2 Kɔrint 1:14 - Kaa n Kəzə̀ n fəghə mə

¹⁴ n təŋkey, ghaa ka ghey kam tɔʼ zowkeeli. N sey gɔŋŋə nə̀ abə n tsuʼ fey Mûkəbii saa Yeso î bəghənə, ghaa i loʼ ni kɔʼlə wû zə bòʼ ghey ighələ tə̀ ghey kɔʼlənə wû zə bòʼ ghaa.

2 Kɔrint 1:14 Mawu Ofanana

Roma 11:25

Waazə ghə, isəŋə i loʼ i loʼnu i nyi doʼonə, n ləghə nə̀ ghaa keeli tsu, zə i ghəŋŋənə ghaa, ghaa i kɔʼlə way wû zə nə̀ ghaa tɔbənu. I loʼ nə̀ ghə̂ ghə Izree ghə i taw doʼo tən dzə way n tow kə. Nəŋə i bəghənu, ghə̂ ghən adzəm Zə̀ kə sàynə nə̀ à way ghə̂ a Təjuu i bəghəmnə tə̀ Klisto, ghə̂ Təjuu ghə i təmdzəŋi bə soʼo ghə.

1 Kɔrint 1:8

Tə i keyyə ghaa nə̀ ghaa i taw n bəghəm i fə̀ŋ i ghaa ni ndòw kùm ndow, sey nə̀, ghaa i khə way bwu i loʼ zə n muu i ghaa n tsuʼ fey Mûkəbii saa Yeso Klisto i bəghə dzəŋŋənə tii.

1 Kɔrint 11:18

Ghə i sə̂ i sə i loʼ nə̀, n zow nə̀ abə ghaa dzəŋi bənə tə̀ à loʼ dzûmə tə Klisto, ghaa n way dzə n dzə̀ imɔʼ. Ghəə a tii ghə u loʼ tə̀ mə i bəghəm nə̀ a loʼ isəŋə.

1 Kɔrint 15:31

Waazə ghə, n dza bə tə̀ ghaa nə̀ n koʼo ivə tsuʼu n dzəm. À kee loʼ nə̀, kɔʼlə mey n khənə à loʼ nə̀ ghaa loʼ nə kəfə kəmɔʼ ghi Yeso Klisto tə loʼnə Mûkəbii saa.

2 Kɔrint 2:5

Abə wù loʼ ghəŋənə nə̀ ghə̂ a zow ifɔɔbə, tə ka ghəŋə dzə tə̀ mə, tə ghəŋə tə̀ ghaa, abə a way kə tə ghaa adzəm. N ghəə ghən dza n təŋkey n ləghə dzə way ni ngii dowwə ghə i tii zə.

2 Kɔrint 5:12

Ghey fa dza bə dzə way nə̀ ghey loʼ ghə̂ a dzuŋu ghə tə̀ ghaa, ghey fədlə fuu bə ghaa n bùʼ kə nə̀ ghaa i mbɔŋ tsɔbə fə̀ŋ tə ghaa tə bòʼ ghey, sey nə̀, ghaa i loʼ ni beeli ghə̂ ghey ghə kɔʼlənə wû zə nə ighəə nə̀ à way ghə zey i loʼnə n fə̀ŋ tə ghə.

2 Kɔrint 9:2

N dza sey n təŋkey, n khənu nə̀ ghaa khənu zày ni fuu igaamə, zə â ghəŋənə nə̀ mə i tsɔbə fə̀ŋ tə̀ ghə̂ a Masedonya ghə bòʼ ghaa. N dza tə̀ ghə nə̀, “À nya loʼ kənum tə̀ dzûmə tə Klisto tey nə Akaya â bayyə naŋanə ni fuu igaamə.” Ndzoʼo zày zey ghaa khənə ni fuu igaamə n kəm nùumə dzəŋŋə bə ndəm ə ghə.

Filipi 1:10

sey nə̀ ghaa i loʼ ni sày ghəə ghey a kpiilənə ni ghəŋə, nə̀ abə n tsuʼ fey Yeso Klisto î bənə tii ghaa i zow, khə way bwu i loʼ zə.

Filipi 1:26

Seynə abə mə i kəm bənə n səə ghaa, ghaa i ndəŋ khə zuŋ ni fuu nkɔʼlə tə̀ Klisto bòʼ ghəə ghey tə ghəŋənə nə tə tsəghə n kow mə.

Filipi 1:6

N khə soʼonu nə̀ Zə̀ kən kə â zey tsu fwaʼ kə dzuŋu kən n kôw ghaa, i tsəghə ndow kə n ghii kə isə, ni ndow kùm tsuʼ fey kə i maynə tii, tɔŋɔ, n tsuʼ fey Yeso Klisto î bəghə dzəŋŋənə tii.

Filipi 2:16

Kwu keeli taw tsu na ghɔɔmə i Kəzə̀ zən i fuunə muu zə itsali zə, sey nə̀ n tsuʼ fey Klisto î bəghənə tii, mə̀ i ghaŋŋə wû wə nə̀ fwaʼ kən mə fwaʼ ngəə tsəghə bənə, mə â ka fwaʼ maʼa dzə nə kənunu.

Filipi 4:1

Sey, waazə ghuŋ ghən n ngii ləghənə, mbuŋŋə kìi soʼo ni koʼ. Ghaa loʼ fə key kə fuunə mə n duʼlə zə, ghaa u loʼ soʼo fə key Zə̀ kə naamənə mə tii n fwaʼ kuŋ. Sey waazə ghuŋ a dzuŋu ghə, təmi taw tsu kə na n doʼo i ghaa ghi Mûkəbii.

1 Tesalonika 3:13

Ghey gɔŋŋə nə̀ abə ghaa i ghəŋənə ghəə ghən Zə̀ kə təm tawwə fə̀ŋ tə ghaa, tə ghəŋə nə̀ ghaa i loʼ tsətsəghə. Tə i ghəŋə soʼo nə̀ ghaa i loʼ tsətsəghə sə kə wi tə loʼnə Bày saa n nəŋə zey Mûkəbii saa Yeso i bə dzəŋŋənə ghi ghə̂ a wi ghən ghə khə way bəb i loʼ zə.

1 Tesalonika 5:23

Ghey gɔŋŋə nə̀ Zə̀ kən kə ghəŋŋənə nə̀ fə̀ŋ tə ghaa tə i loʼ nə ibuulə, n wû u wi kə bə ghəŋə nə̀ ghaa i zow n muu i ghaa. Ghey gɔŋŋə nə̀ ghəə adzəm ghaa ghəŋŋənə, ghəə ghey ghaa ləghənə nsə ghəə ghey ghaa moʼlənə i khə way bwu i loʼ zə abə Mûkəbii saa Yeso Klisto i bə dzəŋŋənə.