀ŋ tə ghə. N nəŋə i tii zə, Zə̀ kə i fuu kə kay wù n kɔʼlə mey n kpiinə tə̀ wi.

2 Kɔrint 10:12

À way dzə nə̀ ghey foʼlə iwû nkee ghey baalə ghi ghə̂ ghey ghə kɔʼlənə wû zə nə̀ ghə loʼ ghə̂ a səŋi ghə. Abə ghə fòʼlənə wû i ghə zə sey, baalə soʼo sey n wû i ghə, ghə sey laʼlə maʼa wû i ghə.

2 Kɔrint 13:7

Ghey gɔŋŋə tə̀ Zə̀ kə nə̀ i kə ghaa nə ghəŋŋə bəəbənə ghə i loʼ zə. À way dzə ni dii nə̀ ghey n təm zə̂, à fəd loʼ ni ghəŋə nə̀ ghaa ghəŋə ghəə zey i kpiilənə, abə i loʼ kənə tə̀ ghey n bwu.

2 Kɔrint 3:1

Ghaa moʼo nə̀ ghey kəm kaʼ ndow ni kali wû i ghey ə? Nkee ghaa moʼo nə̀ ghey khə ni bə dii bə ghaa n màʼlə kə nə̀ à tɔ̀ɔ bə ghə̂ a nuu ghə nkee nə̀ à tɔ̀ɔ ghaa kə kalinə ghey nə̀ ghey loʼ ghə̂ a dzuŋu ghə ə?

2 Kɔrint 5:12

Ghey fa dza bə dzə way nə̀ ghey loʼ ghə̂ a dzuŋu ghə tə̀ ghaa, ghey fədlə fuu bə ghaa n bùʼ kə nə̀ ghaa i mbɔŋ tsɔbə fə̀ŋ tə ghaa tə bòʼ ghey, sey nə̀, ghaa i loʼ ni beeli ghə̂ ghey ghə kɔʼlənə wû zə nə ighəə nə̀ à way ghə zey i loʼnə n fə̀ŋ tə ghə.

2 Kɔrint 6:4

Ghey fədlə dii bə wû i ghey tə̀ a loʼ ghə̂ a kəfwaʼ a Kəzə̀ a dzuŋu ghə nə̀ təjìi tədzəm, nghee ghey kownə fə̀ŋ n chɔd mən ghey keelinə, kow fə̀ŋ n ghəə ghən a tsəmə tawnə, kow soʼo fə̀ŋ nghee tə̀ ghey tsəmə zow kənə ngoʼ.

2 Timoti 2:15

Ndəmi tsu wû wə ni doʼo tə a loʼ wù kəfwaʼ wən Zə̀ kə bəghəm naŋanə, ndzoʼo wù kəfwaʼ wey tə dədlə way n tow kə, wù kəfwaʼ wey tə loʼ soʼonə ni tɔʼ tiilə dza tûm zən i loʼnə isəŋə.

1 Pita 1:7

Chɔt mən loʼ ni dii bə nə̀ bəghəm i fə̀ŋ i ghaa i ndzəm loʼnu. Kasə tsaa zən i loʼ ni bəb, ghə nam mɔm koʼonu nə uvələ. Nghee bəghəm i fə̀ŋ i ghaa i tsəghəshi kə tsaa zə, ghə khə soʼonu ni mɔm koʼ, sey nə̀ ghaa loʼ ni taw tsəghə ghəə a mbi. Abə ghaa ghəŋənə sey, Zə̀ kə i ghəŋə nə̀ ghə̂ a kali ghaa, ghə fuu ghaa n kɔʼlə mə nsə ngɔɔmə zə n tsuʼ fey Yeso klisto i bəghənə a tii.