2 Kɔrint 1:1 - Kaa n Kəzə̀ n fəghə mə

¹ À màʼlə kən tɔ̀ɔ bə mə Pɔl, mə wən Zə̀ kə sàynə nə̀ n doʼo ngəd ə Yeso Klisto. N loʼ fa ghi waazə saa Timoti. N tɔ̀ɔ bə tə̀ ghə̂ a Kəzə̀ ghey n naʼ i Kɔrint, nsə ghə̂ a Kəzə̀ ghey adzəm n mbuʼu Akaya idzəm.

2 Kɔrint 1:1 Mawu Ofanana

Kəfwaʼ 16:1

Pɔl n ndow bə n Debe tsəghə ndow n naʼ i Listra. Dzûmə ə Klisto u loʼ wə ghə tɔŋŋə nə̀ a loʼ Timoti n loʼ fu n naʼ i Listra. Này wi a loʼ zən ə Juu tə a bəghəm nə tə Yeso, bày wi n kee loʼ wù Gris.

Roma 15:26

N dza sey n təŋkey, dzûmə tə Klisto tey n Masedonya nsə Akaya, ghə n tsow fə wə n fə̀ŋ tə ghə tə dzuŋu tə ni fuu tə a loʼ kənaamə tə ghə̂ a Kəzə̀ ghey ghə laanə n naʼ i Yerosalem

Roma 16:21

Timoti wən tə fwaʼa dzəŋinə ghi mə tûm bə tɔŋɔ zow i wi tə ghaa. Ighələ tə Lusiɔs, Jason nsə Sosipata, ghə loʼnə waazə ghuŋ ghə, tɔŋŋə zow bənə.

Roma 16:5

Tɔŋɔ zow ndow n na dzûmə tə Klisto tey tə nyiənə n ndaw ghə. Ghaa tɔŋɔ zow ndow soʼo wù fə wuŋ u dzuŋu wə tɔŋɔ Epenetus. Â loʼ wi wù sə̂ isə̂ n mboʼo Eshya ni bəghəm tə Klisto.

1 Kɔrint 10:32

Kə ghaa nə ghəŋŋənə ghəə zey zə i fuunə chɔd wə tə̀ ghə̂ a Təjuu ghə, ghə̂ ghən ghə way ghə̂ a Təjuu ghə nkee tə̀ ghə̂ a Kəzə̀ ghə.

1 Kɔrint 16:10

Abə Timoti kpaʼi bənə fey n səə ghaa, ghaa ney naŋa wi n wɔɔ a dzuŋu ghə n fəŋŋə kə ghaa n təŋkey, tə bɔɔmə fwaʼa soʼo fwaʼ kə Mûkəbii kən n fwaʼanə.

1 Kɔrint 16:15

Waazə ghə, ghaa khənu nə̀ Stefanas ghi ghə̂ ghey n ndaw wi â loʼ ghə̂ a sə isə ghə ni fəd doʼo bə dzûmə tə Klisto n mboʼo Akaya. Ghə a fuu may ndownə wû i ghə zə ni fwaʼa tə̀ ghə̂ a Kəzə̀ ghə.

1 Kɔrint 16:24

N ləghə ghaa ghən adzəm ghaa loʼnə nə kəfə kəmɔʼ ghi Yeso Klisto. À may kuum kə sey.

1 Kɔrint 6:11

À wən bɔɔmə loʼ ndzoʼo ghəə ghey ghaa a loʼ ghə â buʼu ghəŋŋə tsənə. Mûkəbii Yeso Klisto nsə Zay kə Zow kə n kee sow maʼa tsu ghaa n ghəə a ghaa a bəbə ghə, ghəŋə nə̀ ghaa i zow n sə K-a-zə̀, ghəŋə soʼo nə̀ ghaa i loʼ tsətsəghə n sə̂ K-a-zə̀.

2 Kɔrint 1:19

Waa Kəzə̀, Yeso Klisto wən ghey naʼlənə tə̀ ghaa, tɔŋŋə, mə, Sivanus, nsə Timoti, fwɔdlɔ bəghəm dzə way ghəə zə, tə n kəm tuu i tsu. Abə tə bəghəm kɔʼnə ghəə zə, tə n bəghəm, nə̀ tə tuunu, tə n tuu tən tsu.

2 Kɔrint 1:23

Zə̀ kə loʼ ni təmi tiilə bòʼ mə nə̀ n dza isəŋə nə̀ ghəə zey mə â doʼonə nə̀ n ka kəm bə n Kɔrint, â loʼ n təŋkey mə̀ â ləghə way ni tɔɔbə n kow ghaa.

2 Kɔrint 11:10

Nghee tə̀ isəŋə i Klisto i loʼnə n fə̀ŋ zuŋ, wù loʼ way dzə n mbuʼu Akaya ni buu naŋa mə nə̀ kə n nə tsɔbənə fə̀ŋ.

2 Kɔrint 9:2

N dza sey n təŋkey, n khənu nə̀ ghaa khənu zày ni fuu igaamə, zə â ghəŋənə nə̀ mə i tsɔbə fə̀ŋ tə̀ ghə̂ a Masedonya ghə bòʼ ghaa. N dza tə̀ ghə nə̀, “À nya loʼ kənum tə̀ dzûmə tə Klisto tey nə Akaya â bayyə naŋanə ni fuu igaamə.” Ndzoʼo zày zey ghaa khənə ni fuu igaamə n kəm nùumə dzəŋŋə bə ndəm ə ghə.

Galeshia 1:1

À màʼlə kən tɔ̀ɔ bə mə Pɔl. N loʼ ngəd ə Yeso Klisto. À ka mə say dzə wù sɔŋtsuʼ, à way soʼo wù sɔŋtsuʼ tə tûmnə mə nə n doʼo tsəndəghə. À fəd loʼ Yeso Klisto nsə Zə̀ kə, tə loʼ Bày wən tə â zhəm dzəŋŋə bənə Yeso nə ivə.

Galeshia 3:26

Nya, à loʼ bəghəm i fə̀ŋ zən ghaa khə n kow Yeso Klisto, i ghəŋŋənə nə̀ ghaa doʼo waa a Kəzə̀.

Efesus 1:1

À màʼlə kən tɔ̀ɔ bə mə Pɔl. Zə̀ kə n say mə nə̀ n doʼo ngəd ə Yeso Klisto. N tɔ̀ɔ bə tə̀ ghə̂ a Kəzə̀ ghən n naʼ i Efesus ghə bəghəmnə tə̀ Yeso Klisto, taw dzɔbə n bəghəm i fə̀ŋ i ghə.

Filipi 1:1

À màʼlə kən tɔ̀ɔ bə mə̀ Pɔl nsə Timoti, ghey loʼnə ghə̂ a kəfwaʼ a Yeso Klisto ghə. N tɔ̀ɔ bə tə̀ ghə̂ a Kəzə̀ a zow ghə, ghə loʼnə nə kəfə kəmɔʼ ghi Yeso Klisto n naʼ i Filipi. N tɔ̀ɔ bə soʼo tə̀ ghə̂ ghey ghə loʼnə tow wə n Ndaw Kəzə̀ nsə ghə̂ ghən ghə fuunə gaamə zə n Ndaw Kəzə̀.

1 Tesalonika 1:1

À maʼlə kən tɔ̀ɔ bə mə Pɔl. N tɔ̀ɔ dzəŋi ghi Silas nsə Timoti. Ghey tɔ̀ɔ bə tə̀ dzûmə tə Klisto tey n naʼ i Tesalonika. Ghaa loʼ ghə̂ a Kəzə̀, tə loʼnə Bày saa, loʼ soʼo bày tə̀ Mûkəbii Yeso Klisto. Ghey gɔŋŋə nə̀ Zə̀ kə mə̂ dii ghaa n fə̀ŋ ə wi i dzuŋu zə, tə ghəŋə soʼo nə̀ fə̀ŋ tə ghaa tə i loʼ nə ibuulə.

1 Tesalonika 3:2

Ghey n tûm bə Timoti waazə ghey wən tə fwaʼanə tə̀ Zə̀ kə ghi ghey ni naʼa tûm i dzuŋu zən bòʼ Klisto nə̀ tə bə tɔm bə ghaa, tə təm tawwə bə soʼo bəghəm i fə̀ŋ i ghaa.

2 Tesalonika 1:1

À màʼlə kən tɔ̀ɔ bə Pɔl, Silas nsə Timoti tə dzəŋi u dzûmə tə Klisto tə n naʼ i Tesalonika ghən ghə bəghəm nə tə Zə̀ kə tə loʼ Bày saa nsə Mûkəbii Yeso Klisto.

1 Timoti 1:1

A màʼlə kən tɔ̀ɔ bə mə Pɔl, n loʼnə ngəd ə Yeso Klisto. N doʼonə tsəndəghə ə wi nə̀ a mə sày Zə̀ kən kə loʼnə bəghəshi ə saa nsə Yeso Klisto wən saa gaʼnə fə̀ŋ n kow wi.

2 Timoti 1:1

A loʼ mə Pɔl n tɔ̀ɔ bənə màʼlə kən. Â tsəm kɔʼ Kəzə̀ ni sày mə nə̀ n doʼo ngəd tə Yeso Klisto. Tə tûm bə mə nə̀ n bə naʼa tûm i dzuŋu zə tə ghə̂ ghə bòʼ muu zən tə â təb naŋa tə ghə̂ ghən ghə loʼnə nə kəfə kəmɔʼ ghi Yeso Klisto.

Taytus 1:1

À màʼlə kən tɔ̀ɔ bə mə Pɔl. N loʼ wù kəfwaʼ ə Kəzə̀, lòʼ soʼo ngəd ə Yeso Klisto. Zə̀ kə â say kɔʼ mə, tûm bə nə̀ n bə gaamə ni ghəŋə nə̀ bəghəm i fə̀ŋ i ghə̂ ghən Zə̀ kə sày naŋa nə̀ ghə doʼo ghə̂ a wi, zə i nyîmmə, n ghəŋə soʼo nə̀ ghə keeli isəŋə zey i loʼ ni gaamə ghə nə̀ ghə i muu n jìi zey Zə̀ kə ləghənə.

Filemun 1:1

À màʼlə kən tɔ̀ɔ bə mə Pɔl. N loʼ wù ndaw tsaʼ bòʼ fwaʼ kən n fwaʼa nə tə Yeso Klisto. N maʼlə kən tɔ̀ɔ bə ghi waazə ə saa Timoti. Ghey tɔ̀ɔ bə tə wɔ a Filemun, wə loʼ fə̂ ə ghey u dzuŋu wə, wə fwaʼa dzəŋinə ghi ghey.

Hibru 13:23

N ləghə nə̀ ghaa keeli tsu nə̀ waazə ə saa Timoti n shi n ndaw tsaʼ, abə i loʼ nə̀ tə kuʼlə bənu, mə i dzəŋi bə ghi wi ni bə koʼ ghaa.