2 Kɔrint 10:13 - Kaa n Kəzə̀ n fəghə mə

¹³ Ghey way dzə ni kɔʼlə iwû tsəghəshi luʼu key ghey khə ni kɔʼ kuum tii, ghey kee kɔʼlə kuum tsuu kə iwû n luʼu key Zə̀ kə bayyə naŋa nə̀ ghey kɔʼ kuum tii. Ghaa loʼ soʼo n fəŋŋə kə luʼu key Zə̀ kə bayyə naŋa nə̀ ghey kɔʼlə kuum iwû tii.

2 Kɔrint 10:13 Mawu Ofanana

Matyo 25:15

Tə n fuu ndòw kə tə̀ kay, tə̀ daʼa kə wi kə diinə. Tə n fuu ndòw wù umɔʼ n mbəghə wə ukhəə wə utaa, fuu ndòw u loʼ wə n mbəghə wə ubəghə, fuu ndòw wù loʼ wey n mbəghə kə kəmɔʼ.

Roma 10:18

N kee bəbə nə̀, à loʼ nə̀ ghə̂ ghə Izree ghə â ka zow tûm i dzuŋu zən ə? Ghə mâ tsəm zow n təŋkey i tɔ̀ɔ doʼo n màʼlə K-a-zə̀ nə̀, “Ghə mâ naʼa ngəə tsəghə bə tûm tii n mbi idzəm. Bat kə mbi kə loʼ kə way soʼo nə̀ ghə ka kam zow tûm i tii zə a fu.”

Roma 12:3

Nghee tə̀ Zə̀ kə diinə mə n ndzuŋ ni fuu mə n daʼa kə, n dza bə tə ghaa adzəm nə̀, kə ghaa nə kɔʼlə naŋŋənə wû i ghaa zə tsəghəshiə nghee ghaa khə ni kɔʼlə tii, ghaa khə ni fəd ney ighə̂mə n ghəə ghey ghaa sàynə ni ghəŋə. Kay wù khə ni ghəŋŋə ndow ghəə ghə tə̀ Zə̀ kə fuunə wi n bəghəm i fə̀ŋ zə.

Roma 12:6

I loʼ nə̀, nghee tə̀ Zə̀ kə khənə fə̀ŋ i dzuŋu zə, tə n fuu kay wù saa n naamə kə wi kə n nəŋ. Abə à loʼ nə̀ Zə̀ kə naamə wɔ n naamə kə ni naʼlə tûm Kəzə̀, wə khə ni teeli naʼlə ndow sey tə̀ Zə̀ kə fuunə wɔ n bəghəm i fə̀ŋ zə.

Roma 15:20

Dey zuŋ zə â loʼ ni naʼa ndow tûm i dzuŋu zən boʼ Klisto n luʼu tey wù loʼ ka kam naʼa koʼ tsə fuu, sey nə̀, kə n nə bəghənə n tsə kə ndaw nə̀ à səd naŋa wù nuu.

1 Kɔrint 12:11

Ghəə ghən adzəm a fuu bə Zay kə Zow kə mɔʼɔ kə, à tsə̀mə tsuu soʼo wi ndzoʼo naamə key tə i fuunə tə̀ kay wù.

Efesus 4:7

À kee loʼ nə̀ Klisto dii kay wù saa n ndzuŋ n nəŋ n nəŋ, fuu saa n naamə kə tə̀ tə tsəm tsunə.

1 Pita 4:10

Nghee i loʼ nə̀ Zə̀ kə n fuu kay wù ghaa n naamə kə, ghaa khə ni ney naamə kən Zə̀ kə diinə fə̀ŋ ə wi i dzuŋu zə ni fuu tə ghaa, ghaa i laalə ndow ghə̂ a loʼ ghə tii.