2 Kɔrint 1:8 - Kaa n Kəzə̀ n fəghə mə

⁸ Waazə ghə, ghey ləghə nə̀ ghaa zowkeeli ndzoʼo chɔd mey ghey a koʼnə n mbuʼu Eshya. Ghəə â tii a ma tsəghəshi daʼa kə ghey kə, ghey n kəm way ni kow fə̀ŋ. Ghey a nya moʼlə kə nə̀ ghey maŋ loʼ fə wə ivə.

2 Kɔrint 1:8 Mawu Ofanana

Kəfwaʼ 16:6

Ambə Zay kə Zow kə tuu tsu nə̀ ghə ka naʼa ghɔɔmə i Kəzə̀ zə n mboʼo Eshya, ghə n tsəghə daŋŋə ndow jii n mboʼo Frigya nsə n Galeshya.

Kəfwaʼ 19:41

Ambə tə dza tsunə sey, tə n sali maʼa tsu dzəŋi kə tii kə.

Kəfwaʼ 2:9

Saa a loʼ a nuu bə n Patya, a loʼ ghə n Midya nsə n Elam. Saa a loʼ ghə a nuu bə nə n bad u Mesopotemya, a loʼ ghə n Judeya, a loʼ ghə n Kapadoshya, a loʼ ghə Pontus nsə n Eshya.

Roma 1:13

Waazə ghə, n ləghə nə̀ ghaa keeli tsu nə̀, mə n bayyə naŋa wû wə ndəmə tənəŋə ni bə taa n səə ghaa, à kee loʼ nə̀, nəŋə tədzəm abə n bayyə tsunə wû wə ni bə, ghə i loʼ zə maŋ bə təʼlə maʼa kɔʼ mə. Ghə i tii i loʼ nə, n ləghə ni bə fwaʼ soʼo n fəŋŋə kə ghaa ni ghəŋə nə̀ ghə̂ a loʼ ghə a doʼo bə dzûmə tə̀ klisto, ighələ tə n ghəŋənə n naʼa tə loʼ tən ghə way ghə̂ a Təjuu.

1 Kɔrint 15:32

Abə mə â zuulə baalənə ghi nyam tə mbvən tən tɔŋŋə ghə̂ ghən n naʼ i Efesus, nə̀ à maŋ loʼ kə n moʼlə tə wù sɔŋtsuʼ, n mə zə̂ kee a tii abə à loʼ nə̀ ghə̂ a kpu a mə zhəm dzəŋŋə way nə ivə ə? Abə i ndzəm loʼnə nə̀ ghə̂ a kpu a zhəm dzəŋŋə way nə ivə, saa sey khə ni maŋ muu tə̀ ghə̂ a loʼ a dzanə nə̀, “Bə na, saa zə̂, saa mə nlə, n təŋkey, tsətsə, saa i kpuunu.”

1 Kɔrint 16:9

Zuŋ kə tii kə loʼ nə̀, Zə̀ kə n fuu mə fa n bùʼ kə tə̀ mə ni fwaʼ fwaʼ kə səŋi kə, nghee i tsəm loʼ kə nə̀ ndəmə aghə̂ a təʼlənu mə.

1 Kɔrint 4:8

Ghaa n keeli may fə̂ wey udzəm ghaa â ləghənə ni keeli ə? N dza ghaa n doʼo tən ghə̂ a kûum ghə? Ghaa nya loʼ udəŋ nə̀ ghey ka kam doʼo də̀ŋ wə ə? Tə̂ n mə duʼlə abə ghaa mə̂ ndzəm loʼnə də̀ŋ wə, sey ghey mə mbɔŋ loʼ ni doʼo bə udə̀ŋ ghi ghaa.

2 Kɔrint 1:9

Ghey â nya ndzəm loʼ kə tə̀ a loʼ ghə̂ ghey ghə tsəʼlə dzənə saʼ n tow u ghə nə̀ ghə khə ni kpu. À kee loʼ nə̀ ghəə a tii ghə â shi n ghəŋə nə̀ ghey keeli tsu nə̀ ghə i loʼ i way ghey loʼ ni kəm ghəŋə n daʼa kə ghey, à may kə n daʼa K-a-zə̀. À loʼ wi tə zhəm nuu dzəŋŋə bənə ghə̂ ghə nə ivə.

2 Kɔrint 6:9

Ghə ghəŋŋə tə̀ ghə khə way ghey loʼ sey nə̀ ghə adzəm khənu ghey. Ghey loʼ tə̀ a loʼ fə wə i ivə, nə ghey nam loʼ utaw. Ghə̂ ghə a chɔdlɔnə ghey, nam way ni wey ghey.