2 Kɔrint 10:14 - Kaa n Kəzə̀ n fəghə mə

¹⁴ Ghey ka kɔʼlə dzə wû zə tsəghəshi fwaʼ kə ghey tə̀ a i dza ghey ka kam bə koʼ tsə fey n səə ghaa. Â loʼ ghey ghə̂ a sə isə ghə ni ney bə tûm i dzuŋu zə bòʼ Klisto tə̀ ghaa.

2 Kɔrint 10:14 Mawu Ofanana

Malakus 1:1

À wən loʼ nghee tə tûm i dzuŋu zə bòʼ Yeso Klisto, Waa Kəzə̀ â kaʼnə tii.

Kəfwaʼ 20:24

N tsəm ə buʼu ney way muu zuŋ zə tə a loʼ fə loʼ kə, n ləghə kə ni mayyə kɔʼ fwaʼ kən Mûkəbii Yeso fuu naŋanə tə mə. Fwaʼ kə tii kə loʼ ni təmi tiilə tûm i dzuŋu zə bòʼ ndzuŋ zən Zə̀ kə khənə n kow saa.

Roma 1:16

N dədlə way n tow kə ni naʼa tûm i dzuŋu zə, n təŋkey, tûm i dzuŋu zən loʼ daʼa K-a-zə̀ kən kə bəghəshiənə ghə̂ ghey adzəm ghə bəghəmnə tə Klisto. Tûm tii zey tsu dzə n kow ghə̂ a Təjuu ghə tə̀ ghii zə ni ndow tə̀ ghə̂ ghən ghə way ghə̂ a Təjuu ghə.

Roma 16:25

N gɔŋŋə nə̀ saa mə fuu nkɔʼlə tə̀ Zə̀ kə. Tə loʼ ni ghəŋə nə̀ ghaa təmi taw tsu, ghaa gaʼ soʼo fə̀ŋ n kow wi. A wey loʼ ghəə zey tûm i dzuŋu zey n naʼlənə kuum Yeso Klisto dzanə. Ghəə zey tûm i dzuŋu zən dzanə kuum Klisto â nyi doʼonu n nùm tə ibam tə.

Roma 2:16

Tûm i dzuŋu zən n naʼlənə, bɔɔmə dii bə nghee zə i doʼlənə tii abə Zə̀ kə i saʼanə ghəə ghən a nyi doʼonə n fə̀ŋ tə aghə̂ tə n bam i Yeso Klisto.

1 Kɔrint 2:10

Zə̀ kə n ghəŋə nə̀ Zay kə Zow kə chi dii bə ghəə ghən tə â nyi naŋanə tə̀ saa. À loʼ Zay kə Zow kən kə fuʼi shiə kɔʼɔ bənə ghəə ghə adzəm, fuʼi may shiə kɔʼɔ bə ghəə a Kəzə̀ ghən a nyi doʼo nay nyi ndownə.

1 Kɔrint 3:10

Mə â ney kɔʼ naamə key Zə̀ kə â fuunə tə̀ mə, səd tsu tsə̂ kə ndaw tii tə̀ a loʼ wù wey tə bəghə khəələnə ndaw tə. Wù nuu nya kee bəghə n tsə̂ kə tii kə. À kee loʼ nə̀ kay wù khə ni ney ighə̂mə n jìi zey tə bəghənə tii.

1 Kɔrint 4:15

Abə ghaa bùʼ khə kənə ghə̂ ghə tə a loʼ təkam ighəm ghə dəŋənə ghaa nə̀ ghaa i loʼ nə kəfə kəmɔʼ ghi Klisto, ghaa khə kə bày umɔʼ. A may kə mə, mə â doʼo bə tə̀ a loʼ bày ghaa n təŋkey, ghaa â doʼo bə nə kəfə kəmɔʼ ghi Klisto nə̀ à loʼ mə n ney bənə tûm i dzuŋu zə tə̀ ghaa.

2 Kɔrint 2:12

Nghee mə̀ â ndòwnə n naʼ i Trowas ni ndòw naʼa tûm i dzuŋu zə bòʼ Klisto, à n loʼ nə̀ Mûkəbii n chi naŋa jìi tə̀ mə ni fwaʼ fu.

2 Kɔrint 4:4

Nghee tə̀ ghə̂ ghən ka bəghəm tə̀ Zə̀ kə, zə̀ kə mbi kən tɔŋŋə Satan n ghəŋə naŋa ləm kə n fə̀ŋ tə ghə, sey nə̀ kə ghə nə koʼonə tsə u tûm i dzuŋu wey u dii bənə kɔʼlə n Klisto wən tə loʼnə tə̀ a loʼ Kəzə̀.

Kolose 1:5

Bəghəm i fə̀ŋ zən nsə ləghə zən ghaa khənə loʼ n təŋkey ghaa ləmmə tənə ni keeli naamə kən Zə̀ kə naŋanə tə ghaa n fɔ̀ɔ wə idəŋ wə. Ghaa â keeli ndzoʼo moʼlə zən n nəŋə zey ghaa â bəghəmnə tûm i dzuŋu zən kuum Yeso Klisto i loʼnə isəŋə.

1 Timoti 1:11

Dii zən bəghəm dzəŋi ghi tûm i dzuŋu zən Zə̀ kə â fuu naŋa tə mə nə̀ n naʼa. À wən loʼ tûm i dzuŋu zən, i nuu bənə n wɔ Zə̀ kən kə khənə daʼa kə, ghə̂ fuunə wi n kɔʼləmə.