2 Kɔrint 10:12 - Kaa n Kəzə̀ n fəghə mə

¹² À way dzə nə̀ ghey foʼlə iwû nkee ghey baalə ghi ghə̂ ghey ghə kɔʼlənə wû zə nə̀ ghə loʼ ghə̂ a səŋi ghə. Abə ghə fòʼlənə wû i ghə zə sey, baalə soʼo sey n wû i ghə, ghə sey laʼlə maʼa wû i ghə.

2 Kɔrint 10:12 Mawu Ofanana

Lukas 18:11

Wù Falasi wey n sey təmi ndòw n nəŋə wi, zey ndòw ni gɔŋŋə dza, ‘N fuu bə kəzɔŋŋə tə̀ wɔ a Zə̀ kə, nghee tə n mə̂ə way wù n fə kə, n tsi way wù, n badla way ghəə ghə, n taa zaʼa way wey wuŋ tə ghə̂ a loʼ a ghəŋŋənə. N fuu kəzɔŋŋə tə wɔ nə n way dzə tə̀ a loʼ wù kwɔɔ u kəmàʼlə wey tə teynə fey.

Roma 15:18

N ndɔm way ni kɔʼlə uwû n ghə i loʼ zə tsəghəshiə way ghəə ghey Klisto ghəŋənə nə̀ n ghəŋə. Tə ghəŋə nə̀ ghə̂ ghən ghə way ghə̂ a Təjuu ghə i zow tə Zə̀ kə n tûm i dzuŋu zən n naʼlənə tə ghə nsə ghəə ghey n ghəŋŋənə n fəŋŋə kə ghə.

2 Kɔrint 10:11

N ləghə nə̀ ndzoʼo ghə̂ ghən zowkeeli tsu nə̀, ghəə ghən ghey dzanə nə kəmàʼlə abə ghey way ghi ghə, à bɔɔmə loʼ ghəə ghey ghey ghəŋŋənə abə ghey loʼnə ghi ghə.

2 Kɔrint 10:18

I loʼ sey n təŋkey, à way dzə wù wey tə kalinə wû u wi wə, tə ghəŋŋənə ghəə ghey a kpiinə n sə K-a-zə̀, à fəd loʼ wù wey Mûkəbii kalinə, tə ghəŋŋənə ghəə ghey a kpiinə n sə K-a-zə̀.

2 Kɔrint 3:1

Ghaa moʼo nə̀ ghey kəm kaʼ ndow ni kali wû i ghey ə? Nkee ghaa moʼo nə̀ ghey khə ni bə dii bə ghaa n màʼlə kə nə̀ à tɔ̀ɔ bə ghə̂ a nuu ghə nkee nə̀ à tɔ̀ɔ ghaa kə kalinə ghey nə̀ ghey loʼ ghə̂ a dzuŋu ghə ə?

2 Kɔrint 5:12

Ghey fa dza bə dzə way nə̀ ghey loʼ ghə̂ a dzuŋu ghə tə̀ ghaa, ghey fədlə fuu bə ghaa n bùʼ kə nə̀ ghaa i mbɔŋ tsɔbə fə̀ŋ tə ghaa tə bòʼ ghey, sey nə̀, ghaa i loʼ ni beeli ghə̂ ghey ghə kɔʼlənə wû zə nə ighəə nə̀ à way ghə zey i loʼnə n fə̀ŋ tə ghə.